2 PETER 1:21 - Cho Bible Common Language 2016

²¹ A i ah kyasei ci ung, a i thu thuuk phi chang ah ng’yak hlü düt ah dang lawk ciah kä kyak ci, Mumcha Theing ah lamshäm nak awn vah chang gui naw, Khanpughi ah thuthuuk cu ami pyein ah kiak ci.

2 PETER 1:21 Referans Kwoze

1 PETER 1:11

Cun ah m’gein nak cu a i ah khin ung, a i chaa ah gawk lawk khai ci cu ami hmat vai ah k’tha na man ci gui. Ngami ung om ciah Bawi Khrit ah Mumcha naw, cun ah khin ung a geinvai nak vai ah mawng la, cun kawn ah agawk nak vai ah bämang nak ah mawng cu ng’daut ne dang sak ci.

LUKA 1:70

Cau theingthap ciah profet gui-am shaitaak nak a peit gui ah mäih ah,

2 SAMUEL 23:2

Bawipa ah mümcha cu kei ung ng’thu pyen ci; Ani ah ng’thu cu kei ah m’lei ung om ci.

LAMKTU 1:16

Cun kawn ah Peter cu ng’düi law ne tah, “Phäi näu gui aw, Bawipa Jesuh phak khai gui am, lam shüm gui ciah, Judas Iskariot ah mawng ca ng’cim ung om cicu küm pyi ci nei. Cun ah ca ng’cim cu Mumcha Theing naw David ah ng’thu awn a pyein ah kyak ci.

HEBRU 10:15

Cun kawn ah Mumcha Theing naw phi saksi ana peit nak gui ung ak htükbäih ah,

LAMKTU 3:18

Khanpughi naw Messiah asih vai ah mawng cu prophet gui ung ng’cä neh pyein pyi ci nei; shin cu ang cä ah küm nak ah kyak ci.

MAKUH 12:36

Mumcha Theing naw David ang thu m’sak cu; ‘Khanpughi naw ka Bawipa-am, Nang ah na ga gui cu, na kho pha kaa ah, Kä ka gawk sak pha ah chuih, Kei ah kak pat lam ah na ngoh vai nei’ cine kyak nak ci” ciah kyak ci.

THU PHLAAN 19:10

Cun ah kyasei kei naw a khaw pei ah kawp ne ka khawihnah khai pawng ngätah, khankho chang naw, “Kä na bi vai! Kei cu nangni, na phäi nau gui ni, Bawipa Jesuh ah m’dang ah ang thu düng läk ciah chang gui ni ah püipaw changshäm ah ka kyak ci, Khanpughi vah na khawhnah vai” cine na pyen nak ci. Bawipa Jesuh ah m’dang ah ng’thu düng awn vah purofet gui cu hnün thawh nak gah ci gui.

HEBRU 3:7

Cun ah kyasei Mumcha Theing naw a pyein cu, “Khanpughi ah k’aw Nangmi naw tuhngawi nami ng’yak ah a kyak ung kä nami ling keng vai,

KHEI NAK 16:28

Moses naw chang gui am, “Shin ung nangmi naw nami hmat vai cu, Bawipa naw kei cu shin gui avan bi vai ah ana tüih ah kyak ci. Shin gui ka bi cu ka mät ah ngaih ah ka bi ah kä kyak ci.

LAMKTU 28:25

Paul naw shin ah a mawng tumat cu pyein khä tah, ami mät gui ng’cuh ng’can u ne, ng’düi law ne hteit ba ci gui. Paul naw, “Mumcha Theing naw, prophet Isaiah ung, nami pupa gui am, am dang cu ni bä bä ci nei!

1 GHANGPUGHANG GUI 17:18

Ani naw Elijah pyen nak ci, “Khanpughi ah chang, a i ah kyasei kei ah khan ah shin ah na bi ang? Khanpughi am kei ah katnak gui m’thein ci sei, acun ah cheng ah ka hta a sih vai ah na lawk ci ang?”

HEBRU 9:8

Shin ah a mawng ung Mumcha Theing naw ang dang ah am theithang nak cu, ak pung ah phung a om ah chuih Hmun Theing Säih ah hteh nak vai ah lam kä ng’hmawng ci, ciah kyak ci.

1 GHANGPUGHANG GUI 13:1

Bawipa ah thumkhän nak awn Judah ah ka prophet tumat cu Bethela ah hteit ne sonkiang ung douthak khai ah Jeroboam ang düih yah ung gawk lawk ci.

JOSHUA 14:6

Hnüüp ät ung Judah pakhui ungka chang amshah cu Joshua ah om nak Kilkal ah lawk ci gui. Ngami ungka Kenizzit chang Jephunneh ah hta Kaleb naw a pyen nak cu, “Kadesh Banear ung, nang la kei ah mawng, Khanpughi ah chang Moses am Bawipa naw a pyen nak cu nang naw na hmat ci.

MIKHAH 3:7

Ma lam ah mawng ng’cä ba cicu a pyen kä bä sei thüi khai. Khanpughi naw kä m’shang sei ami van yung kyak khai gui.

2 SHONTÄP NAK 8:14

Apa David naw am hnüt bäi shüt ah läk vai gui cu läk ne, Taigü gui naw a hnüüp tä ami bi gui vai la ng’äi awm m’cu u ne, taigü gui ah bi düh shawn ci gui ah Levit gui ah bi gui vai cu täntai pe gui ci. Khanpughi ah chang David ah thumkhän ah mäih ah, ani naw Taigüim ngäng ciah chang gui naw am kawt päng ung, a hnüüp tä ami bi gui vai cu täntai pe gui ci.

2 GHANGPUGHANG GUI 6:15

A ngawi ung khongawi hta Elisha ah changshäm cu tho law ne, im ah k’pung ah hteit neta, ng’se gui, yatha gui awn gawnu koi ciah Sirian gakap gui cu hmu gui ci. Ani cu Elisha ah law ba neta pyen ci “Mikmi cu mi ng’yiin pyi ci nei, a i ah mi kyak khai ang?”

2 GHANGPUGHANG GUI 6:10

Cun ah kyasei Israel ghangpughang naw a cun ung om ciah chang gui cu m’cäi gui ci, cun ah kyasei ngami cu ng’ngäng ge ne om ci gui. A shin ah mäih cu akda vei kya law pyi ci.

1 GHANGPUGHANG GUI 17:24

Ani naw m’shang ne, “Tuhbäi kei naw ka hmat ci, nang cu Khanpughi ah chang ah na kyak ci, Bawipa naw akcang ah nang ung ng’thu pyen ci nei!” cik ci.

1 SHONTÄP NAK 23:14

Cun ung phi Khanpughi ah chang Moses ah hta gui läi cu Levit chang ah kyak ci gui.

2 GHANGPUGHANG GUI 4:22

Cun kawn ah ani naw a cei khü neta a pyen cu, “Changshäm tumat cu laa awn m’khah ne tüi law ä, kei cu prophet Elisha ah ka hteit hlük ci nei, ka law ba yäk khai nei” cik ci.

2 GHANGPUGHANG GUI 4:9

Cun ah hnumi naw a cei am, “Shin ah chang shi ah a shäng shäng lawk ciah chang cu theingciim ciah chang ah kei naw akcang ah ka hmat ci.

THULÄÄN NAK 33:1

Shin gui cu Khanpughi ah chang Moses naw, kä a sih pha ung Israel chang gui ah khan ah ang ng’shäu ah hriham gui ah kyak ci.

2 GHANGPUGHANG GUI 4:7

Hmeinu cu ng’thu m’thein ciah prophet Elisha ah hteit ba khäta, “Oliv-situi cu yawi ne, na pu avan thung ä, k’pawih ciah ngui awn, namät la na hta gui ah hnun m’ghin vä” cik ci.

JEREMIAH 23:26

Cun ah prophet gui naw ami mät ah pyan ah ami hleei awn a i güt ka chang gui cu khah püi gui khai gui ang?

EZEKIEL 1:3

A cu ah Babilonia khaw Chebar Tuinu pei ah, kei cu Bawipa naw na ng’thu püi sei ka ng’yak ci, ani ah huham ka gah ci.

MIKHAH 1:1

Judah khaw ung Jotham, Ahaz la Hezekiah ni cu ghangpughang ah ami kyak yah ung, Moresheth gawnu ungka Mikhah am Bawipa naw ng’thu pek ci. Samaria La Jerusalem ah amawng gui avan cu Khanpughi naw Mikhah ung thu am than ah kyak ci.