2 PETER 1:15 - Cho Bible Common Language 2016

¹⁵ Kei ka sih kawn ah shin ah a mawng gui cu, nami shüm ba lä vai ah k’tha na pi bäih ne ka bik khai nei.

2 PETER 1:15 Referans Kwoze

SAM 71:18

Kei ka ghi lawk ci, ka lu phi ng’pyok ci, O Khanpughi, kä na nawng en ä! Na hlüngtai nak la na huham cu ng’shon päng ung ka ng’shäu güt, na om püi ä.

2 PETER 1:12

Cun ah kyasei nangmi cu shin ah a mawng gui hmuhmat ne, nami yum nak ah thu thuuk ung nami khäng htek pyi ciah a kyak pang ung phi, kei naw angtäi sei ka ning m’shümthein ba gui khai nei.

HEBRU 11:4

Abel naw Kain ah mä bä pi khai ah pe ne akhawihnah cu a yum nak awn ah kyak ci. A yum nak awn ani cu Khanpughi naw chang düng ah k’bäi ci, a i ah kyasei ci ung Khanpughi naw ani ah khawihnah nak cu yei ne adou ah hmawk ah kyak ci. Abel cu asih tu pang ung phi a yum nak awn tuhgüt thu pyein ci.

2 TIMOTHI 2:2

Saksi gui akda ah ma ah kei naw ka ng’shäu ah m’theithang nak gui cu, nang naw na ng’ya pyi ci nei, cun cu la netah, chang hei gui m’theithang tu ba hning khai ah ngaih gep ah chang gui am, nam thei tu ba gui vai nei.

LUKA 9:31

Ngani cu Khankho bämang nak awn kyum law ni ne, Khanpughi ah ng’yak hlü ah Jerusalem ung kä shou pha seih Bawipa Jesuh asih law vai ah mawng cu pyein ci goi.

LUKA 12:58

Nani kei-nang ciah chang goi, m’khoichak ciah suki ah nani hteh law ung, lam ah ng’gei ba vai ah na ng’ge püi vai. Cun ah kä na bi ung ani naw nang cu, m’khoichak ciah suki ah saw ne ning hteh püi khai. Cun ah suki naw bawi ah kut ung ning ap sei, bawi naw thawng ung ning chum khai.

2 THESSALONIAN 2:5

Nangmi awn a täng ah ka om yah ung shin gui avan cu ka ning m’thein gui ci nei, kä nami shüm ba ne ma?