2 KORIN 1:4 - Cho Bible Common Language 2016

⁴ Ani naw yaica nak phung ung nam htei gui ci, cun ah kyasei Khanpughi ung mi gah cun ah m’htei nak awn, yaica ciah chang gui cu mi m’htei tu hning ci nei.

2 KORIN 1:4 Referans Kwoze

1 THESSALONIAN 5:11

Acun ah kyasei tuhbäi nami bi ah mäih ah tumat la tumat k’thagui nami ng’peit tu vai, nami ng’hteihtang tu vai nei.

ISAIAH 51:12

Bawipa naw pyen ci, “Thagui ning k’be gui ci cu kei ah ka kyak ci. Khumghaw hlawk düt ah ghing hning ne, si thei ciahchang cu, a i vai nami kyih ang?

ISAIAH 40:1

Nami khanpughi naw pyen ci, “Ka chang gui m’lung üp sak gui ä,” “M’lung üp sak gui ä!

SAM 32:7

Nang cu ka ng’thuh nak ah na kyak ci; Nang naw khüikhai nak ung na na hun khai; Na hun nak ah mawng m’lau ne ng’äi ka m’cu khai, cun cu na na shungvong ah hmawk ah kyak ci.

HEBRU 12:12

Cun ah kyasei cüüm ciah nami kut cu m’cün u ne, gho ciah nami m’khuuk cu khüi sak vä.

JOHAN 14:18

“Kei ka hteh law ung nami mät kä ka ning nawng gui khai,

JOHAN 14:16

Kei naw Kapa ah kang yoih ung, Kapa cu nangmi awn a täng ah om ne nangmi ning m’htei gui khai cu tüi law hnga khai. Ani cu Khanpughi ah a mawng cacim awn m’dang ciah Mumcha Theing ah kya ci.

ISAIAH 12:1

Chang gui naw ng’äi ami m’cu nak vai ah hnüüp cu gawk lawk ci nei, “Ka ning m’tam ci nei, BAWIPA! Nang cu kei ah khan ah na m’lungshe te ci, Cun ung phi tuhbäi, kei na na shungvong ci, nang kä na m’lungshe ba ci nei.

JOHAN 14:26

Kapa naw kei ah ming awn a tüih law ah ning m’htei gui ciah Mumcha Theing naw a päng avan ning m’thei thang gui ne, kei naw ka ning m’thei thang gui phi avan ning shüm ba sak gui khai.

ISAIAH 52:9

Zei ne m’lau vä, dishum ciah Jerusalem! Bawipa naw a mang gaw cu ngäng ne, a chang gui cu shungvong khai nei.

SAM 32:5

Na ma ah ka katnak gui cu ka ng’yu ci nei; ka cheishoh nak cu kä ka m’zih ci nei. Katnak ka ng’yu khai ah ka k’bäi kawn ah ka cheishoh nak avan na na m’geinsei ci nei.

1 THESSALONIAN 4:18

Cun ah kyasei shin ah ng’thu awn tumat la tumat k’thagui nami ng’peit tu vai nei.

2 KORIN 7:13

Cun cu dang sei keimi cu kami k’thamah ci. Kami k’thamah bäng ah kä kyak ciah Tutus cu m’hteihtang uk ci sei, ani a yeikyai cu hmuh u netah, ang htei ah kami yei kyai ci.

ISAIAH 51:3

“Kei naw Jerusalem la acun ung om ci gui avan am chihna nak ka m’dang khai. Ani ah kho cu khong’gau ah a kyak ung phi, Eden ung ka geit ah dum ah mäih ah, kei naw dumah ka pyang khai, Zeikianak la hüithaw nak aca ah om khai, cun kawn ah kei ung zeikianak ah ng’äi lah m’tamkhah nak kei ung om khai.

SAM 86:17

Bawipa, na ni nak cu saksi awn na m’dang ä; m’lung üp nak la m’hteihtang nak na na pek cu ami hmuh ah akyak ung, kei na thüi nak ci gui cu lü khai gui nei.

SAM 66:16

Khanpughi m’kümto ciah chang gui, law ne ngai law vä, kei ah hmawk ah abi gui cu ka ning m’thein gui khai nei.

ISAIAH 49:10

ngami cu kä cawi phung, kä gha phung khai gui. Ngami m’hni gui ci naw lamshüm gui ci kya sei, khohni ling la khong’gau kholing naw kä nat sak gui khai. Ani naw tuilawng gui ah om nak ah hteh pui gui khai.

PHILIPPIAN 1:14

Kei cun ah thawng ung ka kyum ah hmawk ah phäi nau gui akda pi naw, Bawipa ami yum nak cu khängtek law pi ci. Cun ah kya sei ng’thu, amshah ung Khanpughi ah ng’thu ami pyein nak ung ngahmi cu kä kyikyawk ne k’thamah law pi ci gui.

2 KORIN 7:4

Nangmi ka ning ngaih gep gui ci, nang mi ah phäh ah ka längtang ci! Zaica nak a i chü a om ung phi, kei cu k’thamah ne ang htei ah ka yeikyai ci.