2 KORIN 1:8 - Cho Bible Common Language 2016

⁸ Phäinau gui aw, Asia kho ah ka mi aut ah yaica nak ah mawng cu ka ning m’htein gui hlük ci. Cun ah yaica nak cu däm ne gih aih khätah, ghin nak hngaw kami hnu ng’hlah tak ci nei.

2 KORIN 1:8 Referans Kwoze

1 KORIN 15:32

Kei cu hnicim chang ah ng’yak hlü düt yum ne Ephesus gawnu ah “kawng khawm” gui awn kami ng’toh vai sü ung, kei naw a i ka cik khai sü ang? Sik ci gui tho ne ghing ba khai gui ah kä ah kyak ung läi “Ngawi ung mi si lawk khai kya sei, ei ne aw ne mi om düt kaw.”

1 KORIN 4:8

Nangmi cu nami ng’yak hlü päng kumbe pyi ne maa! Nami ng’büh mang ei pyi ci maa! Keimi hnaw ghangpughang ah kä kya u ngä sei, nangmi ghangpughang ah nami kya pyi ci maa! Nangmi cu akcang ah ghangpughang ah nami kyak vai ka ng’ya hlük ci, cun ung vah keimi phi nangmi awn a täng ah ghangpughang ah kami kya tuk khai.

1 KORIN 16:9

A cu ah kei na hnu ng’tuk püi ci akda om pang sei phi, a khuut bi nak vai a khin akni om ci nei.

1 SAMUEL 27:1

David cu amät ng’htau ne, “Khaw hnüüp ät ung Saul naw na ngawn khai. Kei ah phäh ah aknipi cu Philistin ah phyawn vai ah hteh vai ah kyak ci. Cun ung Saul naw Israel khaw ung ana shui m’lung si khai, cun ung kei ka phyawng khai.”

1 SAMUEL 20:3

Cun ung phi David naw, “Nang naw kei a i hlawk ah na na m’hni cu na pa naw hmat ci, a bi vai a pawng püi cu kä na hmat tu vai ah ani naw k’bäi ci nei, a i ah kyasei ci ung nang ang htei ah na thüi khai kiasei. Ghing ciah Bawipa ung ng’tam ne ka ning pyen nak cu, kei sih nak ung ka gawk vai m’khan ät bäng nei hlü ba ci!”

LAMKTU 2:9

Mik mi cu Parthia, Media, lah Elam; Mesopotamia, Judea, lah Kappadocia,

LAMKTU 16:6

Ngami cu Phrikia la Kalatia kho cu phlän ne hteit ci gui, a i ah kyasei ci ung Asia kho ung thu ami pyein vai ah Mumcha Theing naw lam kä m’shüm gui ci.

ROMAN 1:13

Nami shüm ba vai nei, phäinau gui aw, nangmi ah om nak ah ka lawk khai ah akda vei ka pawng ci nei, cun ung phi apipi cüngvawn nak om ci, changpakhui hei gui ah lung ah ka bi nak ung ami ng’hlah law nak a om ah mäih ah nang mi ung phi a om vai ah ka ng’ya hlük ci nei.

2 KORIN 1:9

Kami mät naw kami mät sih nak ung kami gawk ciah kami ngai ci. Cun ah a kyak cu keimi naw, kami mät kä ngaih u, u ne, ak si thawh ba sak ciah Khanpughi kami ngaih u vai ah hmawk ah kyak ci.

2 KORIN 6:9

kä mingthang ciah kami kyak ung phi chang van naw na hmat gui ci; ak si ah kami kyak ung phi, nami hmuh a mäih ah kami ghing ci. M’kyuk nak kami gah ung phi a u naw kä na ngawn gui ci.

LAMKTU 19:41

Cun ah thu pyein netah gawnu ca k’gu naw, chang gui cu tüi ba gui ci.