2 KORIN 11:3 - Cho Bible Common Language 2016

³ Eve cu k’phyu naw theileh ne am hleeihlak ah mäih ah — nami m’lung cu ng’gogan sei, Bawi Khrih yum ne nami ap nak ang chei vai ah kan ng’ä ci.

2 KORIN 11:3 Referans Kwoze

KOLOSE 2:8

Geing na vä, Bawi Khrit ungka ah kä kyak ci, khophlüt sei uk ciah Mumcha gui la, chang naw dou ne am theithang nak ung lawk ciah chang läma, gui ah cüivai nak awn, a u chang naw phi kä ning khlei-htein-en nah gui sä.

KALATIAN 1:6

Bawi Khrit ah m’gein nak awn nang mi ning khü gui ciah Khanpughi cu, ang ghit ah nawng u ne, ng’Thu Ni a hei nami dou ah hmawk ah ka ning cäi nah gui ci nei.

EPHESIAN 4:14

Mikmi cu ak hmawhta ah kä mi kya ba ci, cun ah kyasei, ami mät ah m’lung hnga tüidawng düt awn, chang gui lam hma khai ah lam shüm ne thuvi theileh ci gui ah, m’theithang nak khokhni naw kä ning yon shüi shüi en gui sä.

KOLOSE 2:4

Kei naw ka ning m’thein gui cu hleei pyein ne a u naw a i kä ning ng’cuh-en püi gui sä. Ngami naw a i hlawk ah nik ciah ami pyein ung phi kä nik khai nei.

1 JOHAN 4:1

Ka teihpüi gui aw, Mumcha Theing ka gah ci cik ci phung kä nami yum men vai nei. Ngami ah gah ah Mumcha cu Khanpughi ung kaa lawk ciah a kyak la kä a kyak cu ng’nüm ne nami teng kheng vai nei. A i ah kyasei ci ung profet hleeihlak gui cu kho nüng ung hteit shüi shüi ci gui nei.

1 TIMOTHI 2:14

Hmühma nak gah law ma cicu Adam ah kä kyak ci, hnumi ah kiak ci, Ani naw Khanpughi ah thukhän cu shetkat sak ci.

THU PHLAAN 12:9

Khomdek chang gui m’yaw gui ciah khoshe, kä cun ung Satan ming nak ciah shawknu cu ak khanchang gui awn a täng ah khomdek khan ah ami yuk täm law gui ah kyak ci.

HEBRU 13:9

Lam ng’düng ungka lam hma vai ah a hlü hlü ah ami m’theithang nak cu kä nami läk-en vai nei. Ei ei vai ah mawng läk nak vai ah thukhän ah kä kyak ciah, Khanpughi ah m’gein nak awn gah ah thamah nak cu bä ci; acun ah thukhän läk ciah chang gui cu a i sang ung phi kä bä hlawt ci gui.

ATÜNNAK 3:13

Bawipa Khanpughi naw, hnumi am, “A i vai ang cun ah na bi” cine ng’shi khäta; Hnumi naw, “K’phyu naw na ei sak sei ka ei ci nei” cine pyen ci.

JOHAN 8:44

Nangmi ah pa cu satan ah kyak ci, nangmi cu nami pa ah ng’yak hlü bäng ah nami bi hlük ci. Satan cu a htük ge ung chang ngawn ciah kyak ci, Ani ung düng nak kä om sei, düng nak awn kä om phung ne hleeihlak thei ci. Ani cu hleeihlak nak ah apa ah kia ne, ang tüi püi ge ah hleeihlak thei ci.

KALATIAN 3:1

Kalatia chang k’ang gui! A u naw ang a ning pluh gui ve? Kutlam tung ung Bawi Jesuh Khrit asih cu, nami mik awn nami hmuh awn täng khai ah, ka ning m’dang gui pyi ci nei!

2 KORIN 1:12

Keimi ung m’lung ngaih theing awn khähghah nak vai tumat om ci, cun cu khodek khan ah ghin nak ung, ak tung pi ah, nangmi awn ng’khuihphaa nak ung chang ah cüivai nak awn ah kä kyak ciah Khanpughi ah hlüngtai ciah m’gein nak ung, Khanpughi ah na peit gui ah m’lung theing awn kami pawngpüi bilawh ah kyak ci.

ATÜNNAK 3:4

K’phyu naw, “Cun ah kä kyak ci; nangni kä nani sik khai.

1 JOHAN 2:18

Ka hta nau gui aw, kho ah khüt nak vai cu ng’et lawk ci nei! Bawi Khrit ah Gaa a gawk law vai ah mawng ning m’thein gui pyi nei: tuhbäi Bawi Khrit ah gaa akda cu dang law pyi ci gui nei, cun ah kyasei kho ah khüt nak vai ng’et lawk ci, cicu mi hmat ci nei.

2 PETER 3:17

Cun ung phi teihpüi gui aw, shin ah mawng cu nami hmat pyi ah kiak ci. Chang shekha gui ah lam k’she ung kä nami läk en tu vai ah, khäng sei nami ng’düih nak ungka kä nami yung kyak en vai ah geing nah ne nami om vai nei.

KALATIAN 4:11

Nangmi ah hmawk ah ka ng’ä ci nei! Nangmi ah hmawk ah ka bi gui shi a kholä düt ah kä kyai lawk khai aw?

2 KORIN 2:17

Keimi naw a hei chang gui ah so ah, Khanpughi ah ng’thu cu, a phu k’yän khawhchaam ah mäih ah kä kami sumlei nak ci: Khanpughi naw ana tüih gui ah kyasei, amaa ah ang thu cu, Bawi Khrih chang shäm ah kya ne ng’düng sei kami pyein ci.

2 PETER 3:3

Ak htük ah, ak hnubäih hnüüp ung, amät ah ng’yak hlü düt ah ghing ciah chang gui dang lawk khai ci cu, nami hmat vai nei. Ngami naw nangmi cu ning gaih m’gin gui ne,

2 TIMOTHI 3:13

Chang shekha chang thuvi gui cu, shekha m’thüikhang law pi k’täi khai gui, chang naw phi phiui hnawk gui khai, chang phi phiui hnawk khai gui.

1 THESSALONIAN 3:5

Cun ah kyasei Timothi cu ka tüih law ah kyak ci. Akcang ah nangmi khoshe ah tüihtok nak ung nami gawk ah khoi ung, keimi ah bilawh nak cu akholä ah kyak khai kyak ci.

EPHESIAN 6:24

Kä si hlawt ciah m’hni nak awn mi Bawipa Khrit m’hni ciah chang gui ah khan ah Khanpughi ah m’geinsei nak cu kümbe ne om sä.

KALATIAN 2:4

cun ung phi amshah gui lä naw bi sak vai ng’ya hlük ci gui. Cun ah chang amshah gui cu, keimi naw Bawipa Jesuh ung kami kawng ät nak awn kami gah ah ng’päiye nak cu na k’tä gui hlü neh keimi ah ng’bum nak ung lut law tuk ci gui ah kyak ci. Ngami naw mikmi cu na khlei htein ah gui hlük ci gui.

2 KORIN 4:2

Keimi naw m’yih vai la lü ng’aa nak vai cu kami nawng shüt ci; keimi cu kä kami thuvi ci, Khanpughi ah ng’thu phi hleei ne kä kami pyein ci. Keimi cu Khanpughi ah maa ah düng ciah akdei ung ghing u ne, chang gui ah ni kyom nak vai ah k’tha na ne kami bik ci.

MATTHE 24:24

Messiah ah ng’hlawk ci gui, profet ah ng’shei ci gui cu dang lawk khai gui nei. Cun gui naw ami m’khüt hning ung, Khanpughi ah ghü ah chang gui pui ami m’hleeihlak nak vai ah cäi aih vai gui la küikyang ciah a mawng gui cu m’dang lawk khai gui nei.

JUDE 1:4

A i ah kya sei ci ung Khanpughi kä yum ci gui cu nami ng’lung ah lut ne om ci gui nei. Ngami naw mi Khanpughi ah m’gein nak ah ng’thu cu, khawdek pumsa ami ng’yak hlü lam düt ah m’hlat u ne, tumat khläm om ciah mi Bawi, mi Mang Jesuh Khrit cun phi hun ng’tuk püi ci gui nei. Cun ah chang gui cu cau pui ge, shetkat nak gah khai gui ah m’hnütbäi gui ah kyak ci.

TITUS 1:10

A i kä ami hmat su ah cun ah thu cu hnu ng’tuk püi ne, chang gui k’fikfaih ciah chang ak da om ci nei, ak tung pi ah Judah yum nak ung ka ng’lat lawk ci gui ung da pi ci.

1 TIMOTHI 1:3

Macedonia ah ka hteh law vai ung ka ning m’cäi ah mäih ah Ephesus ah na om cang vai ka ng’ya hlük ci. Chang amshah gui naw thuvi ne m’theithang ci gui nei, cun gui cu, ami ng’düm vai ah na khän gui vai.

KOLOSE 2:18

Khankho chang khawihnah u ne, chang k’ni ah ng’hlawk u ne, ami mik hmuh ah phäh ah aktung ah hlüngtai ciah ng’shei ci gui ah, m’kat nak cu kä nami yuun en vai nei. Amawng hei kä om ci, chang tumat cu khomdek chang ah mawng lam ang ngaih-tüh nak awn, am lung kyong cu mei ah khu yawp ci.

2 KORIN 11:29

Ak tha yawken ci a om ung, kei phi kak tha ken tuk ci; shetkat nak bi lawk ci om ung ani ah hmawk ah ka ng’ä ai aih ci.

ROMAN 12:8

Chang gui k’thamah nak peit nak gui vai a kyak ung, mi pe gui khai. Chang am pektaak ciah chang naw, ng’khai ng’lang nak awn a pektaak vai, huham om sei ng’vai pi ci naw k’tha nakcang ne abilawh vai; geinvai ciah chang m’gein tuk ci naw m’lung gei yeikyai nak awn am hteihtang tu vai.

THU PHLAAN 20:2

Ani naw shawk k’phyu ng’hlui cu pha netah, khawkum phyaa ghaa ung pin ne khit ci. Cun ah khawshe bawi kä cun ung Satan ah kyak ci.

SAM 119:53

Changshe gui naw n a thukhän ami gäi ka hmuh ung, kei cu ka m’lungshek ci nei.

ATÜNNAK 3:1

Khanpughi ah tüisho avan ungka k’phyu cu ng’khailang pikbäih ciah kyak ci. K’phyu naw hnumi am, “Shin ah dum ung om ciah ak ghing nü ah am theih cu kä na ni ei vai ah Khanpughi naw akcang ah pyen ne ma, cine ng’shik ci.

ATÜNNAK 3:20

Adam naw akchu cu Eve ah aming sui ci, a i ah kyasei ci ung ani cu hnicim chang avan ah nu htük ah kyak ci.

2 KORIN 11:20

Nangmi naw ning täk phan gui ci, ning m’yung m’ya na gui ci, ning hlawt na gui ci, a i ah kä ning sui tu gui ci, nami hmai ning k’beei gui ci, gui cu nami hniimgei ci.

EPHESIAN 4:22

Cun ah kyasei ghin cu om düt ah ghin nak man, ak phyim cu lim ne nawng shüt vä. Mät ah ng’yak hlü hlimtui nak awn didap thei ciah, ghin nak phyim cu hnu nah vä.

THU PHLAAN 12:15

Shawk naw, cun ah hnumi cu tui naw a hteh vai ah am gawng awn tuinu ah ng’tat ne lawng khai ah muh ci.