2 KORIN 9:2 - Cho Bible Common Language 2016

² Nangmi naw nami m’hteihtang hlü gui cu kei naw ka hmat ci, nangmi ah mawng ung Macedonia chang gui ah ma ah ka khähghah ci. “Achaia kho ah phäinau gui tuh kum ge peit taak vai ah pawng tuh kum ge peit taak vai ah pawng pyi ci gui” cine kam thein gui ci. Nangmi ah bi nak hlü naw ngami cu k’thamah sak gui ci.

2 KORIN 9:2 Referans Kwoze

2 KORIN 8:10

Ka mät ah ngaih ka pyein hlü cu, tuh kum tün ne nami bi cu, tuhbäi nami m’khüüp ung bä pi khai. Nangmi naw yum nak awn peittaak nak cu nami tün ci.

2 KORIN 8:8

Shin cu ka ning khänkhi gui ah kä kyak ci. Chang gui ah peittaak m’hteintang nak ah mawng ka ning m’thein gui cu nangmi ah m’hni nak akcang, ah hmat vai ah phäh ah kyak ci.

2 KORIN 8:24

Keimi ah khähghah nak akcang ah ami hmat tu vai la, ngami ung kaa naw khrithabum gui naw ami hmat tu vai ah, nami hni nak cu nami m’dang gui vai nei.

HEBRU 10:24

Mikmi cu tumat la tumat mi ng’tengkhen tu u neh, mi ng’hteihtang tu u neh, mi ng’yumhni tu u ne, ni kyom ne mi om khai nei.

1 KORIN 16:15

Nangmi naw Stephanas la ak kyong ungka gui cu nami hmat ci. Ngami cu Achaia kho ung khritha ah kya law ma ci gui ah kya ne, Khanpughi ah chang gui ah hmawk ah bi bi vai ah ng’ap ci gui ah kyak ci.

1 THESSALONIAN 1:7

Cun ah kyasei nangmi cu Macedonia la Achaia ung yum ciah chang van naw a ning thei nak gui vai ah nami kyak ci.

2 KORIN 8:19

Cun bäng ah kä kyak ciah peittaak nak ah bi bi nak ung keimi awn a täng ah hteit hton ne bi tuk khai ah Khrithabum gui naw ami ghü ah kyak ci nei. Shin ah peit taak nak ah mawng kami bi cu, Khanpughi ah bämang nak ah hmawk la keimi ah m’hteihtang nak cu ang dang vai ah, phäh ah kyak ci.

2 KORIN 7:4

Nangmi ka ning ngaih gep gui ci, nang mi ah phäh ah ka längtang ci! Zaica nak a i chü a om ung phi, kei cu k’thamah ne ang htei ah ka yeikyai ci.

2 KORIN 1:1

Khanpughi ah ang yak hlü ah Bawi Khrih Jesuh ah ang düihpüi Paul la anau Timothi naw — Korin ung Khanpughi ah Khrithabum la Achaia kho Khanpughi ah chang gui a van am ca pe lawk ci goi nei.

LAMKTU 18:12

Achaia kho cu Kallio naw Roman bawi ah kya ne a uk yah ung, Judah chang gui ng’cut u netah Paul cu pha ne, yung ah m’kawt ah law püi ci gui.

LAMKTU 24:17

Kei cu Jerusalem ungka naw ka hteh nak khokum akda shou law khätah, ka mät ah chang gui am ngui ka thak gui khai la, Khanpughi am peittaak nak ka bik khai ah, ka gawk law ba ci.

ROMAN 15:26

A i ah kya sei ci ung Macedonia kho la Achaia kho ah Khritha bum gui naw, Jerusalem ah pyamthaam ciah Khanpughi ah chang gui cu m’hteihtang peitaak gui vai ah ami k’bäi pyi ah hmawk ah kyak ci.

2 KORIN 7:14

Kei naw nangmi ah mawng, Ani ah ma ah khähghah ne kam thein te ci, acun cu nangmi naw dang khai ah nami bi ah kyak ci. Keimi naw nangmi ah maa ah düng ciah thu bä ka mi pyein ci, Titus ah maah khähghah ne kami pyein cun phi akcang ah kya pyi ci nei.

2 KORIN 8:11

Cun ah kyasei shin ah bi cu k’täi ne m’khüüp ne bi vä. Nangmi naw shin ah bi cu nami ngaih-tüh ah mäih ah, m’khüüp ne nami bi vai nei. Nami ngaih ah mäih ah nami peit taak vai nei.