2 KORIN 4:1 - Cho Bible Common Language 2016

¹ Khanpughi naw chimgein nak awn a khuut bi vai ah na pe gui sei, k’tha dam nak vai a i kä om ci.

2 KORIN 4:1 Referans Kwoze

2 THESSALONIAN 3:13

Cun ung phi phäi nau gui aw, akni nami bi nak ah hmawk ah kä nami cümbawng phung vai nei.

KALATIAN 6:9

Cun ah kyasei kä cümbawng ne ak ni ah mi om ih khai: mikmi naw kä mi hnu ng’hlah taak ah a kyak ung, akhin a gawk law hnüüp ung a vuipai cu mi khäm khai.

EPHESIAN 3:13

Cun ah kyasei kä nami ng’yochaw vai, nangmi ah hmawk ah kei cu geinvai nak ka gah ci, cun cu nangmi ah ng’läh nak vai ah kiak ci, cun ah kyasei kä nami ng’yochaw vai nei.

PHILIPPIAN 4:13

Bawipa Jesuh Khrit ah na peit ah k’thagui awn kei naw ang’tüi avan kam khüt hning ci nei.

2 KORIN 4:16

Shin ah mawng ung keimi a i yah ung phi kami tha kä maih khai nei. Ka mi pumsa cu a dängphai law ung phi ka mi mümcha cu ak hnüüp tä k’thai ba pi pi ci nei.

THU PHLAAN 2:3

Nang cu hniimgei nak om ci, kei ah hmawk ah ang htei ah na yaica ci, kä nam lungksi ci,

HEBRU 12:3

Chang shekhaa gui naw a i hlawk ah ami thüigen nak cu ngaih tüh u netah, käng yocho käm lungksi phung ne nami om vai nei.

2 KORIN 3:6

Kei mi naw thukhän thai ah hmawk ah kami bilawh nak vai ah k’thagui cu na pe gui ci, cun cu guk ah thukhän ah kä kyak ci, Mumcha ah kyak ci. Guk ah thukhän cu sih nak ah kyak ci, Mumcha cu ghin nak ah kyak ci.

1 PETER 2:10

Yanä nangmi cu Khanpughi ah chang ah kä nami kya man ci, tuhbäi ak chang ah nami kyak ci; yanä nangmi cu Khanpughi ah chimgein nak kä nami hmat man ci, tuhbäi ak chimgein nak nami gah pyi ci.

2 KORIN 5:18

Cun avan cu Khanpughi ah bi ah kyak ci, Khanpughi naw mikmi cu a gaa ungka a teihpüi ah Bawi Khrih awn na ng’thon sak gui ci, chang hei gui cun phi a teihpüi ah ami kyak law tu vai ah, bi nak vai cu na pe gui ci.

2 KORIN 3:12

Keimi ung cun ah ngaih u nak om sei ang htei ah kami hluicang ci.

1 KORIN 7:25

Ca guh ne nami na ng’shi nak ah kä chucei mah ci gui ah mawng ung; Kei naw ka pyein vai cu Bawipa ah thukhän ah kä kyak ci, cun ung phi Bawipa ah nam gein nak awn, ng’ap ne khin ciah chang tumat ah ka kyak nak awn, ka mät ah ngaih cu ka ning m’thein gui nei.

ISAIAH 40:30

Hmaw chang gui phi ami k’tha ken thei ci; chang nong gui phi tha maih sei kyu ng’täk thei ci gui.

ISAIAH 40:31

Cun ung phi Bawipa naw am htei vai ah ng’ap ciah chang gui naw, thagui akthai hmuk khai gui. Ghui zongzung ah mäih ah ami ng’phia phiat ne zong khai gui, ami dawng ung phi kä bawngbai khai gui; lam ami hteh ung phi kä khüi kha khai gui.

JEREMIAH 45:3

nang naw na pyen ci, ‘Kei ka m’lung si ci nei! Kei ah azä nak ah khan ah Bawipa naw azä nak awn na m’khah ci nei, kei cu ka thüisei nak aih ah ka cümbawng ci nei, ng’düm nak vai kä ka hmuk ci nei.”

LUKA 18:1

Cun kawn ah Bawipa Jesuh naw, ang düihpüi gui-am, kä kya düt en ne angtäi ah ami taigü vai ah, m’tumtäng ne m’thei gui ci.

1 KORIN 3:5

Apollos cu a u-ang? Paul cu a u-ang? Keimi cu Khanpughi ah changshäm ah kya u ne, nangmi naw Khanpughi nami yum tu vai ah kami ning m’shüm tu gui ciah kyak ci. Keimi tumat ci naw Bawipa naw anam hnüt peit gui phäh phäh ah khuut cu kami bik ci.