2 GHANGPUGHANG GUI 8:1 - Cho Bible Common Language 2016

¹ Tuhbäi Shunem ah ka hnumi, ani naw a hta a ghin ba sak am Elisha naw a pyen nak cu, khaw avan ung Bawipa naw khoyaw tuishet nak tüi lawk khai, cun cu kum chih lüng khai, cun ah kyasei hnumi naw akyongchang gui awn a täng ah a hei ah hteit ne ami om vai,

2 GHANGPUGHANG GUI 8:1 Referans Kwoze

HAKKAI 1:11

Kei naw khomdekkhan ah khaw käu nak ka yuk chah khai — khogui, khomhtung, loma lai ma, oliv-loma — m’dek ung tho ciah geit avan ah khan — chang avan, khisa avan, ah khan la nami geit nü ah khan ah.”

SAM 105:16

Bawipa naw ami kho ung kho zaw sak ci, ami ei avan maih sak ci.

RUT 1:1

Suki gui naw ami uk sangung, cun ah kho ah kho yaw ci, Judah khaw Bethlehem ah ka chang tumat cu Moab khaw ah im tuk khai ah hteit ci, amät, akchu la a hta goi ni hteit ci gui.

2 GHANGPUGHANG GUI 4:18

Khokum sho hta khäta geit khäm khin ung, khongawi ät ung a hmaw cu, geit khäm ci gui awn a täng ah loma ah om ciah apa ah hteit ci.

ATÜNNAK 12:10

Cun sang ung Kanaan khaw ah khaw yaw tuishek ci. Sheka law aih khäta Abram cu a htumtäng Egypt khaw ah a shäng om tuk khai ah hteit ci.

LUKA 4:25

Ka pyein cu ngai vä, Eliah a om yah ung Israel kho ung hmeinu akda om man ci. Cun yah ung kho kum thum la avang ung kho ng’kyang sei chang gui cawigha geinvai ci gui.

1 GHANGPUGHANG GUI 18:2

Elijah cu hteit ci. Cun sang ung Samaria ung kho a käu cu akshe pikbäih ah kyak ci,

1 GHANGPUGHANG GUI 17:1

Kilead kho Tisbe ungka prophet Elijah naw Ghangpughang Ahab a pyen nak cu, “Kei naw a bii ka bi ah Israel gui ah ghing ciah Khanpughi, Bawipa ah ming ung, kei naw ka ning m’thein cu, kei naw kä ka pyen ba pha ah chuih, ma lam ah kum goi ung baw, kum thum ung baw k’daam phi kä bawk khai, kho phi kä aa khai.”

TAIGÜTHUM 26:26

Kei naw nami ei awk vai cu ka ning tukpit pe gui khai, cun ah kyasei hnumi gha naw ngami ung om ciah m’htut avan ami ng’shai nak vai ah meibum tumat bäng hlü khai gui. Ngami naw nän ne tei khai gui, cun avan nami ei yawp kawn ah phi nangmi cu nami cawi ba lä khai.

LAMKTU 11:28

Cun gui ungka Akabus ming nak ciah prophet cu Mumcha Theing ah thamah nak awn düi law netah khomdek khan avan ung kho yaw ne ei ng’geing khai” cine k’cä ci. (Ghangpughang Klaudius ah uk sang ung akcang ah kho yaw ne ei ng’geing ci.)

LUKA 21:22

Cun cu “Hmakat m’kyuk nak ah hnüüp” ah kyak ci, ciah cacim ung kaa ang dang law nak ah kyak ci.

LUKA 21:11

A kho päng ung ak nuipai ah shihpi ah thüng nak, ei awk ah maih nak, gawpyam ah ng’peeih nak gawk lawk khai. Kyihkyawk cäicat gui vai khankho ah dang lawk khai.

JEREMIAH 25:29

Kei naw m’dimshum nak ah bii cu ka mät ah mang gaw ung ka tün khai. Ngami naw kä m’kyuk gui vai ah ngai u ne ang? Kaa nei, khomdek khan ung chang avan am ng’tuk nak ka tüih lawk khai, cun ah kyasei ngami cu m’kyuk gui vai nei kei, m’gäi ciah Bawipa naw ka pyen nei.

SAM 107:34

A cun ung om ciah chang gui ah shetkat ah phäh ah ani naw ang lei ni cu m’sii m’dek ah kyak sak ci.

2 SAMUEL 24:13

Gad naw hteit ne, Bawipa ah ng’thu cu m’thein neta, ang shi cu, “Shin gui ungka a i ang a kyak kaw? Na khaw ung khaw kum thum ei khaw yaw khai, kä cung cha thum ung na ga gui kyih ne, na dawng khai, kä cung na khaw ung khaw hnüüp thum leigai sou khai? Tuhbäi ngai neta na m’hlan nak cu na m’thein ä, Bawipa ah a i pi hteh püi vai aw!” cik ci.

2 SAMUEL 21:1

David naw a uk yah ung khaw kum thum ung ei khaw yaw ci. Cun ah kyasei David naw a cun ah mawng cu Bawipa am m’thein ci, Bawipa naw, “Saul la akyong chang gui naw chang ngawn ci gui; Ani naw Gibeon chang gui cu sih nak ung tüi gui ci.”

ATÜNNAK 47:4

Shin ah khaw ah om tu vai ah kami lawk ci nei. Na bä ni, Koshen khaw hmun ung na om tu sak gui ä” cik ci.

ATÜNNAK 41:32

Leng ba ba ne na ng’mang nak cu, acun ah mawng cu Khanpughi naw m’düng ne, kä shou pha sei ang dang sak vai ah hmawk ah kyak ci.

ATÜNNAK 41:25

Joseph naw ghangpughang am, “Na mang goi hnih cu a mawng täng ci, Khanpughi naw a i a bi law vai a ning m’thein ah kyak ci.

ATÜNNAK 26:1

Abraham ah om yah ung khaw a shet ah mäih ah khaw she ba khäta, Isaak cu Kerara gawnu Philistin ghangpughang Abimelek ah om nak ah hteit ci.

ATÜNNAK 41:54

Joseph ah pyen ah mäih ah kho a shet nak ah kum chih cu ng’tün lawk ci. Kho päng ung kho shek ci, cun ung phi Egypt khaw ung ei vai om ba ci.

2 GHANGPUGHANG GUI 4:38

Hnü ät ung ami khaw avan ung ei vai maih sei Elisha cu Kilkal ah law ba ci. Ani naw prophet bum gui am thei gui yah ung, achangshäm am, k’am nu am kawm kyäng ne antui ami shon vai ah m’thein ci.

2 GHANGPUGHANG GUI 7:20

Cun cu ani ah khan ah akcang ah gawk lawk ciah kyak ci — ani cu sik ci, mang gaw m’kawt ung sik khai ah chang gui naw ami kai nak ah kyak ci.

2 GHANGPUGHANG GUI 8:2

cun ah hnumi naw ani ah beit cu ng’ngai ne, akyong chang gui awn a täng ah Philistin ah hteit ne khokum chih om tuk ci.

2 GHANGPUGHANG GUI 4:36

Elisha naw Kehazi cu khü neta, a hmaw ah nu cu khü sak ci. Ani law khäta a pyen nak cu, “Shin ung na htapa.”

AMOS 4:6

“Kei cu nami mang gaw gui avan ah khan ah leigai ka law püi ciah kyak ci. Cun ung phi nangmi cu kei ah kä nami law ba ci.