2 GHANGPUGHANG GUI 8:4 - Cho Bible Common Language 2016

⁴ Cun yah ung ghangpughang cu Elisha ah changshäm, Kehazi awn ng’htau ci goi: Ghangpughang naw Elisha ah cäiaih vai gui abi cu hmat hlük ci.

2 GHANGPUGHANG GUI 8:4 Referans Kwoze

LAMKTU 24:24

Kho hnüüp a pi shou law khätah Felix cu ak chu Drusilla awn atäng ah lawk ci goi. Drusilla cu Judah hnumi ah kyak ci. Felix naw Paul cu khü sak gui netah, Bawi Jesuh Khrit yum nak ah mawng a pyein gui cu ngai ng’yak ci.

JOHAN 9:27

Ani naw, “Hnü ät ka ning m’thein gui pyi ci, kä nami ngai ci, a i ah kyasei nami ng’yak ba hlü mä ang? Nangmi mä ani ah chang ah nami kya tu hlük ci ma?” cine ng’shi tu ba gui ci.

LUKA 23:8

Herod cu Bawipa Jesuh hmu law netah, ang htei ah yei ci. Ani cu Bawipa Jesuh ah mawng ng’ya pyi ci kya ne a hmuh nak hlü phi shou lawk ci. Ani cu cäi aih vai gui, Bawipa Jesuh naw abi ung teng tuk khai ah ngaih u ci.

LUKA 9:9

“Kei naw Johan ah lu ka m’chün pyi ci, tuhbäi a ming ka ng’yak ah chang cu a u ang?” ci ne Bawipa Jesuh cu a hmuh vai ah k’tha nak ci.

MATTHE 2:8

Cun ah ghangpughang naw, “Nangmi hteit ne ak hmaw cu nami hmuh vai ah nami shui vai, nami hmuh ung nami nam thein law ba vai, kei phi hteit ne ka khawihnah tuk khai,” cine m’cäi gui ci.

2 GHANGPUGHANG GUI 7:10

Cun ah kyasei ngami naw Sirian phung cu hteh ta u ne, Samaria ah hteit ba u ne, m’kawt ung om ne gaw ngäng gui cu khü gui ci gui: “Keimi Sirian gui ah phung ah kami hteit ci, a i phi kä kami hmuk ci, kä kami ng’yak ci; ng’se gui la laa gui cu ami k’pawn ah täng ah om ci gui, k’pyu gui cu Sirian gui naw ami nawng ah täng ah om ci.

2 GHANGPUGHANG GUI 7:3

Kheilei ung gaw ciah chang phli cu Samaria gawnu m’kawt ah akpung ah om u ne ami mät ng’htau ci gui, “A i ah kyasei mikmi mi sih güt ung shin ung mi om vai ang?

2 GHANGPUGHANG GUI 7:1

Elisha naw, “Bawipa naw a i a pyen cu ngai ä! Ngawi ung a tuhbäi chü a khin ung, Samaria ung, cung htang ak ni pi pye thum käcung htang pye chuk cu ngui a phe awn na hleih khai nei” cik ci.

2 GHANGPUGHANG GUI 6:32

Cun kawn ah Elisha cu phak khai ah chang tüi ci. Cun sang ung Elisha cu ang vaihta gui awn a täng ah ngo ne im ah om ci. Ghangpughang ah chang tüih kä a gawk law pha ung Elisha naw angvaihta gui a pyen nak gui cu, “Chang ngawn ciah chang naw kei na ngawn khai ah chang tüi lawk ci nei! Tuhbäi, shin ung a gawk law ung, shoh khai ne, ani kyong ah kä nami luh en sak vai nei. Ghangpughang amät cu ani ah hnu ah gawk lawk khai nei.

2 GHANGPUGHANG GUI 6:6

Elisha naw, “A hawn ung ang ayu kyak vü?” cine ng’shik ci. Cun ah chang naw a yu kyak vü nak cu m’hnuh khäta, Elisha naw sing chüng ne, tui ung yuk sük ne, ghei cu ng’phon sak neta,

2 GHANGPUGHANG GUI 5:14

Cun ah kyasei Naaman cu Jordan tuinu ah hteit ne chih vei tui ung ng’hnim ci, Elisha naw a pyen ah mäih ah bik ci, ani cu akni ah gai ci. A sa cu a hmawhta ah mäih ah theek ne gai ci.

2 GHANGPUGHANG GUI 4:12

Ani naw achangshäm Kehazi am cun ah hnumi cu khü sak ci. Ani law khäta,

2 GHANGPUGHANG GUI 2:24

Elisha naw ng’hlah shi gui ne, angküi ah teng gui neta, Bawipa ah ang ming ung taam gui ci. Cun kawn ah sing ghing hmu ah ka khawm anu goi lut law ni ne a hmaw phlikip-lei goi cu phyit ne htui gui ci.

2 GHANGPUGHANG GUI 2:14

Ani naw Elijah ah suinu awn tui that neta a pyen cu, “Bawipa, Elijah ah Khanpughi cu a hawi ang?” Ani naw tui cu that ba mä ci.

2 GHANGPUGHANG GUI 8:3

Khokum chih ng’pyi law khäta, Israel ah law ba ne, ghangpughang ah hteit ne a im la a lo ami pet tuba vai ah k’thäh ci.

2 GHANGPUGHANG GUI 4:25

Cun ah kyasei ani cu pawng ne, Elisha ah om nak Karmela M’htung ah hteit ci. Elisha naw ani a law cu aksho nak ah ka naw hmu neta, achangshäm Kehazi am, “Teng ä, Shunem ah ka hnumi lawk ci nei!