2 KORIN 2:3 - Cho Bible Common Language 2016

³ Nangmi naw kei cu nami na yei sak khai süte, cun ung phi, kei ka law ung nangmi ah hmawk ah kam lung a thüi vai kyi netah, ca ka guk law te ah kyak ci nei. Kei ka yei ung nangmi nami van nami yei khai ah ka yum ci nei.

2 KORIN 2:3 Referans Kwoze

KALATIAN 5:10

Cun nung phi nang mi cu ka ning ngaih gep gui ci. Mikmi cu Bawipa ung mi kawng ät pyi ciah kyasei, nangmi cu a hei ah kä nami ng’phyeek pai khai ah ka ngaih gep ci. Cun nung phi nangmi ning awng aa, ngaih pai sak gui ciah chang cu, Khanpughi naw m’shetkat khai.

2 KORIN 8:22

Cun ah kya sei ngah ni awn a täng ah kami nau tumat phi kami tüi lawk ci nei: ani cu akda vei teng kheng u ngä sei, chang m’hteihtang ciah chang ah kyak ci nei. Ani cu nangmi ning ngaih gep gui ciah kya ne, ning m’hteihtang gui hlü pi ci nei.

PHILIMON 1:21

Shin ah ca ung ka guk ah mäih ah nang naw na bik khai ci lacun ah däm pi püi sei na bik khai ci cu, kei naw akcang ah ka hmat ci nei.

2 KORIN 7:12

Cun ah kyasei a yan ka guk law ah ca cu, cheishoh ciah chang ah hmawk ah phi kä kyak ci, ami cheishoh nak ah chang ah hmawk ah phi kä kyak ci. Khanpughi ah maa ah nangmi naw keimi cu a i hlawk ah nami na yum hni gui cu akcang ah ang dang vai ah phäh ah kyak ci.

2 THESSALONIAN 3:4

Bawipa naw keimi naw nangmi kami ning ngaih gep nak gui vai cu na pe gui ci. Keimi naw kami ning m’cäi gui ah mäih ah tuhbäi nami hnün om ci, ngawi ah phi acun ah nami hnün om khai ah kami ning ngaih gep gui ci nei.

2 KORIN 12:21

Cän kawn ah nangmi ah kei ka law ba ung Khanpughi naw, nami ma ah, kei cu na lü ng’aa sak khai ni mä, yan ä sheka u netah tuh güt kä ng’yu ba u ne, m’gu plet ng’yaw ng’pawm düut ciah chang gui ah hmawk ah, kei cu ka ng’phli tui kya law ei bawk khai ni mä, cine kang ä ci nei.

2 KORIN 12:11

Kei cu ak gu ah mäih ah ka kya lawk ci, cun cu nang mi ah na kyak sak ah kyak ci. Nangmi cu kei nak püi ciah nami kya khin te ci. Kei cu a i ah kä ka mawng pang ung phi, ang düihpüi ah nami k’bäi gui ah kä ka ng’neim pi khai.

2 KORIN 7:8

Ka guk law ah ca naw nami m’lung a ning m’thüi gui ung phi cun ah ca ka guk ah phäh ah kä ka ng’yu ba ci nei. Cun ah ca ah phäh ah kä nami yei cu hmat ne ka thüi te ci, cun ung phi,

2 KORIN 7:6

Zaica ng’ä ng’ai ci, k’thamah sak ciah Khanpughi naw, keimi ah gawk lawk ciah Titus awn k’thagui na pe ba gui ci.

2 KORIN 1:15

Kei naw shin ah a mawng gui cu ngaih gep ne, nangmi naw hrilham hnih vei nami gah vai ah,

1 KORIN 4:21

Nangmi naw a i ang nami ng’yak hlü! Kei cu ng’mui tawn kawt ne ka law vai ang! Kä cun ung m’hni nak la ng’awi gei nak awn ka law vai ang!

2 KORIN 1:23

Korin ah kä ka law vai ah ka k’bäi cu nangmi ka ning m’gein nak gui ah a kyak cu kei ah m’lung hmat ciah Khanpughi saksi ci.

2 KORIN 2:9

Yanä kei naw ca ka ning guk law gui cu, tüihtok nak m’khüt vai ah nami ng’düih la, kei ah ning m’shümthein gui läk ghet vai ah nami om ah, hmat nak vai ah kyak ci.

2 KORIN 7:16

Kei cu nangmi ah khan ah m’lung üp ngaih gep nak om khätah ang htei ah ka yeikyai ci nei!

2 KORIN 13:10

Kei naw shin ah ng’daut ne ca ka ning pet law gui ah mawng cu; kei ka gawk law ung Bawipa ah na pet ah huham cu ak ghaat ah kä ka mang vai ah phäh ah kyak ci. Cun ah huham cu nangmi ning m’küi m’khän nak gui vai ah kyak ci, ning m’shukchaak nak gui vai ah kä kyak ci.