2 PETER 2:17 - Cho Bible Common Language 2016

¹⁷ Cun ah chang gui cu tui ket ciah hmawilawng ah mäih, khokhi naw k’phyit ne a yon ah khong mei ah mäih ah kyak ci gui. Khanpughi naw ngami ah hmawk ah ak hmüp nak pi bäih ah hmun cu taak pe gui ci.

2 PETER 2:17 Referans Kwoze

JEREMIAH 14:3

Bühmang chang gui naw ami changshäm gui cu tui than khai gui ah tüi gui ci gui; ngami cu tukan gui ah hteit ci gui, cun ung phi tui kä hmuk ci gui; ami tui um a ghawng ah ng’hlat law ba ci gui. Ami k’tha ken sei, ng’gogan u ne, ami hmai thup ci gui.

EPHESIAN 4:14

Mikmi cu ak hmawhta ah kä mi kya ba ci, cun ah kyasei, ami mät ah m’lung hnga tüidawng düt awn, chang gui lam hma khai ah lam shüm ne thuvi theileh ci gui ah, m’theithang nak khokhni naw kä ning yon shüi shüi en gui sä.

JUDE 1:6

Ami mät ah gah ah hrilham ah kyong ung kä om u ne, ami om nak ah hmun nawng shüt ci gui ah Khankho chang gui ah mawng cu nami shüm ba khai nei. Ngami cu Khanpughi naw am khoichaa nak vai ah hnüüp ung am shetkat gui vai ah m’htei khaw hnüüp khui ung, kä k’phyan ba hlawt ah m’si gui awn khit ne k’pawng gui ci nei.

2 PETER 2:4

Khanpughi naw cheishoh ciah khanchang gui phi käm düm gui ci, ngahmi cu m’hteikho ah yuk chah gui ne, M’khoichaa nak ah Hnüüp güt m’si gui awn k’pawng gui ci.

MATTHE 25:30

A i ah kä mawng ciah shin ah changshäm cu, ak pung ah hmüp khui ung hteh püi vä, a cu ah kyap ne m’lau ne aha htui ne om sä’ cine kyak na gui ci.

MATTHE 22:13

Cun kawn ah ghangpughang naw, ak changshäm gui-am, ‘Shin ah chang cu a kut kho pin ne khit netah, ak pung ah hmüp khui ah m’shän vä, a cu ah ani cu kyap ne m’lau ne, aha htui ne om sä’ cine kyak na gui ci,” cine pyein ci.

MATTHE 8:12

Cun ung phi uknak kho ung khai shi ah chang gui läi cu thüi kyah nak, ha htui ne geinvai nak ah ak pung lam kho hmüp khui ah k’täm gui khai,” cine pyein ci.

HOSEA 6:4

Cun ung phi Bawipa naw pyen ci, “Israel la Judah gui aw, nangmi ah khan ah a i ang kei naw ka bi kaw? Nangmi naw kei nami na m’hni nak cu khongawi hta ung khüi tui ang ghit ah amaih ah mäih ah, khongawi ung ang dawt ah maih ciah daam tui ah mäih ah kyak ci nei.

HEBRU 12:18

Nangmi cu Israel chang gui ah mäih ah tawnyap thei ah Sinai kho m’htung ung nami gawk ciah kä kyak ci. Cun ah m’htung cu mei m’lei tawt ne, kho m’than ne, puikho khi ne,