2 PETER 2:14 - Cho Bible Common Language 2016

¹⁴ Ngahmi cu hlahhlawng ciah hnumi bäng teng hlü u ne, a i awn käng büh hlawt ci gui. Ngami naw ayum nak kä htek cicu m’vam ung kyak sak ci gui, ami m’lung naw a i baw m’hni aih ci, Ngahmi cu Khanpughi ah k’phyun nak gah ci gui!

2 PETER 2:14 Referans Kwoze

2 PETER 2:18

Ngahmi naw shetkat nak ungka phyawng law thai ciah chang gui cu, khähghah ne thuvi nak ah ng’thu la pumsa ah ng’yak hlü hlimtui nak gui awn k’däk ne lam hma sak gui ci gui.

2 PETER 2:3

Cun ah thuvi ciah saya gui cu ng’yak nak hlü aih awn khän ne düng ciah thu pyein u ne, ami mät ung tang khai ah bik khai gui nei. Cäu ä tün ne ngami ng’thumcha gui khai cu om pyi ci nei, ngahmi m’di gui khai phi tho pyi ci nei!

EPHESIAN 2:3

Zanä mikmi phi ngami ah mäih ah mi kya man ci. Pumsa ah ng’yak hlü ah mi om ne, pumsa la m’lungngaih ah ni vai düt ah mi bilo man ci. Mikmi cun phi pumsa lam ung, a hei chang gui ah mäih ah Khanpughi ah m’lungshe nak gah khin ciah mi kyak ci.

2 PETER 3:16

Shin cu Paul naw a guk ah ca ung ang dang sak ah mawng ah kiak ci. Cun ah ca ung kä hmat yäi vai amshah om ci. Kä hmuhmat la lawklak ciah chang gui naw ang lihlat ah, khei ne pyein ci gui. A hei cacim gui cun phi acun ah mäih ah m’ki m’hlat u sei, ami mät ah dimaih nak vai ah kyak ci.

EPHESIAN 4:14

Mikmi cu ak hmawhta ah kä mi kya ba ci, cun ah kyasei, ami mät ah m’lung hnga tüidawng düt awn, chang gui lam hma khai ah lam shüm ne thuvi theileh ci gui ah, m’theithang nak khokhni naw kä ning yon shüi shüi en gui sä.

ROMAN 16:18

Cun gui cu mi Bawipa Jesuh Khrit ah khuut bik ci gui ah kä kyak ci, a i ei ei ung bä khai ciah ngaih-tüh ne bik ci gui ah kyak ci. Ngami naw tuihlim ciah ng’thu la m’hlüngtai ah k’chiu awn ng’düng ciah chang gui cu m’hleeihlak ci gui nei.

1 KORIN 11:19

(Nami m’lung ngaih ang pai nak cu om khai, cun ung vah ng’düng nak cu dang lawk khai.)

JOHAN 5:44

Nangmi nami mät tumat naw tumat am hlüngtai vai nami ng’ya hlük ci. Cun ung phi tumat bäng om ciah Khanpughi naw aning m’hlüngtai gui vai kä nami tha nak ci. Cun ah kya sei nangmi naw kei a hawk chaa ah nami na yum khai yaw?

MATTHE 12:34

K’pyu m’äm mah gui, nangmi cu changshe ah nami kyak ci kya ne, a i hawk chaa ah ak ni ah nami ng’thu hlawt khai aw? M’lung kyong ah be ne om cicu m’gawngshai ung ng’thu ah lut lawk ci.

1 JOHAN 2:16

M’dek khan ng’yak hlü gui ah kyak ciah shetkat nak awn ng’yak hlü nak, mik awn hmu ne yak hlü nak, khähghah läma nak gui cu Pa Khanpughi ung ka lawk ciah kä kyak ci, khomdek khan ungka lawk ciah kyak ci.

MAKUH 13:22

Messiah ah ng’hlawk ci gui la profet ah ng’hlawk ci gui cu, akda ng’dang lawk khai gui nei. Ngami naw ami näng ah a kyak ung Khanpughi naw a ghü ah chang gui hngaw m’hleei m’hlak nak gui hning vai ah cäicat nak gui vai la cäi aih nak gui vai cu m’dang khai gui nei.

JEREMIAH 13:23

Asa le naw avun cu ng’thawng sak hning ne ang? Kawng hta naw a git ng’plon sak hning ne ang? Cun gui ami kyak hning ah a kyak ung akshe gui cu angdüng ah kya thei khai gui nei.

KOLOSE 2:18

Khankho chang khawihnah u ne, chang k’ni ah ng’hlawk u ne, ami mik hmuh ah phäh ah aktung ah hlüngtai ciah ng’shei ci gui ah, m’kat nak cu kä nami yuun en vai nei. Amawng hei kä om ci, chang tumat cu khomdek chang ah mawng lam ang ngaih-tüh nak awn, am lung kyong cu mei ah khu yawp ci.

JUDE 1:11

Ngahmi ah hmawk ah thüi sei aih vai kyak ci nei. Ngami cu Kain ah lam läk ci gui nei. Ngui ami ng’yak nak hlü awn Balaam ah shetkat ah mäih ah chishoh pyi ci gui nei. Korah ah mäih ah Khanpughi ng’tuk püi u ne, ani ah mäih ah dishum ci gui nei.

ISAIAH 34:5

Bawipa naw akhimsem cu khankho ah pawng püi ge ci, ani naw m’di gui vai ah am kyuk pyi ah kho chang Edom kho cu tuhbäi tuk khai.

NG'THU K'THUUK~ 6:25

Ngami ah kyom nak naw kä ning tüihtok en gui sä, phüvüih ciah ami mik naw kä ning pha en gui sä.

MATTHE 25:41

“Cun kawn ah ghangpughang naw ak eng lam ah om ciah chang gui-am, ‘Thüi sei nak om ciah chang gui, shin ungka düi law ne, hteit vä, khoshe gui la ami khah püi gui ah hmawk ah pyan ah m’hteimei lam ung yu kya vä.

MATTHE 5:28

Cun ung phi tuhbäi kei ah pyein cu, “Ng’yak nak hlü ah m’lung awn hnumi tumat cu nami teng ah a kyak ung, nami m’lung kyong ah acun ah hnumi awn katnak nami bi pyii ci.

ISAIAH 65:20

A hmaw hta gui cu ami hmaw sang ung kä si ba khai gui, chang avan cu khokum küm sei ghing khai. A khokum phia law sei ghing ci phi a hmaw ah mäih ah kyak kuai, A cun kä pha sei sik cicu kei naw ka m’kyuk ah m’hnüt nak ah kyak khai.

ISAIAH 1:16

Nami mät naw nami mät htaih khai ah m’si vä kei naw ka ning hmuh gui ah nami bi ah akshe avan cu düm sak vä. Ä, akshe bi cu ng’düm sak ne.

JOB 31:9

A vaisü ah kei cu ka pei ng’leng ah ka ah ak chu ng’ya hlü ne ngäng ne am kawt pei ah ng’thup ne ka kyak ah a kyak ung,

JOB 31:7

Kei cu hman ciah lam ungka ka ng’hlah ung, Akshe ng’ya hlü ne ka hteh ung, Ka kut gui cu katnak naw a kawh ung,

THU PHLAAN 12:9

Khomdek chang gui m’yaw gui ciah khoshe, kä cun ung Satan ming nak ciah shawknu cu ak khanchang gui awn a täng ah khomdek khan ah ami yuk täm law gui ah kyak ci.

NG'THU K'THUUK~ 5:6

Ani cu ghin nak lam ung kä ng’düm ci, ng’vaak shüi shüi ne a i ah kya lawk khai cicu kä hmat ci.

EZEKIEL 13:18

Uktu Bawipa naw a pyen nak gui cu m’thein gui ä: “Nangmi hnumi gui cu name ng’ziin ci nei! Nangmi naw Chang nü am cecai ne kut pat nak pe ne, chang nü am cecai nak ah lupawng name pek ci nei, cun ah kyasei ngami cu ahei chang gui ah ghin nak la sihnak ah huham cu name kaa na hlük ci, cun cu name mät ah phäh ah name mang hlük ci —

MATTHE 23:14

(Thuvi ciah pharisee gui la thukhän saya gui, nangmi ung thüisei nak om ci. Nangmi naw hmeinu gui ah khawh chaam gui cu käng düng ciah lam awn lak pe u netah, chang naw a hmuh ng’yak ung nik khai ah ang sau aih ah nami taigü ci. Acun ah phäh ah nangmi cu nui pi ciah m’kat nak nami gah khai.)