2 GHANGPUGHANG GUI 7:1 - Cho Bible Common Language 2016

¹ Elisha naw, “Bawipa naw a i a pyen cu ngai ä! Ngawi ung a tuhbäi chü a khin ung, Samaria ung, cung htang ak ni pi pye thum käcung htang pye chuk cu ngui a phe awn na hleih khai nei” cik ci.

2 GHANGPUGHANG GUI 7:1 Referans Kwoze

JOSHUA 3:5

Joshua naw chang gui am, “Nami theingthap vai nei, a i ah kyasei ci ung ngawi ung Bawipa naw nami ng’lung ah cäi aih vai cu bi lawk khai nei.”

PHYAWN NAK 16:12

Israel gui ah ng’thu m’da cu ka ng’yak ci nei, m’thein gui ä, hni gageim ung ami ei vai meh ghah u ne, khaw ngawi hta ung ami ng’büh nak vai m’htut gah khai gui. Cun kawn ah kei cu Bawipa, ami na Khanpughi ah hmat khai gui, ci nak ci.

EZEKIEL 37:4

Ani naw pyen ci, “Guh gui ung ng’cängbang ä. Shin ah guh chawng gui naw Bawipa ah ng’thu ami ngaih vai ah m’thein gui ä.

1 SAMUEL 11:9

Ngami naw Jebesh ah ka lawk ciah changtüih gui am, “Nami chang gui m’thein ba gui vä, ngawi ung kho kä a hnüüp pha ung ngami cu phyawng khai gui nei” ci na gui ci gui. Jebesh chang gui naw cun ah ng’thu gah u neta yei aih ci gui.

PHYAWN NAK 14:13

Moses naw, “Kä kyih en vä. Khüi ne ng’düi vä! Tuh ngawi Bawipa naw ana hun nak gui ah bii a bi cu nami hmuk khai nei; shin ah Egypt chang gui cu kä nami hmu ba gui khai nei.

SAM 46:5

Khanpughi cu cun ah mang gaw ung om ci, cun ah gaw cu kä di phung khai; kho ngawi hta ung, ani naw law ne m’htei gui khai.

PHYAWN NAK 8:23

Kei naw kei ah chang la nang ah chang ah ng’lak ung, ng’lak mah khai ah ka bik khai nei. Shin ah cäi aih vai cu ngawi ung ah kyak khai nei” cik ci.

2 GHANGPUGHANG GUI 20:16

Cun kawn ah Isaiah naw ghangpughang am, “M’gäi ciah Bawipa naw pyen ci,

THU PHLAAN 6:6

Khiküi paphli ah ng’lung ungka lut lawk ciah k’aw tumat cu kei naw ka ng’yak ci. Cun ah k’aw naw, “htang a them cu hnüüp ät ng’cheng nak, püm them thum cu hnüüp ät ng’cheng nak ah kiak ci. Cun ung phi olive sing chaam la sapyit chaam cu kä m’di en vä” cine pyein ci.

2 GHANGPUGHANG GUI 4:42

A hei akhin ung Baal Shalishah ah ka chang tumat cu Elisha ah law ne, acu kum ami khäm htük ah htang awn pyan ah m’htut pum m’ku cu avui ami ah thai cu law püi ci. Elisha naw a cun ah m’htut gui cu prophet ng’bum gui am bei gui vai ah pyen ci,

JOHAN 6:9

“shi ah ak hmaw tumat naw m’hut pum hma la nga pahnih sho ci nei. Cun ung phi chang shikchü-am ng’büh khai ah käm bei hlawt vai nei” cik ci.

2 GHANGPUGHANG GUI 6:25

Cun ah kya ne mang gaw kyong ah ei vai maih ne khak aih sei laa ah lu tumat ngui cheitkip, ng’yungsu akhawk ngui phe hma ah kyak ci.

2 GHANGPUGHANG GUI 6:33

Ani cun ah ang thu vai am, ghangpughang gawk law neta, “Shin ah yaica nak mikmi ah khan ah gawk law sak cicu Bawipa ah kyak ci nei! Ani naw a i baw a bi law vai cu a i ah kyasei kei naw ka ngäng lä vai ang?” cik ci.

ISAIAH 1:10

Jerusalem aw, na uktu gui la nak chaung gui cu, Sodom la Komorrah ah mäih ah kyak ci gui nei. Bawipa naw nangmi ah khan ah a i a pyen cu ngai vä. Mi khaupughi naw aning m’thei gui cu ngaih nah vä.

1 GHANGPUGHANG GUI 22:19

Makaiah naw hteit neta, “Tuhbäi Bawipa naw a i a pyen cu ngai ä! Bawipa cu khankho amang kiang ung ngo sei, a khanchang gui ami van a pei ah ng’düi u sei ka hmuk ci.

2 GHANGPUGHANG GUI 7:16

Samaria ung chang gui cu ng’güüt ne dawng law u ne Sirian phung cu guttep ci gui. Cun kawn ah Bawipa ah pyen ah mäih ah cung htang akni pi pye thum käcung htang htang-pye chuk cu ngui a phe ciah yoi ci gui.

1 SAMUEL 15:1

Samuela naw Saul am, “Israel gui ah ghangpughang ah na kyak khai ah, nang cu ka ning m’shumphyuk khai ah, kei cu Bawipa naw a na tüih law ah kyak ci. Tuhbäi Bawipa Akhlüngtai naw a i a cicu ngai ä.