2 KORIN 3:3 - Cho Bible Common Language 2016

³ Cun ah ca cu Bawi Khrih amät naw gu netah keimi am ana tei sak gui cu dang ci nei. Cun ah ca cu hmein nawn guk ah kä kyak ci, ghing ciah Khanpughi ah Mumcha awn guk ah kyak ci, cun ah ca cu lung ung guk ah kä kyak ci, chang ah m’lung ung guk ah kyak ci.

2 KORIN 3:3 Referans Kwoze

EZEKIEL 11:19

Kei naw ngami am m’lung akthai, ngaih akthai ka pe gui khai. Kei naw ngami ah lung ah lin ciah ami m’lung liing nak cu la ne ghawh pe gui ne, ng’thu ngaih nak ah m’lung ka pe gui khai.

JEREMIAH 31:33

Kei naw Israel chang gui awn ka bi vai ah thukän thai cu shin ah kyak ci: kie naw ka thukhän cu ami kyong ung tha ne, ami m’lung ung ka guk khai, kei cu ngami ah kanpughi ah ka kyak khai, ngami cu kei ah chang ah kyak khai gui.

HEBRU 8:10

Ngawi ah Israel chang gui awn ka bi vai ah thukhän läi cu, “Kei naw ka thukhän cu ngami ah m’lung ung thun ne, Ami m’lung ung ka guk khai. Kei cu ngami ah Khanpughi ah ka kyak khai, Ngahmi cu kei ah chang ah kyak khai gui.

HEBRU 10:16

“Bawipa naw, Shin cu lawk ciah kho hnüüp ung ngami awn shaitaak nak ka bi vai kyak ci nei: Kang thukhän cu ami m’sin ung chum ne, Ami m’lung ung ca awn ka guk khai nei,” cine pyein ci.

SAM 40:8

Ka Khanpughi, na ng’yak hlü bi vai cu ka m’hni aih ci nei! Nang ah na m’theithang cu ka m’lung kyong ung ka m’küm ci nei.”

PHYAWN NAK 31:18

Sinai M’htung ah Khanpughi naw Moses ang thu püi cu ng’pyi sei, ani naw lung palap hnih cu Moses am pek ci. A cun goi ah khan ah Khanpughi amät naw, thukhän gui cu a guk ah kyak ci.

2 KORIN 6:16

Khanpughi ah pum im cu a gup gui awn ng’thu kä khän hlawt khai gui. Mikmi cu Ghing ciah Khanpughi ah Pum im ah mi kyak ci! Khanpughi amät naw; “Ka chang gui awn ka im ka pyang khai, Ami ng’lung ah ka om khai! Kei cu ngami ah Khanpughi, Ngami cu kei ah chang gui ah kyak khai gui” ci ne pyein ci.

PHYAWN NAK 24:12

Bawipa naw Moses am, “M’htung khan ah ka om nak ah hang kai law ä, shi ah na om yah ung, lung palap hnih ka ning pek khai. A cun ung chang gui m’shüm thein nak ah thukhän avan cu ka guk nei” cik ci.

HEBRU 9:14

Bawi Khrit ah si naw a i hlawk ah theingcim sak pi khai aw! Bawi Khrit naw ng’täi ciah Mumcha awn amät cu, katnak kä om ciah küikyan nak ah kya ne Khanpughi ah ng’ap pyii ci nei. Ani ah sihlui naw, alä düüt ah kyak ciah mi m’lung ngaih cu na theingcim sak gui khai, cun ung mikmi naw angtäi ghing ciah Khanpughi cu mi khawihnah khai nei.

NG'THU K'THUUK~ 3:3

Hläkkhäm nak la bekhüt nak cu kä na ng’dawn sak vai. Na k’hnü ung na awi vai, na m’lung ung na guk vai.

NG'THU K'THUUK~ 7:3

Ka m’theithang cu akphlüt ah na shüm vai, na m’lung ung na guk vai.

SAM 84:2

A cun ung a i hlawk ah ka om hlük ci ang? Kei cu Bawipa ah Pum Im ungka om hlük ci nei. Ghing ciah Khanpughi ah ka ghin nak avan awn yei ne ng’äi ka m’cu ci nei.

1 THESSALONIAN 1:9

Keimi kami law ah mawng la a i cha nami na dou gui ah mawng, düng ne ghing ciah Khanpughi ah a khuut bi vai la khankho ah ka kyum law ba khai ah A Htapa ngäng vai ah hmawk ah a gup gui nawng shüt ne Khanpughi ah nami ng’hlah law ba ah mawng gui cu, cun ah chang gui naw pyein sak ci gui nei.

MATTHE 16:16

Simon Peter naw, “Nang cu angtäi ghing ciah Khanpughi ah Htapa, Messiah ah na kyak ci,” cine pyein ci.

SAM 42:2

Ghing ciah Khanpughi, nang cu tui ah gha ne ka ning ging co ci nei. A i yah ung na ma ah hteit ne, ka ning khawihnah hlawt khai aw?

PHYAWN NAK 34:1

Bawipa naw Moses am, “Lung phe hnih cu ayan ungka ah mäih ah shep ne na pyan vai. Nang naw na m’sheit ah ak htük lung phe goi ung guk ah mäih ah kei naw ca ng’lung gui ka guk ba khai.

THU PHLAAN 3:22

“Khrithabum gui-am Mumcha naw am thein gui cu nami hnga a om ung ngai ne ng’ya vä!

THU PHLAAN 2:18

“Thiatira Khrithabum ah khankho chang-am ca gu ne peit law nei! “Shin ah ca cu, a mik meidäi ah mäih ah ng’shü ne, kyei m’tui ah mäih ah pyü sei khaw nak ciah, Khanpughi ah Htapa ah m’cäi nak ah kyak ci.

THU PHLAAN 2:8

“Smirna Khrithabum ah khankho chang-am ca peit law nei; “Shin ah ca cu tün nak la khüm nak ah kya ne, sihnak ung ka tho ba ciah m’cäi nak ah kya ci.

JEREMIAH 10:10

Cun ung phi nang, Bawipa, cu Khanpughi akcang nei, nang cu ghing ciah Khanpughi, angtäi ghing ciah ghangpughang nei. Nang na m’lungshe ung khomdek cu thüng ci, nang ah m’lungshe cu changpakhui gui naw kä näng ci gui.

JOSHUA 3:10

Nangmi nami gawk law ah a kyak ung ani naw, Kanaanit gui, Hittit gui, Hivit gui, Perizzit gui, Kirkashit gui, Amorit gui la Jebisit gui cu k’täm gui khai. Ghing ciah Khanpughi nami ng’lung ah om ci, cicu nami hmat klawk khai.

THU PHLAAN 3:14

“Laodicea Khrithabum ah khankho chang-am ca gu ne peit law nei: “Shin ah ca cu Khanpughi ah tüisho gui ung om-maa ah kya ne, bekhüt ne, saksi akcang ah kyak ciah Amen ah m’cäi nak ah kiak ci.

THU PHLAAN 3:7

“Philadelphia Khrithabum ah khankho chang-am ca gu ne peit law nei: “Shin ah ca cu ng’ciim ne ng’düng ciah ng’cäi nak ah kyak ci. Ani naw David ah m’kawt k’hnawn nak cu kawt ci, ani naw m’kawt ak hnawn ung a u naw kä khai hlawt ci, ani naw m’kawt a khai ung a u naw kä k’hnawng hlawt ci.

THU PHLAAN 2:12

“Perkamum Khrithabum ah khankho chang-am ca gu ne peit law ne; “Shin ah ca cu vang ah vei ghaat ciah khim shäm ci naw amcäi nak ah kyak ci.

THU PHLAAN 2:1

Ephesus khrithabum ah khankho chang-am ca peit law nei; shin ah ca cu akpat lam ah aisi pachih kawt ne, ghui mei ng’düi pachih ah ng’lung ah hteit shüi shüi ciah m’cäi nak ah kyak ci.

DANIEL 6:26

Ka uknak ah khaw avan ung thukhän ka bik ci nei, Daniela ah Khanpughi cu chang nü naw a kyih vai nei, a chang m’sui vai nei. “Ani cu ghing ciah Khanpughi, Ani naw khonglän ung uk khai nei. Ani ah uknak khaw cu a i naw kä m’di hlawt khai nei, ani ah huham cu kä ng’pyi hlawt khai nei.

JEREMIAH 17:1

Bawipa naw pyen ci, “Judah chang gui, nami katnak cu m’si gong awn guk nei: cu na katnak cu nami m’lung kyong ung pyülung m’si awn gu ne, nami sonkiang gui ah akit gui ung vüt ne m’hluh nei.

THU PHLAAN 3:1

Sadis khrithabum ah khankho chang-am ca gu ne peit law nei: “Shin ah ca cu Khanpughi ah Mumcha pachih la aisi pachih ah om nak naw amcäi nak ah kyak ci. Nang ah bilawh cu kei naw ka hmat ci: Nang cu ghing ciah na ng’ming thang pang sei phi na sik ci.

1 SAMUEL 17:26

David naw a pei ah ka gui cu ng’shi gui ne, “Shin ah Philistin chang ngawn ne Israel gui cäi ng’ä nak ung phyawn sak ciah chang naw a i gah khai ang? Ghing ciah Khanpughi ah gakap ghet taap ciah shin ah chang hei Philistin chang cu a u ang?” cik ci.

PHYAWN NAK 32:15

Moses cu khomhtung ungka yu kyum ba ne, vang ah vei ung thumkhän guk ah lung phe hnih cu kawt lawk ci.

1 KORIN 3:5

Apollos cu a u-ang? Paul cu a u-ang? Keimi cu Khanpughi ah changshäm ah kya u ne, nangmi naw Khanpughi nami yum tu vai ah kami ning m’shüm tu gui ciah kyak ci. Keimi tumat ci naw Bawipa naw anam hnüt peit gui phäh phäh ah khuut cu kami bik ci.

2 KORIN 3:6

Kei mi naw thukhän thai ah hmawk ah kami bilawh nak vai ah k’thagui cu na pe gui ci, cun cu guk ah thukhän ah kä kyak ci, Mumcha ah kyak ci. Guk ah thukhän cu sih nak ah kyak ci, Mumcha cu ghin nak ah kyak ci.

2 KORIN 3:7

Lung ung guk ah thukhän a peit yah ung Khanpughi ah bämang nak cu deikhang ci. Cun ah deikhang nak cu Moses ah hmai ung ang shu law pipi ung phi, ang htei ah ng’shü sei, Israel chang gui naw kheing ne kä teng hkawt ci gui. Sih nak law püi ciah thu khän hngaw, shin ah mäih bämang nak awn a peit ah a kyak ung,