2 KORIN 8:3 - Cho Bible Common Language 2016

³ Ngahmi naw ami peit hning ah kawn ah hang lawn pui khai ah ami peit cu, kei naw akcang ah hmuh ne ka pyein ci nei.

2 KORIN 8:3 Referans Kwoze

PHYAWN NAK 35:29

Israel chang avan, Bawipa am douthak law hlük ci phung naw law püi ci gui. Cun gui cu Moses am a bi vai ah ang thumkhän nak ung mang vai ah kyak ci.

PHYAWN NAK 35:5

Bawipa am douthak nak nami bi vai. Cun ah bi vai ah ng’ya hlük ciah chang phung naw ghui, ngui la kyei gui cu law püi ne a douthak vai nei.

PHILIMON 1:14

Cun ung phi kei naw nang ning hnem ne, nak püi vai ah kä ka ng’ya hlük ci, na mät naw nam hni ah na bilawh vai ah ka yum ci. Cun ah kyasei nang naw kä na yum tu cu kei naw api phi kä ka bik khai.

1 KORIN 16:2

Kei ka gawk law ung ngui loh vai kä hlü khai ah, pum hnüüp päng ung, ak chang sing naw nami mät ah khawh gah a ciah, pe u ne, nami na m’cun vai nei.

LAMKTU 11:29

Zum ciah chang gui naw ami m’khüt hning phäh phäh ah, Judea kho ah khritha phäi nau gui cu peit taak gui vai ah k’bäi ci gui.

1 KORIN 9:17

Kei naw ka mät ah ng’päiom ah bi ka bik ciah a kyak vai sü ung ng’cheng ka gah khai süte: Cun ung phi shin ah bi cu Khanpughi naw a na ap ah kya sei bülüüng ne ka bi ah kyak ci.

1 SHONTÄP NAK 29:9

Chang gui naw pe hlü cang ne Bawipa am pek ci gui, cun ah akda ami pek ah phäh ah ngami cu anghtei ah yei ci gui. David ghangpughang phi anghtei ah yeikyai ci.

1 PETER 5:2

Khanpughi naw a ning ap gui ah htomebum cu, htomeshäm ah kya ne nami ngäng vai nei. Bi vai kyasei bi ah kä kyak ciah, Khanpughi ah khuut ah kyasei ng’yak hlü nak awn nami bi vai nei. Nami bi cu ng’cheng gah hlü ah m’lung awn kä kyak ciah, bi nak hlü ah m’lung cang awn nami bi vai nei.

1 PETER 4:11

Thu pyein ci phung naw Khanpughi ah ng’thu ng’shäu ne pyein ah mäih ah a pyein vai; khuut bik ci phung naw Khanpughi ah peit ah k’thagui awn abi vai. Cun ung vah a mawng a ma avan ung, Bawi Jesuh Khrit ung Khanpughi cu m’kümto hlawt vai. Cun ah Bawipa ung bämang nak la hlüngtai nak cu ngawiyä khäng ne om sä. Amen.

1 THESSALONIAN 2:8

Nangmi, kami ning m’hni nak gui awn, Khanpughi ah Thu Ni ning teipai gui vai bäng ah kä kyak ciah, kami mät ah ghin nak hnun gui phi, ning teipai gui vai ah kami ng’düi ci nei. Nangmi cu ang htei ah kami ning m’hni gui ci.

KOLOSE 4:13

Nangmi ah hmawk la Laodicae la Hierapolis ah chang gui ah hmawk ah k’thana ne abi ah mawng cu ng’kheing sei ka ning m’thein gui hning ci nei.

PHILIPPIAN 2:13

A i ah kya sei ci ung Khanpughi naw ang yak hlü ah nami bi vai la ng’thu nami läk nak hning vai ah nang mi ung angtäi sei bi bik ci.

ROMAN 10:2

Ngah mi naw Khanpughi ami kyih aa ah mawng cu kei naw akcang hmat ne ka pyein ci nei. Cun ung phi ngami ah kyih aa nak ah lam cu kä ng’düng ci nei.

SAM 110:3

Na ga gui na tuk gui hnüüp na chang gui naw ning düih püi khai gui. Khongawi k’siik ung khüi toi ah mäih ah, khom’htung theing ung na chang nong gui naw ning law nak khai gui.

KALATIAN 4:15

Cun yah ung ang htei ah nami yeikyai te ci, tuhbäi a i ah nami kia lawk ci ang? Cun yah ung nangmi cu nami m’khüt vai sü ung nami mik hngaw kawih ne nami na pek khai ah nami kyak cu ka pyein ba hlük ci.

MAKUH 14:8

Shin ah hnumi naw amät ah m’khüt nak bäät awn kei cu nam htei ci nei. Kei ah ka gook cu m’cim vai ah ng’dawt ne tui ng’ui awn shawi pyi ci nei.