2 KORIN 7:9 - Cho Bible Common Language 2016

⁹ tuhbäi ka yei ci nei, cun cu ka ning m’thüi gui ah hmawk ah kä kyak ci nami thüi nak naw, nami m’lung a ning thawng sak gui ah hmawk ah kyak ci. Cun ah thüisei nak cu Khanpughi naw mang ci kyasei, nangmi ning yaica nak sak gui a i kä om ci.

2 KORIN 7:9 Referans Kwoze

LUKA 15:7

Acun ah mäih ah kei naw akcang ka pyein cu, ang yu ba vai kä hlü ciah chang k’ni ko-kip-lei-ko ah mä, changshe tumat ang yu ba ah hmawk ah yeikyai nak däm pi khai nei” cik ci.

LAMKTU 20:21

Judah chang gui am phi bäi, changpakhui hei gui am phi bäi, Khanpughi ah ma ah ami katnak ng’yu ba u ne, Bawipa Jesuh cu ami yum vai ah kheing ne ka m’thein gui ci.

THUSHÄUTU 7:3

A-yä nak cu gaih ng’pyan ah ta bä pi ci; a cun naw na hmai ning m’sau sak ci, cun ung phi na hmuhmat nak ning ghat sak ci.

SAM 38:18

Ka katnak gui cu ka ng’yu ba ci nei, cun gui naw cäi ng’ä nak awn na be sak ci.

2 KORIN 2:16

Chükmaih ci gui ah phäh ah cun ah ng’ui cu, sih nak ah kya ne, hun nak gah ci gui ah phäh ah cun cu ghin nak ah kyak ci. Cun ah kyasei cun ah mäih cu a u awn khinkha khai ang?

2 KORIN 1:12

Keimi ung m’lung ngaih theing awn khähghah nak vai tumat om ci, cun cu khodek khan ah ghin nak ung, ak tung pi ah, nangmi awn ng’khuihphaa nak ung chang ah cüivai nak awn ah kä kyak ciah Khanpughi ah hlüngtai ciah m’gein nak ung, Khanpughi ah na peit gui ah m’lung theing awn kami pawngpüi bilawh ah kyak ci.

LUKA 15:10

A cun ah mäih ah Khanpughi ah khankho chang gui cu, changshe tumat ang yu ba ah hmawk ah yeikyai ci gui nei” cik ci.

ZEKHARIAH 12:10

“Kei naw David ah htangshon gui la Jerusalem ung chang gui cu, m’gein nak ah mümcha la tagüi nak ah mümcha awn ka be sak gui khai. Ngami naw ami mät naw shun ne ami ngawn cu teng khai gui, a hta tumat ah phäh ah thüi kyap ci gui ah mäih ah ngami cu ani ah phäh ah thüi kyap khai gui. A hta htük chük sei thüi kyap ci gui ah mäih ah ngami cu akshe ah thüi kyap khai gui.

LUKA 15:32

Cun ung phi nang na nau cu ayan si te ci, tuhbäi ghing law ba ci, ayan maih te ci tuhbäi mi hmu ba ci. Cun ah kyasei mik mi cu mi yeikyai ne, ei awk nak mi bi püi ah kyak ci,” ci ne m’cäi gui ci.

MATTHE 3:8

Akcang ah nami ng’yu ba ah mawng cu nami om ih awn nami m’dang vai nei.

2 KORIN 7:8

Ka guk law ah ca naw nami m’lung a ning m’thüi gui ung phi cun ah ca ka guk ah phäh ah kä ka ng’yu ba ci nei. Cun ah ca ah phäh ah kä nami yei cu hmat ne ka thüi te ci, cun ung phi,