2 GHANGPUGHANG GUI 4:13 - Cho Bible Common Language 2016

¹³ ani naw Kehazi am, “Mi law ba päng ung mi ng’yak hlü ana pek tak gui ah khüikha nak avan ah phäh ah kei naw a i ka bi pek vai ang yak hlü cu nang shi vai. Kei naw ghangpughang ah baw, gabawi ah baw hteit ne ng’thu ni ka pyen pek vai cu ng’ya hlü hman khai nei” pyen nak ci. Cun ah hnumi naw, “Kei shin ung ka mät ah chang gui ah ng’lung ah ka ng’yak hlü avan küm ci nei” cik ci.

2 GHANGPUGHANG GUI 4:13 Referans Kwoze

HEBRU 6:10

Khanpughi cu käng kuktak ci. Ani naw nami bilawh la, nami m’hni nak ang dang vai ah cau tün ne tuhbäi ung khüt sei, krihta tumat nami ng’theithang nak tu cu käm hnih khai nei.

HEBRU 13:5

Ngui ng’ya hlü aih ne kä nami ghin vai, nami mät ung om ci awn nami ng’büh vai. A i ah kyasei ci ung Khanpughi naw, “Kei naw nang cu kä ka ning hteh ta phung khai, kä ka ning nawng phung khai,” cine a pyein ah hmawk ah kyak ci.

ROMAN 16:6

Nang mi ah hmawk ah k’tha nah ne bi bik ciah Mari cun phi yavaih nak nei.

ROMAN 16:2

Khanpughi ah chang gui ah mi kyak ci kya sei ani cu Bawipa ah ming awn nami dou vai nei. Nami m’hteihtang tu vai a hlü ah a kyak ung nami m’hteihtang tu vai nei. Ani cu chang akda m’hteihtang tuk ciah teihpüi k’ni ah kyak ci, kei phi nam hteihtang tuk ci.

SAM 37:3

Bawipa ung ng’ap ne, akni bi vä, ng’dü ung ng’len ne, puui ne om vä.

2 SAMUEL 19:13

David naw Amasa am ami m’thein vai ah a pyen nak gui cu, “Nang cu ka ning mätyah nei. Tuhbäi ung tün ne, Joab hnün ung, gakap ung ang vai pi ah ka ning tha ci nei. Cun ah kä ka bi ah a kyak ung Khanpughi naw na m’sih sä!” cik ci.

2 GHANGPUGHANG GUI 9:5

gabawi gui civui u sei hmu gui neta, ani naw, “Saya, kei naw nang ah phäh ah ng’thu ka law püi ci nei” cik ci. Jehu naw, “Keimi ungka a u ang na ng’thu püi?” cik ci. Ani naw, “Nang nei, saya” cik ci.

2 GHANGPUGHANG GUI 8:1

Tuhbäi Shunem ah ka hnumi, ani naw a hta a ghin ba sak am Elisha naw a pyen nak cu, khaw avan ung Bawipa naw khoyaw tuishet nak tüi lawk khai, cun cu kum chih lüng khai, cun ah kyasei hnumi naw akyongchang gui awn a täng ah a hei ah hteit ne ami om vai,

1 GHANGPUGHANG GUI 2:32

Joab naw kapa David ah kä hmat ah chang gui ngawn ne akat ah phäh ah ani cu Bawipa naw m’kyuk khai. Joab naw chang ni hnih ngawn ci, ngani cu amät ah ta ni tuba ci goi: ngani cu Abner, Israel gakapbawi la Amasa Judah gakapbawi ah kyak ci goi.

ATÜNNAK 14:24

Ka mät ah chaw ah a i phi kä ka lak khai. Ka chang gui ah kaa bäng ka khäm ba khai. Cun ung phi ka teihpüi gui Aner, Eshcol, Mamre ni cu ami kaa gah ba yawp khai gui.

2 GHANGPUGHANG GUI 4:12

Ani naw achangshäm Kehazi am cun ah hnumi cu khü sak ci. Ani law khäta,

2 GHANGPUGHANG GUI 4:14

Elisha naw Kehazi cu ng’shi ba ne, “Cun kawn ah mä a i nei ka bi pek vai a om” cik ci. Ani naw, “Ani ung a htapa kä om ci, a cei phi a ghipanu ah kyak ci nei” cik ci.