2 GHANGPUGHANG GUI 4:7 - Cho Bible Common Language 2016

⁷ Hmeinu cu ng’thu m’thein ciah prophet Elisha ah hteit ba khäta, “Oliv-situi cu yawi ne, na pu avan thung ä, k’pawih ciah ngui awn, namät la na hta gui ah hnun m’ghin vä” cik ci.

2 GHANGPUGHANG GUI 4:7 Referans Kwoze

PHILIPPIAN 4:8

Phäi nau gui aw, khüm nak ah ka pyein hlü cu, ni kyom nak, bäkhäk nak, cang nak, küika nak, ng’düng nak, theingcim nak, yumhni nak la m’tamkhah nak awn nami m’lung kyong cu be sak vä.

ROMAN 12:17

Nami khan ah akshe bi lawk ciah a om ung akshe awn kä nami thung ba vai, chang gui ah maa ah ni kyom nak nami bi vai ah nami k’tha nak vai.

SAM 37:21

Changshe naw pu neta kä thung ah om ci, cun ung phi changni naw ng’khai lang ne, chang-am pe tak ci.

1 GHANGPUGHANG GUI 12:22

Cun ung phi Khanpughi naw prophet Shemiah cu pyen nak ci,

1 THESSALONIAN 4:12

Cun ung nangmi cu Khritha gui ah kä kyak ciah chang hei gui ah, chang m’sui nak nami gah khai. A u ung ng’yung phya ne nami kiak vai phi kä hlü khai nei.

2 GHANGPUGHANG GUI 4:9

Cun ah hnumi naw a cei am, “Shin ah chang shi ah a shäng shäng lawk ciah chang cu theingciim ciah chang ah kei naw akcang ah ka hmat ci.

2 GHANGPUGHANG GUI 4:21

Cun kawn ah ani naw Elisha ah khan ah chang ne hteh püi neta, ih phak ung m’shän ne, shoh awn hei khai shi ci.

2 GHANGPUGHANG GUI 6:9

Cun ung phi Elisha naw Israel ghangpughang am ng’thu m’khäh ci, a cun ah hmun ah pei ah kä a hteh vai ah m’thein ci, a i ah kyasei ci ung Sirian gui cu a cung ami mah ah phäh ah kyak ci.

2 GHANGPUGHANG GUI 6:7

“Yuk la ba ä” cik ci. Chang tumat naw kawp ne yuk la ba ci.