2 PETER 2:20 - Cho Bible Common Language 2016

²⁰ Chang gui cu mi Hunbawipa Jesuh Khrit ami hmuhhmat nak awn, dek khan shetkat nak ami phiawn nak awn ah, cun ah shetkat nak ah khleihtein ah ami kyak ba ah a kyak ung, ak htük ah mä ak hnu ami ghin nak cu, sheka pi bäih ci.

2 PETER 2:20 Referans Kwoze

PHILIPPIAN 3:19

Cun ah chang gui cu m’htei kho khüt ne hteit ci gui ah kyak ci. Ngami ah Khanpughi cu pumsa a ng’yak hlü ah om ih nak ah kyak ci. Ngami cu thui ng’aa nak vaisü ung khähghah ci gui, ami m’lung kyong ung phi khomdek khan ah a mawng ama bäng be ci.

THULÄÄN NAK 32:29

A i ah kyasei ami hniim gui cu, Ngami naw kä hmu hning ci gui. A i ah kya lawk ci, cicu ngami naw kä hmat ci gui.

2 PETER 1:4

Acun ah ang htei ah hlüngtai ci la küikyang ciah m’shumphyuk shaitaak cu na pe gui ci. Cun ah m’shumphyuk nak awn nang mi cu, khomdek khan ah shetkat dimaih nak cu phiawn nah u ne, Khanpughi ung nami ng’yung tu ba ci.

2 PETER 2:18

Ngahmi naw shetkat nak ungka phyawng law thai ciah chang gui cu, khähghah ne thuvi nak ah ng’thu la pumsa ah ng’yak hlü hlimtui nak gui awn k’däk ne lam hma sak gui ci gui.

2 PETER 1:2

Khanpughi la Hunbawipa Jesuh Khrit cu hmuhmat cüivai nak awn, m’geinsei nak la dimdeeih nak cu na mi khan ah kümbe ne om sä.

KHEI NAK 24:20

Cun kawn ah Balaam naw ang muimang ung Amalekit gui cu hmu gui neta, shin ah ng’cängbang ci: Amalek cu pakhui avan ung hlüngtai pikbäih ci, cun ung phi ak hnu ah angtäi sei m’di nak gah khai.

EZEKIEL 33:13

Kei naw changniam ghin nak ah mawng shai ka tak khai, cun ung phi ani naw a bi gui phi ani nak cu bä khai ah ngai neta, tün ne shüm pe ba khai. Ani cu katnak a bi ah phäh ah sik khai.

2 TIMOTHI 2:4

A bilawh mawng ung hnüntho ciah gakaap tumat cu, a bawi naw ayum vai ah bilo ciah kyak ci, a hei a mawng ama ung käng cawngcam, kä hnün tho ci.

JAMES 1:27

Pa Khanpughi ah ma ah theing ne ciim ciah ayum nak om ciah chang cu; geinvai ciah hmeihta nausen gui la hmeinu gui cu, m’theithang ne, m’dekhan shetkat nak gui phiawn nak vai ah, a htingling ah om ciah chang ah kyak ci.

2 PETER 1:3

Khanpughi naw akcang ah yum nak awn mi ghin vai ah, khankho hlüngtai nak awn mi ng’yak hlü phung cu, na pe gui ci, cun cu Bawipa hmuhmat Lulang nak awn, amät ah bämang nak la nikiom nak mi gah vai ah na khü gui ciah Bawipa ung a na peit gui ah kiak ci.

2 PETER 1:8

Cun ah hlü ci gui cu nangmi ung dämda ne a om ah a kyak ung, a cun gui naw Bawipa Jesuh Khrit nami hmuhmat Lulang nak ung ghing ne ning hnünthawh sak gui sei akcang ah awngtang nak phi om khai.

2 PETER 1:11

Cun ah kyasei nangmi cu, Hunbawi Jesuh Khrit ah ng’täi ciah Uknak Kho ung luh nak vai ah ng’düng nak cu nami gah khai nei.

2 PETER 3:18

Mi Hunbawi Jesuh Khrit ah m’gein nak la hmuhmat nak ung nami ng’ghotai law pi vai nei. Cun ah Bawi ah bämang nak cu tuhngawi tün ne ngawi yä om sä. Amen.

TAIGÜTHUM 13:20

Taigü naw ang shi thäh vai, ak khei cu a pei yung avun gui pum ung, thuuk law pi ne, cun ung amu gui cu a bawk law ah a kyak ung, ani naw kä theingthap ciah ang ng’shäu vai. Cun ah khei cu kheilei ah kya pyi ci.

TAIGÜTHUM 13:55

Cun kawn ah ani naw ng’shi thäh ba mä khai, cun ah khei nak cu amüi kä ng’thawng ci kyasei, kä ng’shawng law pi ciah a kyak ung phi, cun cu kä theingthap lä ci. Cun cu mei awn m’khih vai, a i ah kyasei ci ung, cun cu a hnu täng baw, ama täng baw thuk ciah kyak ci.

TAIGÜTHUM 14:43

Lung gui ghawt ne, im cu k’tuh ne, hluk ne, pyan ba kawn ah kheilei naw a kawh ba nak ah a kyak ung,