2 PETER 2:15 - Cho Bible Common Language 2016

¹⁵ Ngahmi cu lam düng nawng ne lam hma pyi ci gui, ngami cu Balaam ah htapa Beor ah lam läk pyi ci gui. Balaam cu cheishoh nak awn gah ah ngui cu m’hni ci kya ne,

2 PETER 2:15 Referans Kwoze

THU PHLAAN 2:14

Cun ung phi Balaam ah m’theithang läk ciah chang api cu pyein m’shet vai om ci nei: a gup-am sonkcan ah ei ei vai la, pletbeng vai ah Israel chang gui-am lam shüm gui ciah Balak khawshe cu Balaam naw am theithang ah kyak ci.

JUDE 1:11

Ngahmi ah hmawk ah thüi sei aih vai kyak ci nei. Ngami cu Kain ah lam läk ci gui nei. Ngui ami ng’yak nak hlü awn Balaam ah shetkat ah mäih ah chishoh pyi ci gui nei. Korah ah mäih ah Khanpughi ng’tuk püi u ne, ani ah mäih ah dishum ci gui nei.

KHEI NAK 31:16

Nami shüm ba vai cu Balaam ah m’shüm thein nak läk ci gui cu hnumi gui nei, Peor gawnu chang gui Bawipa ung kä bekhüt khai gui ah phi tängpang ci gui nei. A cun naw vah Bawipa ah chang gui ah khan ah leigai law püi ci.

NEHEMIAH 13:2

Cun cu a i ah kyasei ci ung Israel chang gui Egypt khaw ah ka ami law ba lam ah Ammon la Moab chang gui naw tui ei kä ami peit tu gui ah phäh ah kyak ci. Ngami naw Balaam am ngui pe ne Israel gui cu taam sak gui ci gui. Cun ung phi kami Khanpughi naw taam nak cu hriham ah lat ci.

MIKHAH 6:5

Ka chang gui aw, shüm ba vä. Moab ghangpughang Balak naw nangmi ah khan ah a i bi vai ah a pawng, Beor ah hta Ballam naw a i ah am shan, Akacia ah phung la Kilkal ah ng’lak ung, a i ah kyak ci, cicu shüm ba vä. Cun gui nami shüm ba ung kei naw a i cha ah ka ning hun gui cu nami hmat khai nei” cik ci.

2 PETER 2:13

Ngahmi cu chang ami nat sak ah mäih ah ami mät phi nat nak gah khai gui. Ngami cu hnüüp lunglai ung ei aw läma u ne, ami pumsa ng’yakhlü cu dap sak ci gui. Ngami cu nangmi awn atäng ah ngoh om ei aw u ne, om shek ci gui, hleeihlak nak awn yeikyai ci gui.

LAMKTU 13:10

“Khoshe ah hta, akni m’cheishoh ciah gaa, hleeihlak thei ciah chang, nang cu Khanpughi ah düng nak shek khai ah na bik ci nei.

LAMKTU 1:18

(Ani cu a shet katnak awn a gah ah ngui awn, lai tumat cu khleih ne tah, acun ah lai ung apawi teek ne, ak chi lut law seih kiuh ne sik ci.

NG'THU K'THUUK~ 28:4

Thukhän kä na läk ah a kyak ung chang shekha täng ah na om ciah kyak ci. Thukhän na läk ah ah a kyak ung ngami hnungtuk püi ciah na kyak ci.

HOSEA 14:8

Israel chang gui naw a i a gup phi kä bilo ba khai gui. Kei naw ami taigü m’shang gui ne ka m’hteihtang gui khai. Angtäi sei ching ciah sing ah mäih ah kei naw ka ng’hniim gui khai. Kei cu ngami phyuhtheh nak ah aphung ah ka kyak ci.”

EZEKIEL 9:10

Cun ung phi kei naw ngami kä ka m’gein gui khai: ngami naw chang hei gui ah khan ah ami bi ah mäih ah ngah mi ah khan ah kei naw ka bik khai.”

1 GHANGPUGHANG GUI 18:18

Elijah naw, “Kei cu khüikha nak bik ciah kä ka kyak ci, nang — nang la na pa nei. Nang cu Bawipa ah thumkhän gui kä läk ne, Baala ah a gup gui na khawihnah ci.

1 SAMUEL 12:23

Kei ah phäh ah, Bawipa naw ana taa cu, nangmi ah phäh ah kä taigü ba nak awn, ani hnu ng’tuk püi ne kei ka hma nak ah kyak ci. Acun nak vai sü ung, kei naw ka ning m’thein gui vai cu nangmi ah phäh ah nik ci la düng ci nami bi vai ah kyak ci.

KHEI NAK 22:28

Cun ung Bawipa naw sela am ng’thu nak thei ah huham pe khäta, ani naw Balaam am, “Nang ah khan ah a i ang ka bi? A i ah kyasei nang naw thum vei na na teiuh ang?” cik ci.

KHEI NAK 22:23

Ng’sela naw khimsem kawt ne ng’düi ciah khanchang cu hmu neta, lam phleng ne bung täng ah dawng ci. Balaam naw sela cu teiuh ne lam ung hteh ba sak ci.

1 GHANGPUGHANG GUI 19:10

Ani naw, “Bawipa, M’gäi ciah Khanpughi, kei naw angtäi sei nang ah bii ka bik ci nei — nang bäng ah bi nei ka bi. Cun ung phi Israel chang gui naw nang ung thukhän cu m’shet u ne, na sonkiang phye u ne, na prophet gui avan ngawn ci gui nei. Kei bäng ka k’pawih ba ci — kei phi na ngawn khai gui ah k’tha nak ci gui nei!” cik ci.

KHEI NAK 22:32

Khanchang naw akthäh chah cu, “A i ah kyasei na sela thum vei na teiuh ang? Kei naw law ne na lam ka kham ci. A i ah kyasei ci ung nang cu shin ah lam ung kä na hteh ba vai kyak ci.

MATTHE 26:9

Shin ah tuing’ui cu ngui akda ah yoi netah, ghawipyam ci gui-am peit ung bä khai sü te nei,” cik ci gui.