2 KORIN 10:2 - Cho Bible Common Language 2016

² Keimi cu khodek khan ah mawng ung kami hnüntho ciah na pyein gui ciah chang gui ah ma ah lingtha nak cu m’dang vai kyak ci nei, nangmi om nak ah ka law ung cun ah mäih lingtha nak m’dang nak vai kä om men sä.

2 KORIN 10:2 Referans Kwoze

2 KORIN 13:10

Kei naw shin ah ng’daut ne ca ka ning pet law gui ah mawng cu; kei ka gawk law ung Bawipa ah na pet ah huham cu ak ghaat ah kä ka mang vai ah phäh ah kyak ci. Cun ah huham cu nangmi ning m’küi m’khän nak gui vai ah kyak ci, ning m’shukchaak nak gui vai ah kä kyak ci.

2 KORIN 13:2

Ak hinh vei nak ka law yah ung, katnak bik ci gui la chang a hei gui am,” cän kawn ah ka law ba ung kä ka ning m’düm gui khai nei”, cine, kam cäi gui ah mäih ah, tuhbäi phi a sho nak ah om netah khän ne ka ning m’cäi ba gui mä ci nei.

ROMAN 8:5

Hnicim chang nupuk nah ne ghing ciah chang gui cu, hnicim chang ah ng’yak hlü bängbäng ngaih-tüh ci gui, Mumcha ah m’cäi m’ä ah ghing ciah chang gui cu, Mumcha ah ng’yak hlü bängbäng ngaih-tüh ci gui,

ROMAN 8:1

Cun ah kya sei Jesuh Khrit ung kawng ät ne om ciah chang gui cu Khanpughi ah shet m’kat nak phiawn nak ci gui.

ROMAN 8:4

Khanpughi naw cun ah abi cu hnicim chang nupuk nak ciah kä kya ne, Mumcha ung ghing ciah, mikmi naw thukhän ah ng’düng sei mi läk vai ah hmawk ah kyak ci.

2 KORIN 1:17

Cun ah ka ngaih cu kam lung hnih ah ng’pai sei ang Cun ah ka k’bäi cu ka mät bäng ah ngaih ah kyai khai bawk ang? Atäng düt ah “ä ä, ka ka” ka ciah kyak khai ang?

2 KORIN 11:21

Keimi naw nang mi ah maa ah shin ah mäih gui kä ka mi bi hning ah mawng cu ng’aa pipi ne ka pyein ci nei.