2 GHANGPUGHANG GUI 7:16 - Cho Bible Common Language 2016

¹⁶ Samaria ung chang gui cu ng’güüt ne dawng law u ne Sirian phung cu guttep ci gui. Cun kawn ah Bawipa ah pyen ah mäih ah cung htang akni pi pye thum käcung htang htang-pye chuk cu ngui a phe ciah yoi ci gui.

2 GHANGPUGHANG GUI 7:16 Referans Kwoze

2 GHANGPUGHANG GUI 7:1

Elisha naw, “Bawipa naw a i a pyen cu ngai ä! Ngawi ung a tuhbäi chü a khin ung, Samaria ung, cung htang ak ni pi pye thum käcung htang pye chuk cu ngui a phe awn na hleih khai nei” cik ci.

ISAIAH 33:4

ng’yak ciah chang pakhui gui cu dawng ci gui nei. Ami khawh gui cu pha pe gui ne, ami guttep ah kyasei lak gui ci gui.

MATTHE 24:35

Khankho la khomdek a maih ung phi kei ah thu cu kä maih khai nei.

ISAIAH 44:26

Cun ung phi kei ah ka chang shäm naw cängbang nak abi ah a kyak ung, kei ah ka pawng püi gui m’than khai ah ng’shächang ka tüih ah a kyak ung. Cun ah pawng püi nak gui la cängbang nak gui cu akcang ah kyak khai ah kei naw ka bik ci. Kei naw ka m’thein gui ci. Jerusalem ung chang gui om ba khai gui, Judah mang gaw gui co ba khai gui. Cun ah mang gaw gui cu didam nak ung ka, Tho law ba khai gui.

ISAIAH 33:1

Kami ga gui cu ng’ziin ci gui nei! Ngami cu guttep u ne kä bekhüt ci gui, cun ung phi ngami guttep gui ne, ngami ung kä bekhüt ci a u kä om ci. Cung phi ami guttep nak la kä ami bekhüt nak cu ng’pyi lawk khai nei, cun kawn ah ngami cu chang naw a guttep gui, chang naw kä abekhüt nak gui ah baawi ah kyak khai gui nei.

SAM 68:12

“Ghangpughang la a gakap gui cu dawng ci gui.” Im ah om shüt ciah hnumi gui naw ami khäm cu ng’pai ci gui.

2 SHONTÄP NAK 20:25

Jehoshaphat la a gakap gui naw ami khawh gui guttep gui khai ah law u neta, seipat gui, ei awk vai gui, suisak gui la a hei a phu tan gui akda hmuk ci gui. Ngami naw cun gui cu hnüüp thum ung la ne bum ci gui, cung phi da aih sei a päng kä la yawp hlawt ci gui.

1 SAMUEL 17:53

Israel gui naw Philistin gui ami gawt nak ung law ba u neta, ami phung gui phi gut gui ci gui.

KHEI NAK 23:19

Khanpughi cu hleei ciah chang ah mäih ah kä kyak ci; Ani cu am lung ngaih m’thawng ciah chang ah mäih ah kä kyak ci. A shaitak phung cu ani naw bik ci. Ang thu ah mäih ah ani naw bik ci.

2 GHANGPUGHANG GUI 7:15

Cun ah chang gui cu Jordan tui güt ah hteit ci gui, lam pum ung suisak gui la a i bawi gui cu Sirian gui naw ami dawng nak ung m’chu shüt u sei hmuk ci gui. Cun kawn ah ngami cu hteit ba ne ghangpughang am m’thein ba ci gui.

SAM 68:13

Ngami ah mäih ah kyak ciah mü kha ah ang phya la ghui ah mäih ah pyü cak ciah amu ah mäih ah nami kyak khai. (Nangmi cu ng’tuk yah ung a i ah kyasei htaw ah ng’lung ah nami om ang?)