2 PETER 2:19 - Cho Bible Common Language 2016

¹⁹ Ngahmi naw chang-am ng’päiye nak shai ami taak ung phi, ami mät cu didap nak ah khleihtein ah kyak ci gui. A i ah kyasei ci ung, chang cu ani uk ciah khleihtein ah kyak ci.

2 PETER 2:19 Referans Kwoze

JOHAN 8:34

Bawipa Jesuh naw, “Kei naw akcang ka pyein cu katnak bik ciah chang phung cu, katnak ah changshäm ah kyak ci.

KALATIAN 5:13

Ka phäi nau gui aw, nami ng’päiyee khai ah Khanpughi naw ning khü gui pyi ci nei. Cun ung phi cun ah ng’päiyee nak awn pumsa ah ng’yak hlü kä nami läk-en vai nei. M’hni nak awn tumat la tumat nami ng’chaan tu vai nei.

1 PETER 2:16

Ng’pääi om chang ah kya ne nami om vai, nami ng’pääiyee nak cu akshe thuh nak vai ah kä nami mang-en vai, Khanpughi ah changshäm ah kya ne nami om vai.

KALATIAN 5:1

Mikmi cu Bawi Khrit naw na k’phiawn gui pyi ci kyasei ng’päiyee nak mi gah pyi ci! Cun ah kyasei ng’päiyee chang ah kya ne ng’düi vä! Cän kawn ah khlei htein ah kyak ba vai ah kä nami om men vai nei.

TITUS 3:3

Ayan ä mikmi mi mät phi mi gu aang ne, thu kä ngai ne, mi cheishoh ne mi om man te ci. Ng’yak nak hlü hlü la hlim tui nak a hnga hnga ah khleihtein ah mi kya man ci. Mi ghin nak cu m’thüi m’khang nak la vamneng nak awn mi ng’pyi sak ci; chang naw phi na gen gui ci, chang phi mi gen man ci.

2 TIMOTHI 2:26

Cun ung ngami cu düng nak hmu law u ne, ang yak hlü phung läk khai gui ah pha ne shum gui ciah khoshe ah kut ungka phiawng khai gui nei.

JEREMIAH 23:9

Ka m’lung cu ng’deeng ci, kei cu ka ng’thüng ci nei. Bawipa ah a phäh ah, ang thu theing gui ah phäh ah, sapyit tui akda aw aih ne, awktat ciah chang ah mäih ah ka kyak ci nei.

ISAIAH 28:1

Israel uknak khaw cu ng’ziin ci nei! Awktat ciah ang vai gui ah lu ung ka, cheipai lukhu ang zaai ah mäih ah ani ah bäimang nak cu ng’zaai ci nei. Ami khähghah nak ah ami lupum cu situi ng’ui awn akni ah hluk ci gui, cun ung phi ngami cu awktat ne ng’zän ci gui nei.

2 PETER 2:20

Chang gui cu mi Hunbawipa Jesuh Khrit ami hmuhhmat nak awn, dek khan shetkat nak ami phiawn nak awn ah, cun ah shetkat nak ah khleihtein ah ami kyak ba ah a kyak ung, ak htük ah mä ak hnu ami ghin nak cu, sheka pi bäih ci.

LAMKTU 19:16

Cun kawn ah ngami cu khoshe ah kai ah chang naw, ak tä ah ng’toh püi gui ne m’khüt gui sei, leimbai u ne, ami suisak phi ng’phyit sei, cun ah im ungka dawng yawp ci gui.

2 PETER 1:4

Acun ah ang htei ah hlüngtai ci la küikyang ciah m’shumphyuk shaitaak cu na pe gui ci. Cun ah m’shumphyuk nak awn nang mi cu, khomdek khan ah shetkat dimaih nak cu phiawn nah u ne, Khanpughi ung nami ng’yung tu ba ci.

TAIGÜTHUM 13:8

Taigü naw ng’shi thäh ba mä neta, khei cu pung law ba ciah a kyak ung, ani naw kä theingthap ciah ang ng’shäu ba vai. Cun cu kyih vai ah kheilei ah kyak ci.