2 PETER 1:7 - Cho Bible Common Language 2016

⁷ Khanpughi ung bä nak cu ng’phäi nau nak awn, ng’phäinau nak cu yum hni nak awn akümbe vai ah nami tha nak pi bäih vai nei.

2 PETER 1:7 Referans Kwoze

HEBRU 13:1

Krihta ah kya ne tumat la tumat nami yumhni tu vai nei.

ROMAN 12:10

Nang mi cu tumat la tumat khritha phäi nau ah mäih ah nami ng’khawtsheng vai, tumat la tumat chang m’sui nak tu cu ang ghit ah nami bi vai.

1 THESSALONIAN 3:12

Nangmi tumat la tumat nami ng’hni nak tu la chang hei nami m’hni nak cu, keimi naw nangmi kami ning m’hni gui hlawk ah a hlüngtai law vai ah Bawipa naw ning pyang m’tham gui sä.

KALATIAN 6:10

Cun ah kyasei mikmi naw akhin mi gah päng ung, chang ah hmawk ah ak ni cu mi bik khai, yum ci gui ah kyong khui ah hmawk ah ak tung pi ah mi bik khai.

1 JOHAN 4:21

Bawi Khrit ah na peit gui ah thukhän cu: Khanpughi m’hni ci naw, a phäi nau phi am hni vai nei, ciah kyak ci.

1 JOHAN 3:16

Bawi Khrit naw mikmi ah hmawk ah a hnun gui cu a peit ah kyasei, mikmi naw m’hni nak akcang cu mi hmat ci. Mikmi phi mi phäi nau ah phäh ah mi hnun gui mi peit vai hlü ci.

1 JOHAN 3:14

Mikmi cu mi phäi nau gui mi m’hni ah hmawk ah sih nak nawng shüt ne ghin nak ung mi gawk pyi ci, cicu mi hmat ci. A phäi nau käm hni ciah chang cu sih nak ah kaa ah om lä ciah kyak ci.

1 PETER 2:17

Chang phung cu nami chang m’sui vai, khritha phäinau cu anmi m’hni vai, Khanpughi cu nami m’tamkhah vai, ghangpughang cu nami kyih aa vai.

1 PETER 1:22

Nangmi cu thucim nami läk nak awn, nami m’lung kyong cu theing sak u ne, yum ciah nami chang paw phi akcang ah nami m’hni pyi ci nei. Cun na kyasei tumat la tumat nami m’lung kyong avan nawn nami ng’yum hni tu vai nei.

KOLOSE 3:14

Shin ah ang baan gui avan cu m’hni nak ung phung ci, cun ah m’hni nak naw avan shum ne kümbe kawng ät sak ci.

1 PETER 3:8

Ak hnu ah ka pyein hlü cu, nangmi cu m’lung ät, ngaih ät ne nami om vai; phäi nau ah mäih ah ng’yumhni tu u ne, m’lung neim nak la chimgein nak awn nami om vai.

1 THESSALONIAN 5:15

Akshe cu akshe awn kä nami thung ba vai nei, nami mät gui ah ni kiom nak vai ah, chang avan ah ni kyom nak vai cu, angtäi sei shui ne nami tha nak vai nei.