“Nami ga gui naw ami ning tuk law gui ung, Bawipa naw hniim gui khai. Ngami naw lam tumat ung law ne ami ning tuk law pang ung phi lam avan ung dawng ba khai gui.
Ngami uk gui ciah mang hta cu a htunkpi gui ak phleing ung taih ne, hmüp khui ung k’paang ami vüh pawk pei ah m’kawt tung hteit ne phyawng khai. Ani naw amik cu shung ci kya ne a hawi ah a hteh cu kä hmuk khai.
A ngawi ung khaw ngawi David naw tu gui ne, mühun güt ung ng’tawh püi gui ci. Kalauk ng’cum ne dawng ciah chang nong phia phli kawn ah a u phyawng ci kä om ci.
Seime gui ah a hta htük gui cu Bawipa naw a khäm pyi ah kyasei, ng’päi ye nak douthak ah a u naw kä ap hning ci, seipat hta, htome hta, me hta gui cu Bawipa ah a khäm ah kyak ci.
Shaitak bik ciah chang cu dukhaih aih ne m’hnütbäi ah phu kä ah pek hning ah a kyak ung acun ah chang cu taigü ah hteh püi vai, taigü naw ang neim pi ah k’bäi ne pek khai ah chang ah aci ah bik khai.
Mang gaw kyong ah kä mi hteit man ci. Mang gaw kyong ah mi hteh ung ei cawi ne mi sik khai; Shin ung mi om ung phi mi sik khai. Cun ah kyasei Sirian gui ah phung ah mi hteit khai nei; ngami naw ami na ci gui khüt ung na ngawn gui khai gui, kä cun ung na m’ghin gui hngaw khai gui nei.”
Bawipa naw Sirian gui ah ng’yak vai ah ng’se gui la yatha gui awn lawk ciah gakap ak chün ah mäih ah k’aw cu ng’thang sak khäta, Israel ghangpughang naw Hittit la Egypt ghangpughang gui ng’vat sei ami gakap gui naw tu law gui ciah ngai ci gui.