2 GHANGPUGHANG GUI 7:3 - Cho Bible Common Language 2016

³ Kheilei ung gaw ciah chang phli cu Samaria gawnu m’kawt ah akpung ah om u ne ami mät ng’htau ci gui, “A i ah kyasei mikmi mi sih güt ung shin ung mi om vai ang?

2 GHANGPUGHANG GUI 7:3 Referans Kwoze

2 GHANGPUGHANG GUI 7:4

Mang gaw kyong ah kä mi hteit man ci. Mang gaw kyong ah mi hteh ung ei cawi ne mi sik khai; Shin ung mi om ung phi mi sik khai. Cun ah kyasei Sirian gui ah phung ah mi hteit khai nei; ngami naw ami na ci gui khüt ung na ngawn gui khai gui, kä cun ung na m’ghin gui hngaw khai gui nei.”

KHEI NAK 12:14

Bawipa naw, “Ani cu apa naw a hmai ung am thui ah a kyak ung ani cu hnüüp chih ung a thüisei nak om khai. Cun ah kyasei ani cu hnüüp chih ung Shaum pigaw ah akpung ah nami om sak vai, cun kawn ah akyong ah nami law püi ba vai.

JEREMIAH 27:13

Ai ah kyasei nang la na chang gui cu ng’tuk nak, ei cawi nak la gawpyan nak awn nami sih ang. Cun cu Babilonia Ghangpughang ung kä ng’kiaa ciah pakhui ah khan ah kya lawk khai ah Bawipa naw a pyen ah kyak ci nei.

JEREMIAH 8:14

“A i ah kyasei mi ngoh tu lä ang” cine Khanpughi ah chang gui naw ng’shik ci gui, “Law vä, mikmi cu mang gaw khäng gui ah dawng ne, acu ah mi sik khai nei. Bawipa mi Khanpughi naw mi sih vai ah na m’kyuk gui ci nei; mikmi naw ani hnungtuk ne mi kat ah phäh ah mi awk vai ng’tuui tui na pe gui ci nei.

2 GHANGPUGHANG GUI 8:4

Cun yah ung ghangpughang cu Elisha ah changshäm, Kehazi awn ng’htau ci goi: Ghangpughang naw Elisha ah cäiaih vai gui abi cu hmat hlük ci.

2 GHANGPUGHANG GUI 5:1

Naaman cu Siria gabawi ah kyak ci, Siria ghangpughang naw a hlüng ah achang m’sui, am hni ah kyak ci, a i ah kyasei ci ung Bawipa naw Sirian gakap gui am ani ung näng nak a pek gui ah phäh ah kyak ci. Ani cu dämduh ciah gakap ah kyak ci, cun ung phi ani cu kyih vai kyak ciah kheilei ung gaw ci.

KHEI NAK 12:10

Cun kawn ah khongmei naw Phung cu ng’liim tak ci, Meriam ah vun cu ang ghit ah nat nak naw ui sei, a bawk ah ng’khe ne khüi ah mäih ah kyak ci. Aaron naw ani cu teng neta natnak naw a uk cu hmu neta,