2 PETER 1:10 - Cho Bible Common Language 2016

¹⁰ Cun ah kyasei phäinau gui aw, nangmi Khanpughi naw khü ne ning ghü gui ciah, angtäi sei ngaih gep ne, nami tha law nak pi täi ah a kyak ung, a i sang ung phi nami yum nak cu kä nami ng’hlah ta hlawt khai nei.

2 PETER 1:10 Referans Kwoze

2 PETER 3:17

Cun ung phi teihpüi gui aw, shin ah mawng cu nami hmat pyi ah kiak ci. Chang shekha gui ah lam k’she ung kä nami läk en tu vai ah, khäng sei nami ng’düih nak ungka kä nami yung kyak en vai ah geing nah ne nami om vai nei.

HEBRU 6:11

Keimi naw kami ng’yak hlü pi bäih cu, nangmi ak chang sing naw ak hnu bäih a gawk ung khüt khai ah, nami thawhlet nak cu, nami khän htek sak vai, cun ung nami ngaih u nak cu akcang ah dang lawk khai, ciah kyak ci.

SAM 121:3

Ani naw kä ning kyuk tän sak phung khai, Nang ning ngäng cicu angtäi sei ci m’gang ci.

MIKHAH 7:8

Mi ga naw mi khan ah ami yei nak vai a i kä om ci, mikmi mi täng ci, cun ung phi mi tho ba khai, mikmi hmüp khui ah mi om ci, cun ung phi Bawipa naw akdei na pe gui khai.

SAM 112:6

Changni cu kä zu ng’kia phung khai; ani cu a phlüt ah shüm vai kyak khai.

2 PETER 1:5

Cun ah kyasei nami yum nak cu nikiom nak awn, nami nikiom nak cu Lulang nak awn,

2 TIMOTHI 2:19

Cun ung phi Khanpughi naw ak khäng ah ling ne ak süm cu kä thüng hlawt ci nei. Cun ah khan ah, “Khanpughi naw a mät ah chang gui cu hmat gui ci nei”, ci la “Bawipa ung khäng pyi ciah pyein ciah chang phung naw cheishoh nak cu a phiawn nak vai nei,” ciah ca cu guk ah kyak ci nei.

SAM 62:2

Ani bäng naw na shung ne na k’phyawn ci; Ani cu ka ng’shung nak ah kyasei, Kei a i naw kä na hnim khai.

THU PHLAAN 22:14

Ami suisak theing khai ah m’suk ci gui cu yeikyai nak om ci, ngami cu ghin nak ah sing ah m’theih ei nak hning la mang gaw ah m’kawt ung luh nak hning cu gah khai gui.

1 PETER 1:5

Nangmi nami yum cicu ak hnu bäih ah a khin ung dang law ge khai ah hun nak, nami gah khai ah Khanpughi naw, a hlüngtai nak awn ning m’htei gui ci nei.

1 PETER 1:2

Nangmi cu Pa Khanpughi naw amät ah ng’bü nak awn ning ghü gui ne, ang Mumcha awn chang theing ah ning pyang gui ci. Cun cu Bawi Khrit ah thu nami läk nak vai la asi awn nami theingcim nak vai ah kyak ci. M’geinsei nak la dimdeeih nak cu nangmi ung kümbe ne om sä.

ISAIAH 56:2

Pumnak hnüüp cu akuikyang ah tha ne chei khai ah kä mang ciah chang cu kei naw hriham ka pek khai. Ashe kä bik ciah chang phung cu kei naw hriham ka pek khai.”

SAM 62:6

Ani bäng naw na shung ne na hun ci; Ani cu ka ng’yii nak ah kyak ci, kei a i naw kä na hmim phung khai.

SAM 37:24

Ngami cu ami ng’täät ung phi kä di khai gui, Bawipa naw m’tho ba gui khai.

HEBRU 6:19

Cun ah ngaih u nak cu mikmi ah ghin nak ung lung hling ah mäih ah kya ci, cun cu ng’htei ne ng’kheing ne, khankho im kyong ah, ang cim nak pi säih ung gawk ci.

SAM 15:5

A api thum ah lak vai ah ngui kä ng’pu ci, changni gui ah mawng akshe ah ami pyen nak vai ah ngui kä lak ci, angtäi sei phyawng gai ci.

MATTHE 22:14

Cun kawn ah Bawipa Jesuh naw, “Khü ah chang gui läi da ci gui te, ghü ah chang gui cu ken ci gui nei,” cine kyak na gui ci.

ROMAN 11:29

Khanpughi naw a u chang phi ghü ne hrilham a peit kawn ah, Khanpughi naw am lung kä m’thawng ba ci.

JAMES 2:10

Thukhän tumat m’shet ciah chang cu thukhän avan m’shet ciah kiak ci nei.

2 PETER 1:3

Khanpughi naw akcang ah yum nak awn mi ghin vai ah, khankho hlüngtai nak awn mi ng’yak hlü phung cu, na pe gui ci, cun cu Bawipa hmuhmat Lulang nak awn, amät ah bämang nak la nikiom nak mi gah vai ah na khü gui ciah Bawipa ung a na peit gui ah kiak ci.

2 PETER 3:14

Cun ah kyasei teihpüi gui aw, cun ah hnüüp cu nami gin yah ung, Khanpughi ah ma ah, theing ne shetkat nak kä om sei, dimdeeih nak a om vai ah nami tha nak vai nei.

JUDE 1:24

Kä nami kyuk ng’täät vai ah ning venk’pang gui ne, ning theingcim sak gui ne, yeikyai nak awn abä khäk nak ah amaa ah ning gawk sak gui ne;

JOSHUA 7:3

Joshua am m’thein law ba ci gui, “A i tuk vai ah chang päng a hteh vai kä hlü ci. Chang phya m’ku baw, phya thumkip baw tüih ung bä khai. Acu ah ng’tuk khai gui ah gakap avan kä na tüih vai, cun cu däm nu ciah mang gaw ah kä kyak ci” cik ci gui.