2 JOHAN 1:10 - Cho Bible Common Language 2016

¹⁰ Shin ah m’theithang ah mäih ah kä m’theithang ciah chang a gawk law ah a kyak ung, nami im ah kä nami dou en vai, ‘Nang ung dimdeeih nak om sä,’ cine phi kä nami pyein en vai.

2 JOHAN 1:10 Referans Kwoze

TITUS 3:10

Ng’phyeek ng’pai nak bik ciah chang cu, hnih vei nami m’cä kawn ah, api ah phi kä nami ng’gui ng’phaa püi ba vai nei.

2 THESSALONIAN 3:6

Phäinau gui aw, Bawipa Jesuh Khrit ah ming awn thukhän kami ning peit gui cu, damduh ciah khritha phäi nau gui la, keimi ah m’shümthein nak kä läk tuk ciah chang gui cu, kä nami kawng ät püi gui vai.

2 THESSALONIAN 3:14

Shin ah kami ning m’khäh law gui ah ca ung ning m’cäi nak gui ah ng’thu kä läk tuk ciah chang cu, m’hnüt u netah, kä ng’gui ng’pha püi ne nami nawng vai nei, cun ung ani cu lü ng’aa khai nei.

1 KORIN 5:11

Kei naw ka pyein hlü cu kei khritha nei ci netah pletbeng ci gui, ng’yak hlü nak aih om ci gui, a gup hkawihnah ci gui, m’thüikhang ci gui, awktat ci gui, la m’guk ci gui awn kä nami kawng ät vai ah ka pyein ah kyak ci. Cun ah chang gui awn atäng ah ei awk vai ah ngoh ah phi kä nami ngoh en tu vai.

2 JOHAN 1:11

Ani ana dou ciah chang cu ani ah paw ah kya law ne, shetkat nak bi tuk ciah chang ah kyak ci.

1 KORIN 16:22

A u chang phi Bawipa kä m’hni ci phung cu — kyuk sä! Marana tha — Kami Bawipa Kyum law ä!

SAM 129:8

Ani sun pah ciah chang naw phi, “Bawipa naw hriham ning pe sä! Bawipa ah ming ung hriham kami ning pek ci nei” kä ci phung khai gui.

ATÜNNAK 24:12

Ani naw, “Ka Bawi, Abraham ah Khanpughi, kei am näng nak na yuk pe ne, ka bawi am na shaitak kümbe sak ä.

1 GHANGPUGHANG GUI 13:16

Cun ung phi Judah ah prophet naw m’shang ne, “Nang awn a täng ah na im ah kä ka hteit tuk khai, nang ah na khinchah nak phi kä ka dou khai. Shin ung a i phi nang awn a täng ah kä ka ei awk khai,

LAMKTU 15:23

Ngahni am ca tumat gu ne m’kan goi ci gui, cun ah ca cu: “Na mi phäi nau gui ah kya ciah, ang düihpüi gui la ang vai gui naw, Antiok gawnu, Siria kho la Cilicia kho ung om ci gui ah chang pakhui hei khritha gui am yeikyai ne ca kami ning pe law gui ci nei.

3 JOHAN 1:10

Kei ka law ung ani ah bilawh gui phung cu ka ning m’thein gui khai nei. Ani naw mikmi cu kä na yei nah gui ne, nam hleei gui ne thu pyein ci nei. Cun bäng ah kä kyak ciah, Khritha phäi nau gui ami law ung kä dou gui ci, dou gui hlük ciah chang gui phi maa nah gui ne, khrithabum ungka k’täm gui vai ah phi k’tha nak ci nei.