2 KORIN 7:8 - Cho Bible Common Language 2016

⁸ Ka guk law ah ca naw nami m’lung a ning m’thüi gui ung phi cun ah ca ka guk ah phäh ah kä ka ng’yu ba ci nei. Cun ah ca ah phäh ah kä nami yei cu hmat ne ka thüi te ci, cun ung phi,

2 KORIN 7:8 Referans Kwoze

THU PHLAAN 3:19

Kei naw kam hni ah chang phung cu akat nak m’kyuk ne ka mcäi ci. Cun ah kyasei katnak ungka ng’hlat law ba ne, chang na ne na om vai nei.

2 KORIN 7:11

Nami thüisei nak ung Khanpughi ah bi bi cu teng vä! Nami k’thamah law pyi ci, nami katnak a theing ah mawng nami m’dang law pyi ci, nami m’lung k’she ah phäh ah nami ng’ä pyi ci, nami kyikyawk pyi ci, nami ng’ap pyi ci, cheishoh nak m’kat vai nami hmat pyi ci, a mawng avan ung katnak nami phyawn nak ah mawng nami mät naw nami m’dang pyi ci nei.

2 KORIN 7:6

Zaica ng’ä ng’ai ci, k’thamah sak ciah Khanpughi naw, keimi ah gawk lawk ciah Titus awn k’thagui na pe ba gui ci.

JOHAN 21:17

Ak thum vei nak ah Bawipa Jesuh naw, “Johan ah hta Simon,” Kei na nam hni ci ang?” cine ng’shi ba mä ci. Cun ah ak thum vai nak ah ng’shi ba mä khätah, Peter cu thüi netah, “Bawipa, nang naw a päng avan na hmat ci nei, kei naw ka ning m’hni cu na hmat ci nei” cine pyein ci. Bawipa Jesuh naw, “Ka htome gui nam htei vai nei bäi,

JOHAN 16:6

Acun ah mawng ning m’thein gui ngä sei nami m’lung thüi ngai ci.

NG’ÄI KYAH 3:32

Ani naw ayä nak ung na law püi gui khai, cun ung phi ani ah na m’hni nak gui cu ng’hteicha ne khüighat ci.

2 KORIN 7:7

Cun bäng ah kä kyak ciah, Titus nami m’htei tu ah mawng phi ng’ya ne kami yei ci. Kei nami na hmuh hlü aih ah mawng, nami ng’ä aih ah mawng, kei nami na küikyan khai ah nami ng’düih ge ah mawng gui cu, ng’ya netah ka yeikyai pi aih ci nei.

2 KORIN 7:9

tuhbäi ka yei ci nei, cun cu ka ning m’thüi gui ah hmawk ah kä kyak ci nami thüi nak naw, nami m’lung a ning thawng sak gui ah hmawk ah kyak ci. Cun ah thüisei nak cu Khanpughi naw mang ci kyasei, nangmi ning yaica nak sak gui a i kä om ci.

2 KORIN 7:12

Cun ah kyasei a yan ka guk law ah ca cu, cheishoh ciah chang ah hmawk ah phi kä kyak ci, ami cheishoh nak ah chang ah hmawk ah phi kä kyak ci. Khanpughi ah maa ah nangmi naw keimi cu a i hlawk ah nami na yum hni gui cu akcang ah ang dang vai ah phäh ah kyak ci.