2 PETER 2:1 - Cho Bible Common Language 2016

¹ Thuvi ciah profet gui caü ami dang man ah mäih ah, thuvi ne m’theithang ci gui cu nangmi ah ng’lung ah dang lawk khai nei. Ngahmi naw dimaih nak vai la käng düng ciah yum nak cu law püi u ne, na hun gui ciah Bawipa phi mak khai gui nei, Cun gui cu a shänghta dimaih nak ung gawk khai gui nei.

2 PETER 2:1 Referans Kwoze

MATTHE 7:15

‘Htome ah vun awn ng’hlawp ciah hngei ah mäih ah hleeihlak ne lawk ciah profet gui cu nami geing nak vai.

JUDE 1:4

A i ah kya sei ci ung Khanpughi kä yum ci gui cu nami ng’lung ah lut ne om ci gui nei. Ngami naw mi Khanpughi ah m’gein nak ah ng’thu cu, khawdek pumsa ami ng’yak hlü lam düt ah m’hlat u ne, tumat khläm om ciah mi Bawi, mi Mang Jesuh Khrit cun phi hun ng’tuk püi ci gui nei. Cun ah chang gui cu cau pui ge, shetkat nak gah khai gui ah m’hnütbäi gui ah kyak ci.

2 PETER 2:3

Cun ah thuvi ciah saya gui cu ng’yak nak hlü aih awn khän ne düng ciah thu pyein u ne, ami mät ung tang khai ah bik khai gui nei. Cäu ä tün ne ngami ng’thumcha gui khai cu om pyi ci nei, ngahmi m’di gui khai phi tho pyi ci nei!

2 TIMOTHI 4:3

Chang gui naw düng ciah yum nak cu kä ngai ya hlü ne, amät ah ng’yak hlü düt läk ne, ami mät ah ng’yak hlü bä bä ah thu m’gawng khai ah, m’theithang ci gui cu k’tä ne ami shui nak ah akhin gawk lawk khai nei.

MATTHE 24:11

Profet ah ng’hlawk ci chang akda om law ne, chang gui cu m’hleeihlak lawk khai gui nei,

KALATIAN 2:4

cun ung phi amshah gui lä naw bi sak vai ng’ya hlük ci gui. Cun ah chang amshah gui cu, keimi naw Bawipa Jesuh ung kami kawng ät nak awn kami gah ah ng’päiye nak cu na k’tä gui hlü neh keimi ah ng’bum nak ung lut law tuk ci gui ah kyak ci. Ngami naw mikmi cu na khlei htein ah gui hlük ci gui.

1 KORIN 11:19

(Nami m’lung ngaih ang pai nak cu om khai, cun ung vah ng’düng nak cu dang lawk khai.)

1 JOHAN 4:1

Ka teihpüi gui aw, Mumcha Theing ka gah ci cik ci phung kä nami yum men vai nei. Ngami ah gah ah Mumcha cu Khanpughi ung kaa lawk ciah a kyak la kä a kyak cu ng’nüm ne nami teng kheng vai nei. A i ah kyasei ci ung profet hleeihlak gui cu kho nüng ung hteit shüi shüi ci gui nei.

KOLOSE 2:8

Geing na vä, Bawi Khrit ungka ah kä kyak ci, khophlüt sei uk ciah Mumcha gui la, chang naw dou ne am theithang nak ung lawk ciah chang läma, gui ah cüivai nak awn, a u chang naw phi kä ning khlei-htein-en nah gui sä.

TITUS 3:10

Ng’phyeek ng’pai nak bik ciah chang cu, hnih vei nami m’cä kawn ah, api ah phi kä nami ng’gui ng’phaa püi ba vai nei.

TITUS 1:11

Ngami cu thu kä ami pyein ba vai ah khin lawk ci nei, a i ah kyasei ci ung ngami cu kä m’theithang khin vai m’theithang u ne, kyongkhui gui cu shetkat sak ci gui, lü ng’aa nak vai kyak ciah ngui ng’yak nak hlü awn ami bi ah kyak ci.

PHILIPPIAN 3:19

Cun ah chang gui cu m’htei kho khüt ne hteit ci gui ah kyak ci. Ngami ah Khanpughi cu pumsa a ng’yak hlü ah om ih nak ah kyak ci. Ngami cu thui ng’aa nak vaisü ung khähghah ci gui, ami m’lung kyong ung phi khomdek khan ah a mawng ama bäng be ci.

1 KORIN 6:20

Khanpughi naw a phu pe ne a ning khleih gui ah kyak ci, cun ah kya sei, Khanpughi ah bämang nak ah hmawk ah nami pumsa cu nami mang vai nei.

MAKUH 13:22

Messiah ah ng’hlawk ci gui la profet ah ng’hlawk ci gui cu, akda ng’dang lawk khai gui nei. Ngami naw ami näng ah a kyak ung Khanpughi naw a ghü ah chang gui hngaw m’hleei m’hlak nak gui hning vai ah cäicat nak gui vai la cäi aih nak gui vai cu m’dang khai gui nei.

THU PHLAAN 5:9

ami m’cu ah ng’äi k’thai cu; “Nang cu shin ah ca k’chaw la ne, M’Hnüt nak gui khawk ne k’phian khai ah na khin ci nei, Nang cu ami ning ngawn nak la küikyan khai ah Na sih nak awn, khaw nüng ung thu a hlü hlü ah ng’thu ciah, Chang pakhui, ng’shon law phung cu, Khanpughi ah hmawk ah Na khleih ci nei.

THU PHLAAN 2:9

Kei naw na yaica nak la na geinvai nak cu ka hmat ci, cun ung phi nang cu akcang ah na ng’bühmang ci. Keimi Jew chang nei cik ci gui naw ning m’kat gui ne ami ng’thu cu ka hmat ci, ngami cu Jew chang ah kä kyak ci gui, Satan ah chang ah kyak ci gui.

HEBRU 10:29

Khanpughi ah Htapa cu päipih ne, katnak theing sak ne Khanpughi ah thukhän thai ah kyak ciah si ng’hlui cu gaih m’gin ne, m’gein nak m’kyum lawk ciah Mumcha shetkat nak ci naw, a i hlawk ah nuipai ciah shetkat nak gah khai cicu nami ngaihtüh shüm vai nei.

KOLOSE 2:18

Khankho chang khawihnah u ne, chang k’ni ah ng’hlawk u ne, ami mik hmuh ah phäh ah aktung ah hlüngtai ciah ng’shei ci gui ah, m’kat nak cu kä nami yuun en vai nei. Amawng hei kä om ci, chang tumat cu khomdek chang ah mawng lam ang ngaih-tüh nak awn, am lung kyong cu mei ah khu yawp ci.

EPHESIAN 4:14

Mikmi cu ak hmawhta ah kä mi kya ba ci, cun ah kyasei, ami mät ah m’lung hnga tüidawng düt awn, chang gui lam hma khai ah lam shüm ne thuvi theileh ci gui ah, m’theithang nak khokhni naw kä ning yon shüi shüi en gui sä.

MATTHE 24:24

Messiah ah ng’hlawk ci gui, profet ah ng’shei ci gui cu dang lawk khai gui nei. Cun gui naw ami m’khüt hning ung, Khanpughi ah ghü ah chang gui pui ami m’hleeihlak nak vai ah cäi aih vai gui la küikyang ciah a mawng gui cu m’dang lawk khai gui nei.

MATTHE 10:33

Cun ung phi chang gui ah ma ah kei na hnu ng’tuk püi ciah chang cu, khankho ka Pa ah ma ah kei naw ka hnu ng’tuk püi khai.

THU PHLAAN 13:14

Ani naw ak htükbäih ah khiküi ah maa ah abi hning ah cäi aih vai gui cu m’dang ne khomdek chang gui cu hmühma sak gui ci. Ani naw khim awn leim ne phi kä si ne ghing ciah khiküi m’tamkhah nak ah a gup cu pyan sak gui ci.

THU PHLAAN 2:13

Nang a hawi na om cu ka ning hmat ci, nang cu satan ah kiaang ung na om ci. Bekhüt ciah ka chang Antipas cu Satan ah om nak ung ami ngawn yah ung, nang cu kei ung ng’düng ne na yum nak kä na nawng ci.

JUDE 1:18

Ngahmi naw, “Ak hnu k’bäih ah khaw hnüüp gui ung ning päipih ciah chang gui, Khanpughi kä shüm hmat ne ami mät ah ng’yak hlü ah om ih ciah chang gui dang lawk khai gui nei” ci ne pyein ci gui.

1 JOHAN 2:26

Nangmi ning m’hleeihlak ning k’fifaih gui ciah a mawng cu, shin ah ka guk ah kyak ci nei.

1 PETER 1:8

Nangmi naw kä nami hmuh man ung phi Bawi Khrit cu nami m’hni ci, tuhbäi kä nami hmuh ung phi, ani cu nami yum ci. Cun ah kiasei nangmi cu ng’thu awn kä pyein hlawt vai ah lünlawi yeikyai ne nami om ci.

EPHESIAN 1:7

Bawi Khrit naw ng’ap ne a sih nak awn mikmi cu mi k’phiawn pyi ci, cun cu küikyang ciah Khanpughi ah m’gein nak ah kyak ci.

KALATIAN 5:20

a gup khawihnah nak, ng’pluh nak, kawng gaa nak, ng’tuk ah nak, vamneng nak, m’lung she nak, ei hlü-mang k’phya nak; ng’khoikhei nak, ng’phyek ng’pai nak;

KALATIAN 4:17

Chang a hei gui naw nangmi cu ang htei ah ning cungngai gui ci gui, cun cu akni su ah kä kyak ci. Ngami ah ng’yak hlü cu, nangmi kei awn nami ng’chaa vai ah kyak ci, cun ung vah nangmi naw ngami cu nami cungngai tu ba gui khai kyak ci.

ROMAN 16:18

Cun gui cu mi Bawipa Jesuh Khrit ah khuut bik ci gui ah kä kyak ci, a i ei ei ung bä khai ciah ngaih-tüh ne bik ci gui ah kyak ci. Ngami naw tuihlim ciah ng’thu la m’hlüngtai ah k’chiu awn ng’düng ciah chang gui cu m’hleeihlak ci gui nei.

LUKA 21:8

Bawipa Jesuh naw, “Chang naw kä a ning m’hleei-en gui vai ah geing na ne om vä. Chang akda cu kei ah mäih ah ng’hlawk ne ‘Kei cu Messiah nei’ cik ci om lawk khai nei, acun ah khin cu gawk law pyi ci nei, cine ning m’hleei gui ci phi om lawk khai nei.

LUKA 6:26

“Chang ah ning m’hlüngtai gui cu thüi sei vai kya ci, Ngami ah pupa gui naw, hleeihlak ciah profet gui phi acun ah M’hlüngtai man ci gui.

MATTHE 24:5

Kei cu Messiah nei,’ cine chang akda naw kei ah ng’hlawk ne chang khli m’hleeihlak lawk khai gui nei.

MALAKHI 3:5

Hlüngtai ciah Khanpughi naw, “Ka ning ng’thumcha gui khai ah nami lung ah ka ng’dang lawk khai. Cun ah chang gui cu kei naw cet ne ang ghit ah ka hnungtuk püi gui khai, ng’pluh ci gui, chang ah chu ih püi ci gui, hleei pyen ne ng’gun ci gui, bii bik ciah ng’cheng mang pek ci gui. Hmeinu hmeihta shedam nak ci gui — kei kä na kyih aa ci phung avan ah kyak ci.

MIKHAH 3:11

Mang gaw uktu gui naw, khawh la ne uk ci gui, taigü gui naw pek vai ah thukhän m’than ci gui, prophet gui naw ngui ami gah vai ah phäh ah cängbang ci gui — cun ung phi ami van Bawipa naw om püi gui ciah pyen ci gui. Ngami naw, “Akshe keimi ung kä gawk lawk khai, Bawipa keimi awn om ci” cik ci gui.

MIKHAH 3:5

Ka chang gui cu prophet gui naw m’hleei gui ci gui, petak gui ci am dimdeeih nak shaitak pek ci gui. Kä petak gui ci am ng’tuk nak awn m’kyih ci gui. Bawipa naw, cun ah prophet gui am,

NG’ÄI KYAH 2:14

Na prophet gui naw a i ami ning m’thein vai kä om ci. Cun ung phi hleei hlak ci gui. Nami katnak kä hnungtuk en phung ne, ami ng’thu pyen naw ning hleei hlak sak gui ci. Ng’yu ba vai kä hlü ci, ciah nami ngaih vai ah acun gui naw ning ci gui ci.

KALATIAN 3:13

Cacim ung, “Singlam khan ah tai ne ami ngawn naw Khanpughi ah m’kyuk nak gah pyi ci nei,” ciah a om ah mäih-ah Bawi Khrit cu mikmi ah hmawk ah m’kyuk nak gah netah, thukhän awn m’kyuk nak mi gah nak vai sü ung na phiawn gui ci.

1 KORIN 7:23

Nangmi cu Khanpughi naw a phu pe ne a ning khleih gui pyi ah kya sei, chang ah khleihtein ah kä nami kyak ken vai.

MIKHAH 2:11

“Cun ah chang gui naw akbe ah hleei ne thuvi ciah prophet cu ng’ya hlü u neta, ami pyen cu, ‘Kei naw ka ng’cä cu yu la awktat vai gui cu nangmi ah phäh ah long khai nei.’

HOSEA 9:8

Khanpughi naw kei cu prophet ah na tha ne a chang Israel gui phi nangmi naw kha ah mäih ah nami na pha vai ah nami k’thu prophet gui ah ga ah kyak ci gui nei.

JEREMIAH 37:19

Nangmi la nami khaw Babilonia ghangpughang naw kä tu lawic khai nei, cik ci gui ah na prophet gui cu a i ah ang ami kiak?

ISAIAH 9:15

A ghi gui la m’tamkhah vai ah chang gui cu alu ah kyak ci gui — hleei hlak ne m’theithang ciah prophet gui cu ang mei ah kyak ci gui!

1 GHANGPUGHANG GUI 22:6

Ahab naw prophet phia phli cu khü gui ne, ng’shi gui ci, “Kei naw Ramoth cu hteit ne ka tuk vai aw, kä ka tuk vai aw?” Ngami naw, “Na tuk vai nei, Bawipa naw näng nak ning pek khai nei.”

THU PHLAAN 3:8

Nang ah na bi cu kei naw ka hmat ci, Nang ung hlüngtai nak api a om ung phi, kei ah m’thei cu läk ne kei ah khan ah na bekhüt cu kei naw ka hmat ci. Kei naw na maa ah m’kawt cu ka hnawng ci, cun ah m’kawt cu a u naw kä khai hlawt khai.

LUKA 12:9

Chang ah ma ah kei na hnungtuk püi ciah chang cu Khanpughi ah khankho chang ah maa ah Chang ah Htapa naw hnungtuk püi khai.

THULÄÄN NAK 32:6

Nang naw Bawipa na om ih püi cu a shik cha ah ma? Nang chang gu taak, chang awng ang, Ani cu nami pa, ning tüisho gui ci. Ani naw changpakhui ah ning pyang gui ci.

PHYAWN NAK 15:16

Kyih nak la ng’ä nak naw lin gui ci, Bawipa na thagui cu hmuk ci gui nei, ngami cu kyi ne am gein kaa ah ng’düi ci gui. Changshäm ungka na m’hlawt gui ah na chang gui kä ami ng’khum pha ah chuih.

JEREMIAH 6:13

Chang nü nü dämduh ci, zawken ci naw, kä ng’düng nak awn k’tha na ne ngui shui ci gui; prophet gui la taigü gui naw phi chang m’hleei ci gui.

JEREMIAH 29:21

“M’gäi ciah Bawipa, Israel Khanpughi naw Kolaiah ah hta Ahab la maaseiah ah hta Zedekiah ah mawng cu pyen ci, ngami naw kei ah min ung ami hleei ning m’thein gui ci gui. Ani naw pyen ci, Babilonia Ghangpughang Nebukhadnezzar ah huham ung ani naw ngami wap gui khai, ani naw ngami cu nami hmuh ah sih nak pe gui khai.

1 TIMOTHI 5:8

A paw chang, ak tung pi ah ak kyongkhui chang kä m’hteihtang ci cu, yum nak hnu nak ciah kya ne, kä yum ciah mä sheka tuba ci nei.

THU PHLAAN 6:10

Cun ah mümcha gui naw, “Ng’ciim ne, ng’düng ne, hlüngtai pi bäih ciah Bawipa, keimi ami na ngawn gui ah hmawk ah khomdek khan ah chang gui cu kä m’khoichaa, kä m’shetkat gui ah a i güt na om khai ang?” cine m’lau ci gui.