2 PETER 1:5 - Cho Bible Common Language 2016

⁵ Cun ah kyasei nami yum nak cu nikiom nak awn, nami nikiom nak cu Lulang nak awn,

2 PETER 1:5 Referans Kwoze

PHILIPPIAN 4:8

Phäi nau gui aw, khüm nak ah ka pyein hlü cu, ni kyom nak, bäkhäk nak, cang nak, küika nak, ng’düng nak, theingcim nak, yumhni nak la m’tamkhah nak awn nami m’lung kyong cu be sak vä.

NG'THU K'THUUK~ 4:23

Na m’lung ngaih cu na geing nak vai, na ghin nak cu na m’lung ngaih naw ghaat sak ci.

2 PETER 3:18

Mi Hunbawi Jesuh Khrit ah m’gein nak la hmuhmat nak ung nami ng’ghotai law pi vai nei. Cun ah Bawi ah bämang nak cu tuhngawi tün ne ngawi yä om sä. Amen.

2 PETER 1:10

Cun ah kyasei phäinau gui aw, nangmi Khanpughi naw khü ne ning ghü gui ciah, angtäi sei ngaih gep ne, nami tha law nak pi täi ah a kyak ung, a i sang ung phi nami yum nak cu kä nami ng’hlah ta hlawt khai nei.

HEBRU 6:11

Keimi naw kami ng’yak hlü pi bäih cu, nangmi ak chang sing naw ak hnu bäih a gawk ung khüt khai ah, nami thawhlet nak cu, nami khän htek sak vai, cun ung nami ngaih u nak cu akcang ah dang lawk khai, ciah kyak ci.

PHILIPPIAN 1:9

Kümbe ciah m’khoichaa nak la ng’düng ciah hmuhmat nak awn atäng ah nami yumhni nak cu ang ghotai law pi pi vai ah kei ka taigü ci nei.

2 PETER 3:14

Cun ah kyasei teihpüi gui aw, cun ah hnüüp cu nami gin yah ung, Khanpughi ah ma ah, theing ne shetkat nak kä om sei, dimdeeih nak a om vai ah nami tha nak vai nei.

HEBRU 11:6

Zum nak kä om ci naw Khanpughi kä yei nak ci. Khanpughi om ci, cine Khanpughi shui ci naw m’cümhnah nak gah ci.

EPHESIAN 5:17

Cun ah kyasei ak gu k’aang ah kä nami om men vai, Bawipa naw nami bi vai ang yak hlü cu k’tha nah ne nami shui vai nei.

ISAIAH 55:2

Phü m’ghüm vai ah kä kyak ci ung, a i ah kyasei ngui na mang ang? Na ng’cheng chuh cu mang neta, a i ah kyasei, ei na cawi lä ang? Kei cu na ngai ä, kei ah pyen ah bilo ä, cun ung ei ak ni pi ei ne na yeikyai khai nei.

PHILIPPIAN 2:12

Cun ah kya sei teihpüi gui aw, kei ka om yah ung ka ng’thu nakmi ngaih ah mäih ah, tuhbäi kei kä ka om yah ung ka ng’thu nami ngaih vai cu ak küikyang pi ah kyak ci. Nangmi naw hun nak ak be ah nami gah nak vai ah kyih aa nak awn nami bilawh vai,

SAM 119:4

Bawipa, nang naw na thukhän cu na na pe gui ci, bekhüt ne kami läk vai ah na nam thein gui ci.

KOLOSE 2:3

Ani cu thup ne m’küm ah Khanpughi ah cüivai nak la lunglang nak avan k’hmawn nak ah kyak ci.

JOHAN 6:27

Shekaa thei ciah ah ei awk cu käk tha nah ne, kä shekaa thei ciah, angtäi ghin nak ah ei awk cu tha na vä. Khanpughi naw hlüngtai nak a ap pyi ah kyasei, chang ah Htapa naw cun ah ei awk cu nangmi-am ning pe gui khai nei” cine m’cäi gui ci.

LUKA 24:21

Ani cu Israel chang gui k’phiawn gui khai ciah ami ngaih u ah kiak ci. Cun gui ah a kyak law ah a mawng gui cu, tuh ngaw awn hnüüp thum law lawk ci nei.

KOLOSE 1:9

Shin ah mawng ung nangmi ah mawng kami ng’yak phung ung, nangmi ah hmawk ah kami taigü ci nei. Khanpughi naw ang yak hlü ah mäih ah Mumcha naw a peit ah kyak ciah, hmuhmat nak, cüivai nak la lunglang nak gui awn a ning be sak gui vai ah, kami k’thäh ci nei.

1 PETER 3:7

Acun ah mäih ah nangmi pami gui naw phi nami chu gui cu, ami thagui ken ci kyasei, ami m’lung ngaih hmat ne nami k’dük gui vai. Ngami cu Khanpughi ah nam shumphyuk gui ah ghin nak, nangmi awn a täng ah gah tuk khai gui ah kyasei, chang m’sui ne nami om püi gui vai nei. Cun ah nami bi ung vah nami taigü nak hnaihnawk nak a i kä om khai.

HEBRU 12:15

Khanpughi ah chimgein nak cu a u naw Kä noi maa-en sä. Khak ciah sing naw am äm tui awn chang akda cu yaica sak ci, acun ah mäih ah a u phi kä ah kiak-en vai nei.

1 KORIN 14:20

Phäinau gui aw, ak hmawhta gui ah mäih ah kä nami kyak vai nei; ak hmawhta gui ah mäih ah shetkat nak phiawn tah u ne, ang vai pyi ah mäih ah nami ngaih-tüh vai.

LUKA 16:26

Cun bäng ah kä kyak ciah keimi la nangmi ah ng’lak ung thuuk aih ciah gheem-kiaa nu om ci. Cun ah kyasei keimi lamah kaa nangmi lam ah phi bäi, nangmi lam ah kaa keimi lam ah phi bäi a u kä hteit hton hlawt ci nei” cine pyen nak ci.

ZEKHARIAH 6:15

A shou nak ah om ciah chang gui cu Bawipa ah Taigüim cawh ba nak ung law u ne bilo tuk khai gui. Shin nami cawh ba yawp ah a kyak ung, a hlüngtai säih Bawipa naw, nangmi ah kei ana tüih law ah mawng cu, nami hmat khai. Nami Khanpughi Bawipa ah thumkhän cu, akbe ah nami läk ah a kyak ung shin gui avan cu gawk lawk khai nei.

2 PETER 1:11

Cun ah kyasei nangmi cu, Hunbawi Jesuh Khrit ah ng’täi ciah Uknak Kho ung luh nak vai ah ng’düng nak cu nami gah khai nei.

JOSHUA 7:3

Joshua am m’thein law ba ci gui, “A i tuk vai ah chang päng a hteh vai kä hlü ci. Chang phya m’ku baw, phya thumkip baw tüih ung bä khai. Acu ah ng’tuk khai gui ah gakap avan kä na tüih vai, cun cu däm nu ciah mang gaw ah kä kyak ci” cik ci gui.