2 GHANGPUGHANG GUI 4:9 - Cho Bible Common Language 2016

⁹ Cun ah hnumi naw a cei am, “Shin ah chang shi ah a shäng shäng lawk ciah chang cu theingciim ciah chang ah kei naw akcang ah ka hmat ci.

2 GHANGPUGHANG GUI 4:9 Referans Kwoze

1 GHANGPUGHANG GUI 17:24

Ani naw m’shang ne, “Tuhbäi kei naw ka hmat ci, nang cu Khanpughi ah chang ah na kyak ci, Bawipa naw akcang ah nang ung ng’thu pyen ci nei!” cik ci.

2 GHANGPUGHANG GUI 4:7

Hmeinu cu ng’thu m’thein ciah prophet Elisha ah hteit ba khäta, “Oliv-situi cu yawi ne, na pu avan thung ä, k’pawih ciah ngui awn, namät la na hta gui ah hnun m’ghin vä” cik ci.

TITUS 1:8

Ani cu khin m’htei ci, ak ni m’hni ciah chang ah kyak khai. Ani cu htingling ci, düng ci, theingcim ci, pyein ah om ciah chang ah kyak khai.

1 THESSALONIAN 2:10

Nangmi cu keimi ah saksi ah nami kyak ci, Khanpughi phi saksi ah kiak ci; a i ah kyasei ci ung keimi cu yum nak om ciah nangmi awn mi ng’hmuhteng nak ung shetkat nak kä om ne ci cim nak la düng nak om ci.

MATTHE 5:16

Acun ah mäih ah chang gui naw akni ah nami om cu ning teng gui u ne, khankho ah om ciah nami Pa cu ami m’hlüngtai vai ah, chang gui ah ma ah nami dei nak cu va deikhang sak vä.

1 GHANGPUGHANG GUI 17:18

Ani naw Elijah pyen nak ci, “Khanpughi ah chang, a i ah kyasei kei ah khan ah shin ah na bi ang? Khanpughi am kei ah katnak gui m’thein ci sei, acun ah cheng ah ka hta a sih vai ah na lawk ci ang?”

1 PETER 3:1

Acun ah mäih ah, hnumi gui, nami cei ah pyein ah nami om vai nei. Cun ung vah nami cei naw Khanpughi kä ah yum tu te ah a kiak ung phi, nami om ih hnünthawh naw thu m’kha ät kä nami pyein ung phi, yum law tu sak khai nei.

THULÄÄN NAK 33:1

Shin gui cu Khanpughi ah chang Moses naw, kä a sih pha ung Israel chang gui ah khan ah ang ng’shäu ah hriham gui ah kyak ci.

2 PETER 3:2

cau pui profet theing gui ah ng’thu pyein la Hunbawipa naw ang düihpüi gui awn a ning peit gui ah thu khän cu nami shum vai ah ka ng’ya hlük ci nei.

2 PETER 1:21

A i ah kyasei ci ung, a i thu thuuk phi chang ah ng’yak hlü düt ah dang lawk ciah kä kyak ci, Mumcha Theing ah lamshäm nak awn vah chang gui naw, Khanpughi ah thuthuuk cu ami pyein ah kiak ci.

1 TIMOTHI 6:11

Nang läi cu Khanpughi ah chang ah na kyak ci kya ne, shin ah shekha gui avan na hlawi vai nei. Düngdau nak, yum thei nak, yumnak, m’hni nak, hnimgei nak, ng’awigii nak gui awn kümbe vai ah nak tha nak vai nei.

1 GHANGPUGHANG GUI 13:1

Bawipa ah thumkhän nak awn Judah ah ka prophet tumat cu Bethela ah hteit ne sonkiang ung douthak khai ah Jeroboam ang düih yah ung gawk lawk ci.

2 SHONTÄP NAK 25:7

Cun ung phi prophet naw ghangpughang ah hteit neta a pyen cu, “Shin ah Israel gakap gui kä na hteh püi gui vai. Bawipa cu shin ah a siiiptäng uknak khaw ung chang gui awn a täng ah kä om ci. Ngami naw ng’tuk nak ung ning khüighat sak pi khai gui ah nang naw na ngai khai.