2 JOHAN 1:9 - Cho Bible Common Language 2016

⁹ Bawi Khrit ah m’theithang nak ah kyong ah kä om ne, ak pung ah om ciah chang ung Khanpughi kä om ci. Bawi Khrit ah m’theithang nak kyong ung om ciah chang cu Apa la A Htapa ani nik hnih ah om nak ah kyak ci.

2 JOHAN 1:9 Referans Kwoze

KOLOSE 3:16

Apäng ah bämang pi k’bäih ciah Bawi Khrit ah ng’thu cu nami m’lung kyong ung khäng ne om sä. Cüivai lunglang nak avan nawn tumat naw tumat cu m’theithang m’cäi ä sei om vä. Nik ciah ng’äi gui, hlim ciah ng’äi gui, theing ciah ng’äi gui m’cu ne, nami m’lung kyong kui ne, Khanpughi cu m’hlüngtai vä.

1 JOHAN 1:3

Keimi naw kami hmuh la kami ng’yak cu nangmi am kami ning shäu gui ci. Cun ah kyasei keimi cu Pa Khanpughi la A Htapa Bawi Jesuh Khrit awn kami pui m’ca ah mäih ah nangmi cu kei mi awn a täng ah nami pui m’ca tuk khai nei.

LAMKTU 2:42

Ngah mi cu ang düihpüi gui ah ng’thei thang tu u neh a täng ah ip om u neh, a täng ah ei awh u neh, a täng ah k’tai gü u neh, mü pyang ci gui.

TITUS 2:10

kä ami m’guuk-en vai. Cun ah kä kya ne, ami nikiom nak la ami bekhüt nak ah mawng ami dang sak vai. Cun ung vah ngami cu ami bilawh nak phung ung, Hunbawipa Khanpughi ah mawng m’theithang nak cu dang law sak pi khai gui.

JOHAN 15:6

Kei ung kä om cicu k’set ne ghawh ah ang ban chawng ah mäih ah kiak ci. Chang gui naw cun ah ang ban chawng gui cu k’bum ne mei ung m’khih u seih, mei naw ui yawp ci.

JOHAN 14:6

Bawipa Jesuh naw, “Kei cu lam ah ka kyak ci, thutak ah phi ka kyak ci, ghin nak ah phi ka kyak ci, kei ung kä hteit ciah chang phung cu Kapa ah om nak ah kä gawk khai.

JOHAN 5:23

Cun ah kyak sei Apa kyih-aa ah mäih ah A Htapa phi chang van naw a kyih aa vai nei. A Htapa kä kyih aa ci cu, tüi lawk ciah Apa kä kyih-aa ciah kyak ci.

LUKA 10:22

Kapa Khanpughi naw a päng avan na pyi ci. A Htapa cu a u ciah hmat cicu Kapa ah kawn ah a u kä om ci. Kapa cu a u ciah hmat ci cun phi A Htapa la A Htapa naw m’dang khai ah a ghü ah chang ah kawn ah a u kä om ci.

HEBRU 6:1

Cun ah kyasei mikmi cu, khritha ah ng’tün nak a mawng ama gui cu hmuhmat yawp ne, thuuk ciah m’theithang nak ma lam ah mi hteit khai nei. Tün nak ah a mawng gui cu kami ning m’thein gui pyi ah kiasei, leng ne ng’thei ba vai kä hlü ci, kä bä cicu nawng ne Khanpughi yum vai cu nami hmat pyi ah kyak ci.

HEBRU 3:14

Mikmi cu ak htük ah mäih ah a khüt nak ung khüt sei, khäng ciah ngaihgep a om ah a kyak ung Bawi Khrit awn bilo ghawm ciah chang ah mi kyak ci.

MATTHE 11:27

Bawipa Jesuh naw, “Kapa naw a päng avan na pe pyii ci, Kapa ah kawn ah a hta hmat ci, a u kä om ci. A hta la a hta naw am dang gui ah chang ah kawn ah apa hmat ci a u kä om ci.

JOHAN 8:31

Bawipa Jesuh naw yum ciah chang gui-am, “Nangmi cu kei ah kang thu yum ne, nami bi ung kei ah kang düihpüi ah nami kyak ci;

3 JOHAN 1:9

Kei naw khrithabum-am ca gu ne ka pek ci, cun ung phi ami ng’vaihta Diotrephes naw kei ah thu cu kä ngai ci nei.