2 KORIN 3:1 - Cho Bible Common Language 2016

¹ Shin ah mawng ung keimi cu kami khähghah ciah kya ne ang? Chang am shah gui ah mäih ah k’bääi nak ah ca gui cu, keimi naw nangmi am kami ning peit gui vai hlü ne ang? kä cun ung nangmi ah kami laak vai hlü ne ang?

2 KORIN 3:1 Referans Kwoze

2 KORIN 12:11

Kei cu ak gu ah mäih ah ka kya lawk ci, cun cu nang mi ah na kyak sak ah kyak ci. Nangmi cu kei nak püi ciah nami kya khin te ci. Kei cu a i ah kä ka mawng pang ung phi, ang düihpüi ah nami k’bäi gui ah kä ka ng’neim pi khai.

2 KORIN 10:12

Ami mät naw ami mät m’hlüngtai ciah chang gui awn kä kami ng’caw hlük ci nei, m’tumtäng nak vai phi kä ka mi ng’ya hlük ci nei. Ami mät naw ami mät ak tung ah m’düih u netah, täitawk m’khoichak ciah chang gui cu, shekha aih ci gui nei.

2 KORIN 5:12

Cun cu keimi ka mi mingthang vai ah tha nak ba ah kä kyak ci, keimi ah khan ah nangmi ah mingthang nak vai cu k’tha na ne ning peit gui ah kyak ci. Cun ung vah, chang ah om ih kä teng ah a müisa düt teng ne khähghah ciah, chang gui ah ng’thu cu nami m’hlan tuha hlawt khai.

LAMKTU 18:27

Apollos cu Achaia kho ah hteit hlü khä tah, Epheus ah yum ciah chang gui naw Achaia ah yum ciah chang gui am, ang hmat nak tu vai ah ca guh ne m’kan ci gui. Ani ci Achaia kho ah gawk netah Khanpughi ah m’gein nak awn yum ciah chang gui cu ak tung ah bilawh püi gui ci.

1 KORIN 16:3

Kei ka gawk law ah a kyak ung, nami ghü ah chang am, ca guh ne m’khah ne, cun ah ngui cu Jerusalem ah vah peit sak vai nei.

2 KORIN 12:19

Keimi naw a thawm ah kami mät kami ng’küikyan ciah nami ngai hngaw khai nei! Cun ah kä kyak ci, Bawi Khrit ah nam theithang gui ah mäih ah, Khanpughi ah ma ah ng’thu kami pyein ah kyak ci. Teih püi gui aw, keimi ah bi gui phung cu nangmi ah hmawk ah kyak ci nei.

2 KORIN 10:8

Kei cu Bawipa ah na peit ah huham ka mang däm te ung phi kä ka ng’aa ci nei, cun ah huham cu nang mi, ning m’shukchaak nak gui vai ah kä kyak ci, ning m’düih m’thawh nak gui vai ah kyak ci.

2 KORIN 2:17

Keimi naw a hei chang gui ah so ah, Khanpughi ah ng’thu cu, a phu k’yän khawhchaam ah mäih ah kä kami sumlei nak ci: Khanpughi naw ana tüih gui ah kyasei, amaa ah ang thu cu, Bawi Khrih chang shäm ah kya ne ng’düng sei kami pyein ci.

1 KORIN 10:33

Kei cu kabilawh nak phung ung ka mät ah hmawk ah ka ng’ä ne, chang gui ami yei vai ah, chang ah hmawk bäng ah ka bik ci. Cun cu ngami naw hun nak ami gah vai ah kyak ci, nangmi phi kei ah bi ah mäih ah nami bi tu vai.

1 KORIN 4:15

Khritha ah nami ghin nak ung ning m’theithang gui khai tämkäp phyaa khak a om ung phi nami Pa cu tumat bäng ah kyak ci. Kei naw Thu Ni cu nangmi ah law püi ngä sei, Bawi Khrih Jesuh ung nami ghin nak tu awn kei cu nangmi ah pa ah ka kya lawk ci.

1 KORIN 3:10

Kei naw Khanpughi ah na peit ah m’gein nak cokyang thei ciah chang ah mäih ah, ng’lei leh ne kam hnep ci, a hei chang tumat naw acun ah khan ah cokyang ci. Cun ung phi cokyang lawk ciahchang cu a i chaa ah a cawhkyan law ah geing nak khenggeng vai nei.

ROMAN 16:1

Kei naw mi be Phoebe ah mawng cu küikyan ne ka pyein hlük ci. Ani cu Kenkhreae gawnu, khritha bum ung bi bik ci.

2 KORIN 10:18

A i ah kyasei ci ung Khanpughi naw am hni ah chang cu, amät naw m’hlüngtai ciah kä kyak ci, Bawipa naw am hlüngtai ah chang ah kyak ci.