2 GHANGPUGHANG GUI 7:6 - Cho Bible Common Language 2016

⁶ Bawipa naw Sirian gui ah ng’yak vai ah ng’se gui la yatha gui awn lawk ciah gakap ak chün ah mäih ah k’aw cu ng’thang sak khäta, Israel ghangpughang naw Hittit la Egypt ghangpughang gui ng’vat sei ami gakap gui naw tu law gui ciah ngai ci gui.

2 GHANGPUGHANG GUI 7:6 Referans Kwoze

2 SAMUEL 5:24

Sing ghing pam ah ka naw ami kaan law ah k’aw nami ng’yak ah a kyak ung, cun kawn ah nami tuk gui vai, kei cu nangmi ah ma ung ma ne hteit ne Philistin gakap gui cu ka hnim gui khai” cik ci.

ISAIAH 31:1

Egypt khaw ah ami m’htei htang vai ah hteit ci gui cu ng’ziin ci gui! Ngami cu Egypt ah dämduh aih ciah ga k’tha mah nak-ng’sela gui, yatha gui, la gakap gui ung ng’khüng ci gui. Cun ung phi ngami cu Bawipa, Theingcim ciah Israel khanpughi ung kä ng’khüng ci gui, am htei htang gui vai ah kä k’thäh ci gui.

1 GHANGPUGHANG GUI 10:29

Egypt ah ka yatha gui ami law püi phi shum ci gui. Ngami naw Hittite la Sirian ghangpughang gui cu ng’se gui la yatha gui awn bawm gui ci gui, yatha tumat cu ngui phe 600, ng’se tumat cu ngui phe 150 ah yoi ci gui.

THU PHLAAN 9:9

Ami ng’kyaang cu m’si shawiphaw k’bah ciah mäih ah kyak ci, ami ng’phia ami khääp cu ng’tuk bik khai ah ng’phäi lawk ciah ng’se gui ah mäih ah ng’hmum ci.

EZEKIEL 10:5

Khiküi gui naw ami ng’phia ami khäp cu akpung ah ka nawphi ng’yak nei, cun cu m’gai ciah khanpughi ah k’aw ah mäih ah kyak ci.

ISAIAH 36:9

Nangmi naw Assirian bawi a hmawpi phi kä nami ng’tuk püi hning ci, nangmi naw Egypt gui cu yatha gui la ng’secum gakap ning tüih lawk khai gui ah hami ngaih u ci.

SAM 14:5

Cun ah kyasei ngami cu kyikyawk khai gui, Khanpughi naw ani ngai cicu om püi ci.

JOB 15:21

Ani naw kyih vai ah k’aw gui cu ak hga awn ng’yak khai, Ngaih gep vai ah om ciah a ngaih yah ung m’guk ei gui naw ani cu tuk khai gui.

2 GHANGPUGHANG GUI 19:7

Bawipa naw uktubawi am ng’thu ng’lak cu ng’yak sak khai, a cun naw ani cu amät ah khaw ah hteh ba sak khai, a cu ah ani cu Bawipa naw ngawn sak gui khai.”

1 SAMUEL 14:15

Cun ah khohmun ung om ciah Philistin gui cu cäcat yawp ci gui, ng’tuk bi ci gui la gakap gui cu phung kyong ah kyi ne htet ci gui; khomdek thüng ci, ak tung ah thünggüng nak om ci.

1 SAMUEL 26:6

David naw Hittite chang Ahimelek la Abishai, Joab ah a phäi (ani cu Zeruiah) cu khü goi ne, “Nang ni ung ka a u ang Saul ah phung ah kei awn a täng ah a hteh tu kaw?” cik ci. Abishai naw, “Ä, ka hteit tuk khai” cik ci.

2 SAMUEL 10:6

Ammonit chang gui naw David cu ami ga ah kyak khai ah ci pyi ci gui ah hmat u neta, Bethrehob la Zobah ungka Sirian gakap phia phia goi, Tob ungka chang phia phia la m’ku, Maakah ghangpughang la a chang phia gha cu ng’vat ci gui.

2 GHANGPUGHANG GUI 7:5

Cun ah kyasei ngami cu api kho amü law yah ung Sirian phung ah hteit ci gui. Cun ung phi cä ah ami gawk yah ung a u phi kä om ci.

JEREMIAH 46:21

Ani naw ang vah ah gakap gui cu am gein kaa ah kyak ciah seihta ah mäih ah kyak ci gui nei. Ngami cu kä ng’düi hlawt, kä ng’tu hlawt ci gui; ami van ng’hlat ne dawng ci gui. Ami ng’ziin nak ah hnüüp, ami di nak ah akhin cu gawk lawk ci nei.

EZEKIEL 1:24

Ami zon ung ami ng’phia ami khäp ah k’aw cu ka ng’yak ci; cunah k’aw cu tuinu ah gaai ah mäih, gakap maknu ah k’aw ah mäih, m’gäi ciah khanpughi ah k’aw ah mäih ah kyak ci. Ami zon ami ng’düm ung, ami ng’phia chum ba ci gui,

SUKI GUI 7:21

A chang sing phung veing ne ng’düi phäh phäh ci gui, ga gakap gui ami van m’lau ne dawng ci gui.

1 GHANGPUGHANG GUI 20:20

Achang sing naw ami tuk päng ngawn ci gui. Siria gui cu dawng ci gui, Israel gui naw akgat ah gawk gui ci gui, Benhadad cu k’se ng’cum ne, ng’se ng’cum ci amshah awn a täng ah dawng ne phyawng ci gui.