2 GHANGPUGHANG GUI 8:9 - Cho Bible Common Language 2016

⁹ Cun ah kyasei Hazela naw kalauk phlikip ung, Damaskas ung ami pyan gui akni pikbäih gui cu taih ne, Elisha ah hteit ci. Hazela naw ani cu hmu law neta, “Na changshäm Ghangpughang Benhadad naw, kei cu na tüi law ne, ani a gaw nak ungka agai law vai, kä a gai vai ah mawng cu na ng’shi sak ci nei” cik ci.

2 GHANGPUGHANG GUI 8:9 Referans Kwoze

PHILIMON 1:14

Cun ung phi kei naw nang ning hnem ne, nak püi vai ah kä ka ng’ya hlük ci, na mät naw nam hni ah na bilawh vai ah ka yum ci. Cun ah kyasei nang naw kä na yum tu cu kei naw api phi kä ka bik khai.

2 GHANGPUGHANG GUI 16:7

Ahaz naw Assirian uktu Tiklath Pileser am chang tüi ne a pyen cu: “Kei cu na ngaih gep ah changshäm ah ka kyak ci. Siria la Israel ghangpughang gui naw kei law ne na tu lawk ci gui nei, law ne na gung law ä.”

2 GHANGPUGHANG GUI 13:14

Prophet Elisha cu gawpyam ne ng’yän ci. Ani si hlü ne ang yän yah ung Israel ghangpughang Jehoash cu om law tuk ci. Ani naw kyap neta, “Kapa, Kapa! Nang cu m’gäi ne, Israel ghung ciah na kyak ci nei!” cik ci.

2 GHANGPUGHANG GUI 6:21

Israel ghangpughang naw Sirian gui cu hmu law gui neta Elisha cu ng’shik ci, “Bawi aw, shin gui ka ngawn gui vai ang? Ka ngawn gui vai ang?”

2 GHANGPUGHANG GUI 5:13

A changshäm gui naw a om nak ah law u neta ami pyen cu, “Prophet naw khak khai a ning bi sak ung phi nang naw na bi vai kyak ci, tuhbäi na mät tui ung ng’si ne na gai vai ah a pyen ah phäh ah a i ah kä na bi hning vai ang?”

2 GHANGPUGHANG GUI 5:5

Ghangpughang naw, “Israel ghangpughang ah hteit ä, shin ah ca hteh püi ä” cik ci. Cun ah kyasei Naaman naw ngui pit phia phia thumkip, ghui pit phia phia chukkip la sui k’ni ng’yung gha hteh püi ne hteit ci.

1 GHANGPUGHANG GUI 19:15

Bawipa naw pyen nak ci, “Damaskas ah pei bungnu ah hteit ba ä, cun kawn ah mang gaw ung lut ne, Hazela cu Siria ghangpughang ah hmoh ä;

1 SAMUEL 25:8

Ngami cu na ng’shi gui vai, ngami naw ning m’thein khai gui. Pawi hnüüp ung keimi kami lawk khai. M’gein nak awn na na dou gui vai ah David naw ning thäh ci nei. Na na changshäm gui la na teihpui David ung a i ah na bi hning cu na m’thein gui ä.”

1 SAMUEL 9:7

“Ani ah ni hteh ah a kyak ung, a i ni pek khai ang?” cine Saul naw ng’shik ci. “Ni ng’ip ung ei vai k’pawih ci kä om ba ci, a hei ni peit vai a i kä om ci, a i baw om ne ma?”

1 GHANGPUGHANG GUI 15:18

Cun ah kyasei ghangpughang Asa naw Taigüim la mangim ungka ghui la ngui gui avan cu la neta a bawi gui am hteh püi sak ne Damaskas ah Siria ghangpughang Benhadad, Tabrimmon ah hta, Hezion ah tu am, shin ah ng’thu awn m’khah ne thak sak gui ci.

1 GHANGPUGHANG GUI 14:3

Ani ah phäh ah m’htut pum gha, keik m’htut gui la khoi tui um ät na hteh püi vai. Mi hta ah khan ung a i ah kya lawk khai cicu na ng’shi vai, ani naw ning m’thein khai.

2 GHANGPUGHANG GUI 1:2

Israel ghangpughang Ahaziah cu Samaria ah mangim ah akhuih khan kyak ung ng’kya ne aknui ah leim ci. Cun ah kyasei ani naw ng’shächang gui cu Ekron mang gaw ah tüi gui ne, a gai vai la kä a gai vai ah mawng, Philistin gui ah khanpughi Baalzebub cu ng’shi sak gui ci.

THUSHÄUTU 3:6

Ani naw m’hnü ci, Shui ne hmuh nak ah a khin om ne, a maih nak ah khin om ci; M’cun m’seh nak ah a khin om ne, fih ghawh nak ah khin om ci.