2 KORIN 7:1 - Cho Bible Common Language 2016

¹ Teihpüi gui aw, shin ah shaitaak gui cu mikmi ah hmawk ah kyak ci. Cun ah kyasei pumsa la m’lungkyong shetkat sak ci phung cu theingcim sak ne, Khanpughi kyih aa nak awn kümbe ciah theingcim ne mi om khai nei.

2 KORIN 7:1 Referans Kwoze

1 THESSALONIAN 4:7

Khanpughi naw m’gukplet humhlam vai ah a na khü gui ah kä kiak ci, ak theingcim ah om vai ah ana khü gui ah kyak ci.

1 PETER 2:11

Teihpüi gui aw, mikmi cu khomdek khan ung om k’tu ah mi kyak ci kyasei, angtäi sei ng’küükneet ne, nang tuk püi gui ciah pumsa ah ng’yak hlü ah kä m’lung k’si en ne, nami thamah vai ah ka ning m’cäi gui ci nei.

NG'THU K'THUUK~ 8:13

Bawipa m’taam nak cu akshe thüi nak ah kyak ci. Kei naw chang ah ng’shei nak, m’gämce nak, akshe ah om nak la ak she ah ng’thu cu ka thüi nak ci.

JAMES 4:8

Khanpughi ah pei ah nami law vai, cun ung nangmi ah pei ah Khanpughi lawk khai. Cheishoh ciah chang gui! Nami kut m’si vä. Thuvi ciah chang gui nami m’lung theing sak vä!

SAM 51:10

O Khanpughi, ka m’lung ang ciim na tüisho pe ne, mümcha k’thai, bekhüt nak na yuk thunthan pe ä.

1 JOHAN 3:3

Bawi Khrit ung cun ah ngaih u nak om ciah chang phung cu, Bawi Khrit a theingcim ah mäih ah theingcim nak om ci nei.

1 THESSALONIAN 5:23

Dimdeeih nak ah a phung Khanpughi naw, a mawng alam avan ung ning theingcim sak gui sä! Bawipa Jesuh Khrit a kyum law ba ung ng’ä vai kä om khai ah, nami mumcha, nami m’lung ngaih, nami pumsa avan cu Khanpughi naw ning kut shum gui sä.

1 PETER 1:22

Nangmi cu thucim nami läk nak awn, nami m’lung kyong cu theing sak u ne, yum ciah nami chang paw phi akcang ah nami m’hni pyi ci nei. Cun na kyasei tumat la tumat nami m’lung kyong avan nawn nami ng’yum hni tu vai nei.

ISAIAH 55:7

Chang omshe gui naw ami ghin om nak ah lam cu nawng u sä, ami ngaih-tüh nak cu m’thawng u sä. Ngami cu Bawipa, mi Khanpughi ah ma ah ng’hlah sak gui vä; ani cu chimgein ne, ang ghit ah m’geinsei ci nei.

1 KORIN 6:20

Khanpughi naw a phu pe ne a ning khleih gui ah kyak ci, cun ah kya sei, Khanpughi ah bämang nak ah hmawk ah nami pumsa cu nami mang vai nei.

1 JOHAN 1:7

Cun ung phi ani cu akdei ung a om ah mäih ah, mikmi cu ak dei ung mi om ah a kyak ung, mikmi cu tumat la tumat pui m’ca nak om ci. Khanpughi ah Htapa Bawi Jesuh naw asi ng’hlui awn mi kat nak nüng cu m’si ne ana theing sak gui pyi ah kyak ci.

HEBRU 4:1

Khanpughi naw mikmi am ang thu ah shaitak cu mi gah vai ah na pe gui ci. Cun ah ng’düm nak vai ah shaitaak cu phlawi düt ci tumat phi kä om men khai ah nami geing nak vai nei.

NG'THU K'THUUK~ 16:6

Hlakham ne nami bekhüt vai, Khanpughi naw nami katnak ning geinsei gui khai, Bawipa nami lak vai, nangmi ung akshe ka gawk lawk khai.

MATTHE 5:48

Khankho ah nami Pa akümbe ah mäih ah nangmi phi nami kümbe vai nei.

MATTHE 5:8

“Am lung kyong theingthap ci gui yeikyai vä; Nangmi naw Khanpughi nami hmuk khai!

SAM 119:9

Chang nong naw a ghin nak cu a i cha ah theingcim sak khai ang? ci ung, nang ah thumkhän läk nak awn kyak ci.

1 JOHAN 1:9

Khanpughi cu a shaitaak küm sak ne, düng nak bäng bik ci, mik mi cu mi katnak ng’kiaa ne, mi ng’paa ah a kyak ung, mi kat nak nam gein gui ne, mi cheishoh nak nüng phi theingcim sak ci.

EPHESIAN 2:3

Zanä mikmi phi ngami ah mäih ah mi kya man ci. Pumsa ah ng’yak hlü ah mi om ne, pumsa la m’lungngaih ah ni vai düt ah mi bilo man ci. Mikmi cun phi pumsa lam ung, a hei chang gui ah mäih ah Khanpughi ah m’lungshe nak gah khin ciah mi kyak ci.

ROMAN 5:20

Cheishoh nak ada law pi vai ah Khanpughi naw thukhän cu am hnüt ah kyak ci. Cun ung phi katnak ada law pi ung Khanpughi ah m’gein nak cun phi däm law pi ci.

ISAIAH 1:16

Nami mät naw nami mät htaih khai ah m’si vä kei naw ka ning hmuh gui ah nami bi ah akshe avan cu düm sak vä. Ä, akshe bi cu ng’düm sak ne.

NG'THU K'THUUK~ 30:12

Ami mät naw ami mät theingcim ciah ngai ciah chang gui om ci gui. Cun ung phi ngami cu lelawi ci gui.

1 PETER 5:10

Cun ung phi nangmi cu cun ah geinvai nak a shänghta nami aut kawn ah, M’Gein nak ah Khanpughi, Bawi Khrit ung ning kawng ät sak gui ne, ng’täi ciah abämang nak ning k’pai tu gui khai ah ning khü gui ciah Bawipa naw, nangmi cu ning kümbe sak gui ne, ng’khäntaang nak, k’thamah nak la khüighaat nak ung ning khanhtek sak gui khai nei.

HEBRU 12:28

Mikmi cu kä thüng hlawt ciah uknak kho mi gah pyii ciah kia sei, Khanpughi mi m’hlüngtai khai nei. Mikmi naw kyih aa nak la m’tamkhah nak awn, Khanpughi cu mi khawihnah khai nei.

HEBRU 12:23

Nangmi cu Khankho ah ang ming ami guk ah Khanpughi ah hta ak tahnga gui ami ng’bum nak ah yeikyai ne nami gawk pyii ci nei. Nangmi cu hnicim chang avan m’khoichak ciah Khanpughi la kümbe ciah chang gui ah mümcha gui ah om nak ah nami gawk pyii ci nei.

1 THESSALONIAN 3:13

A cu cha ah Bawipa naw ning k’thamah sak gui khai nei. Bawipa Jesuh cu ak chang theing gui awn a kyum law ba hnüüp ung, nangmi cu mi Pa Khanpughi ah ma ah, kümbe ne theingcim ciah chang ah nami kyak khai nei.

2 KORIN 1:20

Khanpughi ah shaitaak avan cang ah m’dang ciah kyak ci. Cun ah kyasei Khanpughi ah bämang nak ang dang vai ah, Bawi Jesuh Khrih ung “Amen” mi ciah kyak ci.

LAMKTU 9:31

Cun ah kyasei cun yah ung, Judea, Kalile, la Samaria khrithabum gui cu ding gei nak om lawk ci. Khrithabum ghui cu Khanpughi kyih aa m’hlüngtai u ne, Mumcha Theing ah htagui be nak awn da law pi k’täi ci gui.

MATTHE 12:33

‘Ak theih ak ni ng’yak hlü ung a ghing ak ni geit vai, a ghing shek cicu ak she ah m’theih ci, ak theih awn a ghing ah mawng cu hmat vai kyak ci.

JEREMIAH 13:27

Ani naw a thüi nak gui nangmi naw nami bi cu ning hmu gui ci nangmi cu a im pei ah ami chu ng’ya hlüt ciah pami ah mäih, ng’sein ca naw seng aläk ah mäih ah khogui ma la lolai ung khogam khanpughi gui nami läk cu ani naw ning hmu gui ci. Jerusalem chang gui, nami ng’ziin ci nei, a i yah ung nami theingthap lawk khai ang?

JEREMIAH 4:14

Jerusalem na m’lung kyong ungka akshekha gui cu m’si ä, cun ung nang cu hun nak na gah khai. Nang naw shetkat nak gui laih laih ngaih-tüh ne a i güt na hteit khai aw!

NG'THU K'THUUK~ 20:9

A u chang naw akcang ah pyen hning khai ang? Am lung ngaih cu theingciim ci, akat nak cu ci ng’ciim ciah pyen hning khai aw?

SAM 19:9

Bawipa kyih aa cu nik ci, kho ng’län ung ng’täi ci. Bawipa ah ng’thumcha cu taga ci; angtäi sei vang ci.

2 SHONTÄP NAK 19:9

Ani naw shin ah m’shümthei nak cu pe gui ci: “Nangmi naw Bawipa kyih aa ne, nami bii cu nami bi vai, nami bi nak päng ung nekhüt ne ani, nami ngaih vai.

THUSHÄUTU 11:10

A i naw phi kä a ning ng’ä ai sak gui vai, a i naw phi kä a ning nat sak gui vai. Nangmi cu akshou nu chang nong ah kä nami kyak khai nei.

HEBRU 6:9

Cun ung phi teihpüi gui awi, cun ah thu pyein ung phi kami ning ngaih gep gui ci nei. Nangmi ung bä pi ciah m’shumphyuk nak om sei, hun nak nami khäm cu kami hmat ci nei.

1 PETER 1:15

Ning khü gui ciah Khanpughi cu theingcim ci kyasei, nami bilawh phung cu theingcim sä.

1 PETER 1:17

Chang ah yodäm kä teng ah, chang ah bilawh phäh phäh ah khan ah m’khoichaa nak bik ciah, Khanpughi ah nami taigü ung, Kapa ci ne khü ne nami taigü ci; cun ah kyasei khomdek khan ung nami ghin om yah ak chuih Khanpughi cu nami kyih aa vai nei.

TAIGÜTHUM 13:58

Ani naw cun cu tui awn m’si sei, khei cu kä ang dang law ba ah a kyak ung, ani naw tui ung amsi ba vai, cun ung cun cu theingthap ciah kyak khai.