2 GHANGPUGHANG GUI 7:8 - Cho Bible Common Language 2016

⁸ Cun ah chang phli cu phung a hangleng ung gawk law u neta suisak gui ami hmuh cu hteh püi ne thup ci gui. Cun kawn ah ng’hlat ba u ne, a hei pyu ung mä lut ba ci gui, a cun ah mäih ah bi ba ci gui.

2 GHANGPUGHANG GUI 7:8 Referans Kwoze

MATTHE 13:44

“Khanpughi ah uknak kho cu shin ah mäih ah kyak ci, Chang tumat naw, lai ah phuh ne gimah khawh ng’peeih cu hmu netah, lin ne phuh ba shüt ci. Cun kawn ah yeikyai ne hteit ba ne, akhawh avan yoi yawp netah, cun ah lai cu khleih ba ci,” cine m’thein gui ci.

JOSHUA 7:21

Mi pha ah khawh gui ungka, Babilonian suinu akiom ng’yung ät, ngui pit goi, ghui tawn apit ah vang cu ka hmuk ci. Kei naw cun gui cu ng’ya hlü aih neta ka lak ci nei. Ka phung ah akyong täng ah ka phuh cu nami hmuk khai nei, ngui cu ak um ung om khai nei.”

MATTHE 25:18

Cun ung phi pit gha gah ciah chang cu ang thuh nak ung m’dek co netah a bawi ah ghui cu m’dek ung phuh ci.

JEREMIAH 41:8

Cun ung phi chang sing gha ng’bum ci gui naw Ishmaela ami pyen nak cu,” Nabä ni, kä na ngawn gui ä! Keimi ung cung htang, barli, olive-situi la khoitui lo ah kami thuh om ci nei, cik ci gui, cun ah kyasei ani naw m’hlawt gui ci.

2 GHANGPUGHANG GUI 5:24

Ngami cu Elisha ah om nak khomhtung ah gawk u neta, Kehazi naw ng’ip goi cu chang ne im kyong ah luh püi ci. Cun kaw ah ani naw Naaman ah changshäm gui cu tüi ba gui ci.

2 GHANGPUGHANG GUI 7:9

Cun kawn ah ngami cu ami mät gui ng’cengcäk u ne, “Shin ah kä mi bik khai! Mikmi ung thu k’ni om ci, a cun kä mi k’üüp düt khai. Mikmi naw khongawi güt kä pyen ne mi om ung na m’kyuk gui khai gui. Mikmi hteit ge ne ghangpughang ah bawi gui am mi m’thein gui khai nei!”