2 PETER 1:2 - Cho Bible Common Language 2016

² Khanpughi la Hunbawipa Jesuh Khrit cu hmuhmat cüivai nak awn, m’geinsei nak la dimdeeih nak cu na mi khan ah kümbe ne om sä.

2 PETER 1:2 Referans Kwoze

2 PETER 3:18

Mi Hunbawi Jesuh Khrit ah m’gein nak la hmuhmat nak ung nami ng’ghotai law pi vai nei. Cun ah Bawi ah bämang nak cu tuhngawi tün ne ngawi yä om sä. Amen.

PHILIPPIAN 3:8

Cun bäng ah kä kyak ciah Bawipa Khrit Jesuh ka hmat nak tu cu apäng avan ah küikyang pi ci kya sei, ayan kaa gui cu kei na ghawi sak ci gui ah ka hmat ci. Kei naw Bawipa ah hmawk ah apäng avan cu ka ghawt shüt ci. Bawi Khrit kei ung a gawk law vai la

JOHAN 17:3

Ang täi ghin nak ci cu, nang Khanpughi ning hmat nak la na tüih law ah Bawipa Jesuh hmat nak ah kyak ci.

1 PETER 1:2

Nangmi cu Pa Khanpughi naw amät ah ng’bü nak awn ning ghü gui ne, ang Mumcha awn chang theing ah ning pyang gui ci. Cun cu Bawi Khrit ah thu nami läk nak vai la asi awn nami theingcim nak vai ah kyak ci. M’geinsei nak la dimdeeih nak cu nangmi ung kümbe ne om sä.

JUDE 1:2

Chimgein nak, dimdeeih nak la yumhni nak cu nangmi ung kümbe ne om sä.

ROMAN 1:7

Cun ah kyasei Khanpughi naw ning m’hni gui ne a ning khü gui pyi ah Rom Khrithabum am shin ah ca cu ka ning guk law gui nei. Mi Pa Khanpughi la Bawipa Jesuh Khrit naw m’geinsei nak la dimdeeih nak cu ning pe gui sä.

ISAIAH 53:11

Zaica ne ghin nak ang pyi kawn ung, ani ung yeikyai nak om ba khai; A yaica nak cu a kholä ah kä kyak khai cicu ani naw hmat khai. Bä ciah ka changshäm, ani ung kei ka yeikyai ci, chang akda m’kyuk nak vai cu ani naw khan ci, ani ah hmawk ah kei naw ngami ka m’geinsei gui khai.

LUKA 10:22

Kapa Khanpughi naw a päng avan na pyi ci. A Htapa cu a u ciah hmat cicu Kapa ah kawn ah a u kä om ci. Kapa cu a u ciah hmat ci cun phi A Htapa la A Htapa naw m’dang khai ah a ghü ah chang ah kawn ah a u kä om ci.

DANIEL 4:1

Ghangpughang Nebukhadnezzar naw khomdek khan ung om ciah changpakhui gui, pahta gui la pa ng’tän gui avan am shin ah ng’thu cu m’khäh gui ci. “Ning yavaih gui nei!

THU PHLAAN 1:4

Johan naw Asia khaw gawnu pachih ung khrithabum gui-am ca aning guk law gui cu; Zanta, tuhngawi, ngawi yä angtäi sei om ciah Khanpughi, amang kiang ah maa ah ng’tän ciah mümcha pachih la;

2 PETER 2:20

Chang gui cu mi Hunbawipa Jesuh Khrit ami hmuhhmat nak awn, dek khan shetkat nak ami phiawn nak awn ah, cun ah shetkat nak ah khleihtein ah ami kyak ba ah a kyak ung, ak htük ah mä ak hnu ami ghin nak cu, sheka pi bäih ci.

2 PETER 1:8

Cun ah hlü ci gui cu nangmi ung dämda ne a om ah a kyak ung, a cun gui naw Bawipa Jesuh Khrit nami hmuhmat Lulang nak ung ghing ne ning hnünthawh sak gui sei akcang ah awngtang nak phi om khai.

2 PETER 1:3

Khanpughi naw akcang ah yum nak awn mi ghin vai ah, khankho hlüngtai nak awn mi ng’yak hlü phung cu, na pe gui ci, cun cu Bawipa hmuhmat Lulang nak awn, amät ah bämang nak la nikiom nak mi gah vai ah na khü gui ciah Bawipa ung a na peit gui ah kiak ci.

2 KORIN 4:6

“Hnüp ah khui ung akdei ng’shü lawk khai” cine pyein ciah Khanpughi cu, Bawi Khrih ah hmai ung ng’shü ne khang ciah bämang nak ah mawng cu hmat nak vai ah, mikmi ah m’lung kyong ung, akdei cu ng’shü law sak ciah Khanpughi ah kyak ci.

DANIEL 6:25

Cun kawn ghangpughang Darius naw ca gu ne, changpakhui gui, pahta gui, pa ng’tän gui avan am pe gui ci. “Ning yavaih gui nei!

2 PETER 1:5

Cun ah kyasei nami yum nak cu nikiom nak awn, nami nikiom nak cu Lulang nak awn,