2 KORIN 1:12 - Cho Bible Common Language 2016

¹² Keimi ung m’lung ngaih theing awn khähghah nak vai tumat om ci, cun cu khodek khan ah ghin nak ung, ak tung pi ah, nangmi awn ng’khuihphaa nak ung chang ah cüivai nak awn ah kä kyak ciah Khanpughi ah hlüngtai ciah m’gein nak ung, Khanpughi ah na peit gui ah m’lung theing awn kami pawngpüi bilawh ah kyak ci.

2 KORIN 1:12 Referans Kwoze

1 KORIN 2:13

Cun ah kyasei Mumcha gah ci gui am, Mumcha düng nak ah mawng m’dang ne m’thein nak gui ung, keimi naw hnicim chang ah m’theithang hmuhmat nak ah ng’thu cu kä kami pyein ci, Mumcha ah m’theithang nak ah ng’thu cu kami pyein ci. Keimi naw Mumcha düng nak kami m’theithang nak ung Mumcha om pyi ciah chang-am vah kami m’thei ci.

2 KORIN 2:17

Keimi naw a hei chang gui ah so ah, Khanpughi ah ng’thu cu, a phu k’yän khawhchaam ah mäih ah kä kami sumlei nak ci: Khanpughi naw ana tüih gui ah kyasei, amaa ah ang thu cu, Bawi Khrih chang shäm ah kya ne ng’düng sei kami pyein ci.

1 THESSALONIAN 2:10

Nangmi cu keimi ah saksi ah nami kyak ci, Khanpughi phi saksi ah kiak ci; a i ah kyasei ci ung keimi cu yum nak om ciah nangmi awn mi ng’hmuhteng nak ung shetkat nak kä om ne ci cim nak la düng nak om ci.

1 PETER 3:21

Tui cicu tuhbäi nangmi ning hun gui ciah tuihniim nak ah kiak ci. Tuiniim nak cicu pumsa alelawi m’sipyou ah kä kyak ci, m’lung ngaih ni awn Khanpughi ah shaitaak nak bi ah kyak ci. Bawipa Jesuh Khrit sih nak ungka a thawh nak ba awn, tuiniim nak awn hun nak nami gah ci.

HEBRU 13:18

Keimi ah hmawk ah angtäi sei nami taigü vai nei. Keimi naw kami m’Lung kyong theingcim ciah akcang ah kami hmat ci. A i ah kiasei ci ung keimi cu angtäi sei ng’düng ci bäng kami bi nak hlü ah hmawk ah kyak ci.

2 KORIN 8:8

Shin cu ka ning khänkhi gui ah kä kyak ci. Chang gui ah peittaak m’hteintang nak ah mawng ka ning m’thein gui cu nangmi ah m’hni nak akcang, ah hmat vai ah phäh ah kyak ci.

2 KORIN 4:2

Keimi naw m’yih vai la lü ng’aa nak vai cu kami nawng shüt ci; keimi cu kä kami thuvi ci, Khanpughi ah ng’thu phi hleei ne kä kami pyein ci. Keimi cu Khanpughi ah maa ah düng ciah akdei ung ghing u ne, chang gui ah ni kyom nak vai ah k’tha na ne kami bik ci.

1 KORIN 15:10

Cun ung phi Khanpughi ah m’gein nak awn kei ah ka kyak ci, kei am a na peit ah cun ah m’gein nak cun phi a kholä ah kä kyak ci. Kei cu a hei ang düihpüi gui ah ta k’tha nah pi ne khuut ka bik ci. Cun ah ka bi cu ka mät ah k’tha gui awn ah kä kyak ci, kei ung om ciah Khanpughi ah m’gein nak awn ah kyak ci.

LAMKTU 24:16

Cun ah kyasei kei cu Khanpughi ah ma, chang ah ma ah, kam lung kyong theing cim khai ah angtäi sei ka k’tha nak ci.

LAMKTU 23:1

Paul naw kawngsi ng’vai gui cu kheing ne teng gui netah, “Israel phäi nau gui aw, Kei cu tuk ngawi ung khüt sei, ka ghin na chuih Khanpughi ah ma ah kam lung kyong theingcim sei ka bilo om ih ci nei” cine pyein ci.

JOB 13:15

Ka ngaih u nak avan maih pii ci, Khanpughi naw ana ngawn ung a i ah kyak khai aw? Kei naw ka mawng cu ani am ka m’thein khai nei.

1 PETER 3:16

Cunung phi ng’awi ng’gi nak la chang m’sui nak awn nami bi vai nei. Nami m’lung cu theing sak vä, cun ung bawi Khrit ah chang ah kia ne, akni nami bi lawh, ning päipih gui ciah chang gui cu, thui ng’aa khai gui nei.

1 TIMOTHI 1:5

Cun ah khäntam nak ah a mawng cu, theing ciah nikiom nak, ciim ciah lung ngaih la ng’khän ciah yum nak cu, thawhlet sak nak hlü ah kia ci.

PHILIPPIAN 1:10

Cun ah kya sei nangmi naw ak ni pi cu nami ghü hning khai nei. Cun ung vah nangmi cu Bawi Khrit a law ba hnüüp ung, m’kat nak kä om ciah kä theingthap nak cu nami phiawn nak khai.

EPHESIAN 6:14

Cun ah kyasei khüi ne nami ng’düih ge vai nei, thu thuuk ah kyak ciah m’ciu vawp u ne, düngdau nak ah kyak ciah saphaw k’bah u ne,

KALATIAN 6:4

Ak chang sing naw amät ah bi cu amät naw am htei vai. Abi cu nik ciah a kyak ung, chang hei ah bi awn kä m’tumtäng-en ne, amät ah bi ung amät ang yum vai.

2 KORIN 11:3

Eve cu k’phyu naw theileh ne am hleeihlak ah mäih ah — nami m’lung cu ng’gogan sei, Bawi Khrih yum ne nami ap nak ang chei vai ah kan ng’ä ci.

2 KORIN 1:17

Cun ah ka ngaih cu kam lung hnih ah ng’pai sei ang Cun ah ka k’bäi cu ka mät bäng ah ngaih ah kyai khai bawk ang? Atäng düt ah “ä ä, ka ka” ka ciah kyak khai ang?

1 KORIN 5:8

Cun ah kya sei katnak la cheishoh nak ah kyak ciah k’caw ak pyim shumah m’htut awn ah kä kyak ciah ng’cim nak la ng’düng nak ah kyak ciah k’caw kä shum ah m’htut awn phiawn nak pawi cu mi bik khai nei.

1 KORIN 4:4

Kei ah kam lung kyong cu theingcim ci, cun cu kei ung kat nak kä om ciah ka pyein na kä kyak ci. Kei nam khoichak ci cu Bawi tumat bäng ah kyak ci.

ROMAN 9:1

Kei naw akcang ka pyein cu; kei ung Bawi Khrit om ci kya sei kei kä ka hleei ci. Mumcha Theing ah uknak awn om ciah kam lung kyong naw kei kä ka hleei ah mawng cu dang sak ci.

ISAIAH 38:3

“Na shümbaä, Bawipa, kei naw bekhüt nak la düng nak awn nabi ka bik ci nei, nang naw ka bi vai ah na ng’yak hlü gui cu k’tha na ne ka bik ci nei,” Cun ci neta ani cu aktä ah kyap ci.

JOSHUA 24:14

Tuhbäi cun kawn ah, Joshua naw k’täi ne, “Bawipa cu m’tamkhah ne kyäp nep nak la bekhüt nak awn abii nami bi vai. Egypt la Mesopotamia khaw ah nami pupa gui naw ami khawihnah man ah khanpughi gui cu nami phyawn nak gui vai, Bawipa bäng ah khut nami bi vai.

JAMES 4:6

Cun ung phi Khanpughi ah na peit gui ah chimgein nak cu khüighaat ba pi ci nei. Cacim theing naw, “Khanpughi naw chang ah ng’shei ci gui cu hnu nah gui ne, m’lung neim sak ci gui cu, chimgein nak pe gui ci nei,” ciah a pyein ah bä nak ah kyak ci.

TITUS 2:7

Na mät cun phi a mawng ama avan ung chang ah ning thei nak vai ah na hnün om vai nei. Htinling ne ak küikyang ah nam theingthang vai nei.

1 KORIN 1:17

Bawi Khrit naw tuihniim nak ka pek khai ah ana tüih ah kä kyak ci. Thu Ni ka pyein khai ah ana tüih ah kyak ci. Cun ah kya sei hnicim chang ah hmuhmat nak ah thu kä pyein ne, kutlam tung ung Bawi Khrih ah sih nak ah hlüngtai nak kä a häu vai ah cun ah Thu Ni bäng pyein vai ah kyak ci.

1 KORIN 12:8

Mumcha Bawi naw chang tumat am kümbe ciah cüivai nak awn pyeinsak nak cu pek ci, acun ah Mumchabawi bä naw, a hei chang tumat am kümbe ci hmuhmat nak awn thuuk ne ng’kau ci pyeinsak nak thei cu pek ci.

2 SAMUEL 22:22

Kei naw Bawipa ah thukhän ka läk ci; Khanpughi kä ka ng’hlah tak ci.