2 GHANGPUGHANG GUI 7:7 - Cho Bible Common Language 2016

⁷ Cun ah kyasei acun ah mühun ung Sirian gui cu a mi ghin phyawn nak vai ah ami k’pyu gui, ng’se gui, laa gui la ami phung cu a cun ah nawng shüt ne hteit ba ci gui.

2 GHANGPUGHANG GUI 7:7 Referans Kwoze

NG'THU K'THUUK~ 28:1

Chang shekha cu a u naw kä a gawt ung phi amät dawng ci, Cun ung phi düng ciah chang cu phongkawng ah mäih ah m’gäi ci.

HEBRU 6:18

Shin ah shaitaak la ng’phyun nak cu, käng thawnghlai hlawt ci la Khanpughi ah hleeihlak nak kä om hlawt ciah a mawng hnih ah kiak ci. Cun ah kyasei ani ung mi ng’yi ciah chang gui cu, ana peit gui ah ngaih u nak htek sei pan vai ah mi thamah lawk ci.

ISAIAH 2:20

Cun ah hnüüp a gawk law ung ghui la ngui ann ami pyan ah a gup gui cu ngami naw ghawt khai gui, k’bui gui la palak gui ah ng’lung ah nawng gui khai gui.

NG'THU K'THUUK~ 21:1

Bawipa naw ghangpughang ah m’lung cu k’pang ci. Tui hta lawng alon sak ah mäih ah ani naw ayäi ah m’shum thein ci.

NG'THU K'THUUK~ 6:5

Sakap ah cuun ungka luat ciah kha ah mäih ah, kigang ah mäih ah cun ah cuun ung na luat khai.

SAM 68:12

“Ghangpughang la a gakap gui cu dawng ci gui.” Im ah om shüt ciah hnumi gui naw ami khäm cu ng’pai ci gui.

SAM 33:17

Ng’tuk nak ah ng’se gui ung näng nak kä om ci, Bä ciah ami thagui naw kä hun gui hlawt ci.

JOB 18:11

Kyihkyawk vai naw avan ung koi ne ngäng ci. Am khan nak päng ung a cun naw läk ci.

SUKI GUI 7:21

A chang sing phung veing ne ng’düi phäh phäh ci gui, ga gakap gui ami van m’lau ne dawng ci gui.

1 GHANGPUGHANG GUI 10:29

Egypt ah ka yatha gui ami law püi phi shum ci gui. Ngami naw Hittite la Sirian ghangpughang gui cu ng’se gui la yatha gui awn bawm gui ci gui, yatha tumat cu ngui phe 600, ng’se tumat cu ngui phe 150 ah yoi ci gui.

1 SAMUEL 14:15

Cun ah khohmun ung om ciah Philistin gui cu cäcat yawp ci gui, ng’tuk bi ci gui la gakap gui cu phung kyong ah kyi ne htet ci gui; khomdek thüng ci, ak tung ah thünggüng nak om ci.

1 GHANGPUGHANG GUI 20:20

Achang sing naw ami tuk päng ngawn ci gui. Siria gui cu dawng ci gui, Israel gui naw akgat ah gawk gui ci gui, Benhadad cu k’se ng’cum ne, ng’se ng’cum ci amshah awn a täng ah dawng ne phyawng ci gui.