2 PETER 2:10 - Cho Bible Common Language 2016

¹⁰ pumsa ah ng’yak hlü düt läk ne, Khanpughi ah huham päipih ci gui cu, m’khoichaa nak ah hnüüp ung, m’shetkat gui vai cu Khanpughi naw hmat ci. Cun ah thuvi m’theithang ci gui cu lingkeng ne taäh u ne, bäkhäk ciah khan bawi gui phi a i ah kä sui ne päipih ci gui.

2 PETER 2:10 Referans Kwoze

JUDE 1:16

Cun ah chang gui cu angtäi sei nawmpang u ne, katnak phi chang am m’suh m’noh ci gui; ngami naw ami mät ah ng’yak hlü ah ak shekha cu läk ci gui; ami mät ah mawng pyein ne khäghah u ne, ami mät hmawk ah chang phi m’hlüngtai ci gui.

JUDE 1:10

Cun ung phi shin ah chang gui naw ami mät ah kä hmuhmat phung cu ng’yo m’sho ci gui. K’pyamaa khisa gui ah mäih ah, ami nupuk m’lung ngaih awn ami hmuhmat naw phi ami mät cu dimaih sak gui ci.

JUDE 1:18

Ngahmi naw, “Ak hnu k’bäih ah khaw hnüüp gui ung ning päipih ciah chang gui, Khanpughi kä shüm hmat ne ami mät ah ng’yak hlü ah om ih ciah chang gui dang lawk khai gui nei” ci ne pyein ci gui.

PHYAWN NAK 22:28

“Khanpughi ah mawng akshe ah kä nami pyen vai. Nami chang gui ah bawi ng’vai kä nami plah taam vai.

2 PETER 3:3

Ak htük ah, ak hnubäih hnüüp ung, amät ah ng’yak hlü düt ah ghing ciah chang gui dang lawk khai ci cu, nami hmat vai nei. Ngami naw nangmi cu ning gaih m’gin gui ne,

JUDE 1:4

A i ah kya sei ci ung Khanpughi kä yum ci gui cu nami ng’lung ah lut ne om ci gui nei. Ngami naw mi Khanpughi ah m’gein nak ah ng’thu cu, khawdek pumsa ami ng’yak hlü lam düt ah m’hlat u ne, tumat khläm om ciah mi Bawi, mi Mang Jesuh Khrit cun phi hun ng’tuk püi ci gui nei. Cun ah chang gui cu cau pui ge, shetkat nak gah khai gui ah m’hnütbäi gui ah kyak ci.

EPHESIAN 5:5

Pletbeng ci gui, shekhak ci gui, ng’yak hlü aih nak om ciah chang gui phung cu, Khanpughi la Bawi Khrit ah uknak kho ung chang ah kä kya tuk khai gui cicu akcang ah nami hmat ci nei. (Ng’yak hlü aih nak cu a gup khawihnah nak ah kyak ci nei.)

LUKA 19:14

Cun ung phi a kho ung ak chang gui naw, ani cu m’thüi na u netah, ‘Ani ah uknak kä kami ng’ya hlük ci nei’ cine ng’shä tüi ne pyein lawk ci gui.

HEBRU 13:4

Chungla nak cu chang avan naw a htingling ah ang ngaih vai nei, Chu la cei cu tumat la tumat bekhüt ne ani om vai. Khanpughi naw cheishoh ci la hlawhlang ciah chang gui cu yuk m’khoichaa gui khai nei.

TITUS 1:7

Khritha k’tahnga cu Khanpughi ah khuut kutshum ne bik ciah kyasei m’kat vai kä om-en ciah chang ah kyak khai. Ani cu m’ghämce ci, m’lungshe ci, awktat ci, ng’tuk ghüh ci, ngui ng’ya hlü aih ciah kä kia-en khai.

KOLOSE 3:5

Nangmi naw sihnak ung nami ap vai cu, nami m’lung kyong ung bi bik ciah khomdek khan ng’yak hlü nak gui ah kyak ciah, ng’yawng’pawm nak, om shet nak, htukhtik nak, cheishoh nak, humhlam nak (Humhlam nak cu a gup khawihnah nak ah kyak ci.)

1 KORIN 6:9

Khanpughi ah uknak kho cu chang shekha naw kä khäm khai cicu akcang ah nami hmat ci nei. Ang lat ah kä nami ngaih en vai nei; Pletbeng ci gui, a gup khawihnah ci gui, chang ah chu hta kat püi ci gui, pami goi ng’yawpawm ci gui;

LAMKTU 23:5

Paul naw, “Israel Phäi nau gui aw, ani taigü khem ah a kyak cu kei naw kä ka hmat ci nei, cacim ung,” na kho chang uk ciah bawimang cu ak she ah kä na thu püi vai’ ciah om ci nei” ci ne pyen na gui ci.

THUSHÄUTU 10:20

Ghangpughang cu kä na pyen sak vai, adüm ah phi kä na pyen sak vai, bühmang cicu kä na pyen sak vai, na mät ah ih nak kyong ung phi kä na pyen sak vai, cun ah ng’thu cu kha naw hteh püi ne, nang ah pyen cu ngami am m’thein ba gui hngaw khai nei.

1 THESSALONIAN 4:7

Khanpughi naw m’gukplet humhlam vai ah a na khü gui ah kä kiak ci, ak theingcim ah om vai ah ana khü gui ah kyak ci.

2 KORIN 10:3

Keimi cu khodek khan ah kami om ciah ng’khän ci, cun ung phi khodek khan ah hmawk ah ng’tuk kami bik ciah kä kyak ci.

ROMAN 8:1

Cun ah kya sei Jesuh Khrit ung kawng ät ne om ciah chang gui cu Khanpughi ah shet m’kat nak phiawn nak ci gui.

JEREMIAH 2:31

Israel chang gui, kei ah ka pyen cu ngai vä, kei cu nangmi ah khong gau ah mäih, hmüp ne kyih vai kyak ciah kho ah mäih ah ka kya man ne ang? A i ah kyasei nami mät ah yeikyai nak vai ah nami bik khai ah nami pyen ang, cun ah kya ne nangmi cu kei ah kä nami law bap hung ci?

SAM 12:4

“Mi ng’thu awn mi m’hni cu mi gah ci. Mi ng’yak hlü cu mi pyen ci, a u naw kä na ng’düm sak gui hlawt ci” cik ci gui.

1 GHANGPUGHANG GUI 12:16

Chang gui naw ghangpughang naw a i ah kä a ngaih gui cu hmu u neta, m’lau ci gui, “David la akyong chang cu nawng gui vä! Ngami naw mikmi ah phäh a i ang ami na bi pek gui man? Israel chang gui, mi im ah mi hteit ba khai nei! Rehoboam naw amät naw amät teng sä!” Cun ah kyasei Israel chang gui naw hnungtuk püi u ne,

2 SAMUEL 20:1

Cun yah ung Gilgal gawnu ah Benjamin pakhui Bikri ah hta, Sheba ming nak ciah chang om k’she tumat om ci. Ani naw phyung puuk tum ne, khü gui ne, “David yu ng’kia sä! Mikmi naw kä mi läk khai nei! Israel chang gui, mi om ah mi hteit ba khai nei!” cik ci.

1 SAMUEL 10:27

Cun ung phi chang pyawipye gui naw, “Shin ah mi mät ah mäih chang naw a i hawi ah akni na bi pe gui hning khai aw?” cik ci gui. Ngami naw Saul cu päipih u ne, m’cümhnah nak a i phi kä law püi ci gui.

KHEI NAK 15:30

Cun ung phi a u chang phi bü ne katnak abi ah a kyak ung, ani cu ng’leimah Israel chang ah a kyak ung phi, khaw hei chang ah a kyak ung phi, ani cu Bawipa a i ah kä sui ne cheishoh ci kyasei, ani cu sih nak peik vai.

ATÜNNAK 49:6

Ngani ah ng’zih thuh nak ung kei kä ka ng’pang khai. Ani chang bum ung phi kä ka ng’päng tuk khai. Ngani cu m’lungshe ne chang ngawn ci goi. Sei khaw ng’dääk sak ne gü ng’lah ci goi.

EPHESIAN 4:19

Ngami cu lü ng’aa nak api phi kä om ba sei, ami m’hni hni ah m’gu plet sheka u ne, shungshet nak kä om sei, shemshai ci gui.

2 TIMOTHI 3:2

Chang gui cu ami mät hnga kä ngai u ne, ngui bäng ya hlü u ne, khäghah längtang ne, ng’hawhshaak m’ghämce ne kyak khai gui nei. Ngami cu ngetngawng u ne, nupa ah beit kä ngai ne, m’gein nak kä om ci, yum nak kä om ciah kyak khai gui nei.

LUKA 11:25

Cun ah kyasei ani cu a om nak man nah law ba ne teng law ba netah theingthap sei hmuk ci.