2 KORIN 11:2 - Cho Bible Common Language 2016

² Kei cu nang mi ah hmawk ah Khanpughi a m’thüi ah mäih ah kam thüi ci nei; nangmi cu Bawi Khrih tumat bäng awn ng’puikhah khai goi ah beit pyi ah htalaa ah nami kyak ci.

2 KORIN 11:2 Referans Kwoze

ISAIAH 54:5

Nang ning tüisho ci naw na cei ah mäih ah ning m’htei khai nei Aming cu m’gäi ciah Bawipa ah kyak ci nei. Theingcim ciah Israel Khanpughi naw ning hun khai. Ani cu khomdek uk ciah kyak ci.

JOHAN 3:29

Ceimah ci khäm cicu chumah ciah kyak ci. Chumah ciah teih püi cun naw, chumah ciah k’o cu ng’düi ne ngai netah, ang yak ung ang htei ah a yeikyai ah mäih ah, kei ang htei ah ka yeikyai pyi ci nei.

KOLOSE 1:28

Cun ah kyak sei Bawi Khrit ah mawng cu chang nüng-am kami m’thein ci. Bä ciah cüivai nak awn kami m’cäi nak la kami m’thei nak cu, Bawi Khrit ung kawng ät nak awn ak chang sing theek-hai ne, Khanpughi ah ma ah ami gawk law vai ah kyak ci.

EZEKIEL 44:22

A u taigü naw phi ami ng’cha püi pyi ah hnumi kä a chu nak vai; ani naw Israel hnumi hta, käcung ahei taigü ah hmeinu ak chu nak vai.

PHILIPPIAN 1:8

Bawi Khrit Jesuh ah m’gein nak awn, nangmi ang htei ah ka ning khaih nak gui ah mawng pyein ung, Khanpughi cu saksi ah kyak ci.

ROMAN 7:4

Phäi nau gui aw, shin ah mawng cu nang mi awn phi ng’lüng ci nei. Nang mi cu Bawi Khrit ah pumsa ah nami kya pyi ci kya ne, thukhän ung nami ghin nak cu si pyi ci nei. Khanpughi ah khuut bi nak ung hnüntho ciah mi kyak nak vai ah sih nak ung ka tho ba ciah Bawi Khrit ah chang ah nami kya pyi ci nei.

2 KORIN 4:14

Bawipa Jesuh thawh ba sak ciah Khanpughi naw, kei mi cun phi Bawipa Jesuh awn a täng ah na thawh ba sak gui ne, nangmi awn a täng ah ama ah na hteh püi gui khai cicu kami hmat ci.

1 KORIN 4:15

Khritha ah nami ghin nak ung ning m’theithang gui khai tämkäp phyaa khak a om ung phi nami Pa cu tumat bäng ah kyak ci. Kei naw Thu Ni cu nangmi ah law püi ngä sei, Bawi Khrih Jesuh ung nami ghin nak tu awn kei cu nangmi ah pa ah ka kya lawk ci.

KALATIAN 4:11

Nangmi ah hmawk ah ka ng’ä ci nei! Nangmi ah hmawk ah ka bi gui shi a kholä düt ah kä kyai lawk khai aw?

1 THESSALONIAN 2:11

Apa naw a hta am htei ah mäih ah keimi naw ak chang sing kami ning m’htei gui cu, nami hmat ci.

THU PHLAAN 14:4

Ngami cu hnumi awn kä ng’etsheng man ciah ng’piangmi hta gui ah kya ne, htomehta ah hteh nak päng ah läk tuk ci gui. Ngami cu chang ah hta avan ungka a ghü gui ah kyasei, Khanpughi la Htomehta ung ng’ap ma ci gui ah kyak ci.