2 PETER 1:8 - Cho Bible Common Language 2016

⁸ Cun ah hlü ci gui cu nangmi ung dämda ne a om ah a kyak ung, a cun gui naw Bawipa Jesuh Khrit nami hmuhmat Lulang nak ung ghing ne ning hnünthawh sak gui sei akcang ah awngtang nak phi om khai.

2 PETER 1:8 Referans Kwoze

TITUS 3:14

Mi chang gui naw sui ei vai ng’yak hlü gah nak vai ah, ak ni bi nak ung akhin cu mang thei vai ah, ng’thei sak gui ä. Ngami cu akholä düt ah kä ghing om men u sä.

KOLOSE 3:16

Apäng ah bämang pi k’bäih ciah Bawi Khrit ah ng’thu cu nami m’lung kyong ung khäng ne om sä. Cüivai lunglang nak avan nawn tumat naw tumat cu m’theithang m’cäi ä sei om vä. Nik ciah ng’äi gui, hlim ciah ng’äi gui, theing ciah ng’äi gui m’cu ne, nami m’lung kyong kui ne, Khanpughi cu m’hlüngtai vä.

JOHAN 15:2

Kei ung kä m’thein ciah ang ban phung cu tupit ne ghawt ne, m’theih ciah ang ban cu am theih law pi vai ah pyang m’tham ci.

HEBRU 6:12

Kä nami dam men vai, yum ne hnimgei nak awn, Khanpughi ah shaitaak nak gah ciah chang gui ah mäih ah nami om vai ah kami ng’ya hlük ci nei.

PHILIPPIAN 1:9

Kümbe ciah m’khoichaa nak la ng’düng ciah hmuhmat nak awn atäng ah nami yumhni nak cu ang ghotai law pi pi vai ah kei ka taigü ci nei.

1 THESSALONIAN 4:1

Phäi nau gui aw, Khanpughi ah m’hni ah ghin nak ah mawng cu, keimi ah nami ng’thei tu pyi ci nei. Keimi naw kami ning m’thein gui ah mäih ah nami ghing ciah a kyak ung phi, cun natah bä pi sei nami ghin om thei vai ah Bawipa Jesuh ah ming ung ka ning m’cäi gui ci nei.

1 KORIN 15:58

Cun ah kyasei phäinau gui aw, khüi ne ng’düi ne ghaat ne ng’bi vä. Khanpughi ah khuut bi cu a i yah ung phi a kholä ah kä kyak ci, cicu hmuhmat u ne, angtäi sei khüighaat vä.

2 PETER 1:2

Khanpughi la Hunbawipa Jesuh Khrit cu hmuhmat cüivai nak awn, m’geinsei nak la dimdeeih nak cu na mi khan ah kümbe ne om sä.

PHILIMON 1:6

Kei ah taigü nak cu, yum ciah chang ah kya ne, nang awn mi kawngät nak naw, Bawi Khrit ung phi ghin nak awn a hrilham phung cu thuuk law pi sei mi hmat law pi vai ah kyak ci.

2 THESSALONIAN 1:3

Phäi nau gui aw, nangmi ah hmawk ah angtäi sei Khanpughi cu kami m’kümto ci nei. Cun ah kami bi cu bä ci nei, a i ah kia sei ci ung, nami yum nak cu ng’ghotai law pi ne, nami ng’hni nak tu phi abäkhäk law pi ah hmawk ah kyak ci.

PHILIPPIAN 2:5

Bawi Khrit ung om ciah m’lung ngaih cu nang mi ung phi om sä:

2 KORIN 13:5

Yum ne nami ghin nak a bä la kä cun ah, nami mät naw nami mät m’htei ne ng’thumcha shüm vä. Cun ung kä nami pyai ah a kyak ung, Bawi Khrit Jesuh nangmi ung a om cu akcang ah nami hmat khai nei.

KOLOSE 2:7

Ani ung ak thuuk ah nami ng’yung vai. Ani ung nami ghin nak nami m’shün vai. Ning m’theithang gui ah mäih ah nami yum nak cu a khüighaat law pi vai. Cun kawn ah m’hlüngtai nak awn nami be vai.

2 KORIN 9:14

Nangmi cu Khanpughi ah küikyang ciah m’gein nak cu nami gah ciah kyasei, ngami naw nangmi cu ang htei ah ning yum ngak gui u ne, nangmi ah phäh ah k’taigü khai gui nei.

2 KORIN 8:2

Ngahmi cu yaica nak ak nui ah aut ci gui. Cun ung phi ang htei ah yeikyai u ne, ang htei ah ami pyamthaam pang ung phi, peit taak nak ung, ng’khailang aih ci gui.

1 TIMOTHI 5:13

Cun kawn ah ngami cu a im tung päng ung hteit shüi shüi ne akhin maih sak ci gui, cun bäng ah kä kyak ciah kä pyein vai pyein u neh, chang ah mawng pyein sah hlük ci gui.

1 THESSALONIAN 3:12

Nangmi tumat la tumat nami ng’hni nak tu la chang hei nami m’hni nak cu, keimi naw nangmi kami ning m’hni gui hlawk ah a hlüngtai law vai ah Bawipa naw ning pyang m’tham gui sä.

2 KORIN 8:7

Nangmi cu yum nak, thu thei nak, hmuhmat nak, m’hteihtang hlü nak la keimi nami nam hni nak gui ung, nami bühmang ciah kyasei shin ah m’hni nak ah bi bi nak ung khailang peittaak nak phi m’dang vä.

ROMAN 12:11

Kä damduh ne k’tha na ne bi nami bi vai. Nami m’lung kyong avan ap ne Khanpughi ah khuut nami bi vai.

JOHAN 5:42

Cun ung phi nangmi ah mawng cu ka hmat ci. Nangmi ah m’lung kyong ung Khanpughi yumhni nak kä om ci.

MATTHE 25:26

“A bawi naw, ‘Shekak ciah changdam, kei naw kä ka geit phikhäm ne, kä ka phu phi kam sep man ciah na hmat ung,

MATTHE 20:6

Mühun k’awi nayi hma ung hteit ne ng’ghüh ba sei phi cun ah chang gui cu anang düi ba u sei hmu gui netah, ‘Nangmi a i ah kyasei a i kä bi ah mü ne nami om ang?’ cine ng’shi gui ci.

MATTHE 20:3

Ani cu khoplang taai, nayi kaw ung sumlei hmun ah hteit netah, a i kä bi ah düi shüi ciah chang gui cu hmu gui ci.

MATTHE 13:22

Hliing hmu ah kya lawk ciah m’shi ci cu, ng’thu ni cu ng’ya tulang ne phi, ami ng’ä ai nak gui la ami bämang nak hlü gui naw, shung shet gui sei ng’thu ni cu kä vui pai hlawt ciah kyak ci.

NG'THU K'THUUK~ 19:15

Na yum ung dam ne om a, ip a, Cun ung phi ei ah na cawi khai nei.

JOHAN 17:3

Ang täi ghin nak ci cu, nang Khanpughi ning hmat nak la na tüih law ah Bawipa Jesuh hmat nak ah kyak ci.

PHILIPPIAN 3:8

Cun bäng ah kä kyak ciah Bawipa Khrit Jesuh ka hmat nak tu cu apäng avan ah küikyang pi ci kya sei, ayan kaa gui cu kei na ghawi sak ci gui ah ka hmat ci. Kei naw Bawipa ah hmawk ah apäng avan cu ka ghawt shüt ci. Bawi Khrit kei ung a gawk law vai la

KOLOSE 1:10

Cun ah kyasei, nangmi cu Bawipa ah ng’yak hlü ah ghing u ne, ani ah yei nak vai ah nami bilo khai nei. Nami ghin nak naw ni kiom nak bäng bäng cu dang sak sei Khanpughi ung nami hmuhmat nak cu, ng’ghotai khai nei.

2 PETER 1:3

Khanpughi naw akcang ah yum nak awn mi ghin vai ah, khankho hlüngtai nak awn mi ng’yak hlü phung cu, na pe gui ci, cun cu Bawipa hmuhmat Lulang nak awn, amät ah bämang nak la nikiom nak mi gah vai ah na khü gui ciah Bawipa ung a na peit gui ah kiak ci.

2 PETER 2:20

Chang gui cu mi Hunbawipa Jesuh Khrit ami hmuhhmat nak awn, dek khan shetkat nak ami phiawn nak awn ah, cun ah shetkat nak ah khleihtein ah ami kyak ba ah a kyak ung, ak htük ah mä ak hnu ami ghin nak cu, sheka pi bäih ci.

2 PETER 3:18

Mi Hunbawi Jesuh Khrit ah m’gein nak la hmuhmat nak ung nami ng’ghotai law pi vai nei. Cun ah Bawi ah bämang nak cu tuhngawi tün ne ngawi yä om sä. Amen.