2 GHANGPUGHANG GUI 4:1 - Cho Bible Common Language 2016

¹ Prophet gui ungka tumat ah hmeinu cu Elisha ah law neta, “Saya aw, kei ka cei cu sik ci nei! Na hmat ah mäih ah ani cu Khanpughi kyih aa ciah kyak ci, cun ung phi ani naw ngui apu nak ah chang naw law ne, apu ah phäh ah ka hta goi cu hteh püi ne shäm goi khai ah pyen ci nei” cik ci.

2 GHANGPUGHANG GUI 4:1 Referans Kwoze

MATTHE 18:25

Ani naw a pu cu kä thung hlawt khätah, amät la ak chu a hta ni, a khawh cham ni avan cu yoi ne a thung vai ah ghangpughang naw k’bäi ci.

2 GHANGPUGHANG GUI 2:3

A cu ah om ciah prophet bum gui naw Elisha hteh shi neta ng’shik ci gui, “Tuhngawi Bawipa naw, na bawi cu la lawk khai cicu na hmat ne ang?” Elisha naw, “Ä, ka hmat ci nei, cun ung phi cun ah mawng cu kä mi pyen khai nei” cik ci.

THU PHLAAN 19:5

Cun kawn ah mangkiaang ung ka lut lawk ciah k’aw naw, “Khanpughi ah a shäm gui la ak chang gui avan, Khanpughi kyih aa ciah ak hmaw ang vai avan naw Khanpughi cu m’kümto vä” cine pyein ci.

MATTHE 18:30

Cun ung phi ani naw kä ngaih pe ne, a pu avan kä a thung pha ah chuih a kium vai ah thawng ung chum ci.

MALAKHI 4:2

Cun ung phi kei na läk ciah nangmi ah phäh ah ka hun nak huham cu khohni ah mäih ah nami khan ah so lawk khai, hni ah pyü ne gai nak law püi khai. Nangmi cu phyawng ne, sei im ungka lut law ne ng’hlü ciah sei hta ah mäih ah nami yei khai.

MALAKHI 3:16

Cun kawn ah Bawipa kyih aa ci gui cu, ami mät ng’ce ng’cäk u sei, Bawipa naw ngai ne ami ng’thu ng’yak ci. Khanpughi kyih aa ne chang m’sui ciah chang cu, amät ah ma ah ca uk ung gu ne m’hnüt ci.

SAM 147:11

Ani ah lünlawi nak cu, ani m’tamkhah ciah chang la ng’täi ciah am’hni nak ung yum htek ciah chang gui ah kyak ci.

SAM 103:17

Cun ung phi Bawipa m’taam ciah chang ah hmawk ah, ani ah m’hni nak cu kä ng’pyi hlawt ci, Ani ah ni nak cu hta ng’shon avan ung khäng lä ci.

SAM 103:11

Khomdek ah khan ah khankho a hang hlüng ah mäih ah, Ani chang m’sui ci gui ah khan ah am hni nak cu dämduh ci.

1 SAMUEL 22:2

Ami yawshe nak gui, apu da ci gui, la kä yum ci gui cu ani ah lawk ci gui, avan cu chang phia phli lawk ci gui, ani cu ami ng’vai pi ah kya lawk ci.

THU PHLAAN 15:4

Nang cu kä ning kyih aa ne, A u kä om hlawt khai nei, Bawipa! Nang ah küikyang hlüngtai nak cu ng’hlahta ne, A u om hlawt khai ang? Nang bäng na theing ciim ci nei. Nang ah bilawh cu chang avan naw hmu pyi ciah kyasei, Khaw päng ungka chang nüng law ne, Ning khawihnah lawk khai gui nei” ciah kyak ci.

JAMES 2:13

Chimgein nak kä om te ciah chang ah khan ah, Khanpughi naw m’khoichaa nak abi hnüüp ung, chimgein nak kä m’dang khai nei, Cun ung phi m’khoichaa nak ah khan ah chimgein nak ah m’khütnäng nak om ci nei.

LAMKTU 13:26

“Abraham ah hta ng’shon ah kyak ciah phäi nau gui la Khanpughi yum ciah changpakhui hei gui aw, Khanpughi naw hun nak ah Thu k’ni cu mikmi ah gawk law sak ci.

MATTHE 18:35

Cun ah kyasei nangmi cu phäi nau gui nami mät, tumat ah kat nak cu tumat naw, akcang ah kä nam m’gein tu ah a kyak ung, khankho ah kapa naw nami katnak cu kä ning m’gein gui khai nei,” cine m’cäi gui ci.

JEREMIAH 34:14

khokum chuk ung ami bii bik ciah Hebrew khlei htein phjung akum chin nak päng ung m’hlawt vai. Cun ung phi nami pupa hui naw kei cu ai ah kä na sui ci gui, kei ah pyeu phi kä ngai ci gui.

THUSHÄUTU 12:13

Shin gui avan kawn ah pyen vai tumat bäng om ci; Khanpughi kyih aa ne, ang thumkhän cu läk vai, a i ah kyasei ci ung a cun vai ah chang avan cu a tüisho ah kyak ci.

THUSHÄUTU 8:12

Hmakat ciah chang naw cawipang nak phya bi ne, ghing ne om lä ci. Ä, kei naw chang gui naw a i ami pyen cu ka hmat ci nei: “Nang naw Khanpughi na ngaih ung a päng avan cu bä khai nei.

NEHEMIAH 10:31

Khawhei chang gui naw htang phi kä cung a i phi, law püi ne, kyin nak hnüüp kä cung a i hnüüp phi theingcim ciah hnüüp ung keimi naw ngami ah kä kami hleih khai. Kum chih abe päng ung keimi naw khaw lo phi kä kami bik khai, ng’pu hnih avan phi kami nawng pek khai.

NEHEMIAH 7:2

Kei naw Jerusalem mang gaw uk khai ah chang hnih ka tha ci: ngani cu ka nau Hanani la imgawbawi Hananiah ah kyak ci. Hananiah cu a u awn kä täng ciah ngaih gep vai, Khanpughi kyih aa ciah kyak ci.

2 GHANGPUGHANG GUI 4:38

Hnü ät ung ami khaw avan ung ei vai maih sei Elisha cu Kilkal ah law ba ci. Ani naw prophet bum gui am thei gui yah ung, achangshäm am, k’am nu am kawm kyäng ne antui ami shon vai ah m’thein ci.

2 GHANGPUGHANG GUI 2:5

A cu ah om ciah prophet ng’bum gui naw Elisha hteh shi neta ng’shik ci gui, “Tuh ngawi Bawipa naw na bawi cu la lawk khai cicu na hmat ne ang?” Elisha naw, “Ä, ka hmat ci nei, cun ung phi cun ah mawng cu kä mi pyen khai nei” cik ci.

1 GHANGPUGHANG GUI 20:35

Bawipa ah thumkhän ah kyasei prophet ng’bung ungka prophet tumat naw a prophet paw am a thah vai ah pyen ci. Cun ung phi ani mak ci,

1 GHANGPUGHANG GUI 18:3

Cun ah kyasei Ahab naw mang im uk ciah Obadiah cu khü ci. (Obadiah cu Bawipa aktung ah khawihnah ciah chang ah kyak ci,

TAIGÜTHUM 25:48

ani ami hleih kawn ah, ani hleih ba hning ci, a phäi nau tumat mat,

ATÜNNAK 22:12

Khankho chang naw, “Cän ah a hmaw kä na tawn nen vai, a i phi kä na bi en vai, tumat bäng ah na hta cu kei k’thäh ngä sei, na na pek ci, Khanpughi ah ng’thu ngai ne na m’tamkhah cu ka hmat pyi ci nei” cik ci.

SAM 115:13

Ani kyih aa ciah chang phung cu a zaw adäm ah ciah hriham pe gui khai nei.

2 GHANGPUGHANG GUI 6:9

Cun ung phi Elisha naw Israel ghangpughang am ng’thu m’khäh ci, a cun ah hmun ah pei ah kä a hteh vai ah m’thein ci, a i ah kyasei ci ung Sirian gui cu a cung ami mah ah phäh ah kyak ci.

ISAIAH 50:1

Bawipa naw pyen ci, “Pami tumat naw akchu ang chaa püi ah mäih ah, kei naw ka chang gui a hei ah ka tüi gui ciah nami ngai ne ma? Cun ung ng’chaa nak ah ca a hawi ang? Chang tumat naw a hta gui khlei htei ah a yoih gui ah mäih ah, nangmi cu chang pha ah ka ning yoi gui ciah nami ngai ne ma? Nangmi nami katnak ah phäh ah pha ne ami ning hteh püi gui ah kyak ci; Nami cawi m’sa ah phäh ah ami ning k’täm gui ah kyak ci.

RUT 1:3

Cun ung phi Naomi ah cei Elimelek cu si neta, akchu la a hta hnih cu nawng shut gui ci.

2 GHANGPUGHANG GUI 2:7

prophet hmakip naw Jordan ah khüt ne läk gui ci gui. Elijah la Elisha cu tuinu pei ah ng’düi ni sei, prophet hmakip cu ng’shawng pi pi ne ng’düi ci gui.

2 GHANGPUGHANG GUI 2:15

Jerikho ah ka prophet hmakip gui naw ani cu hmu u neta, “Elijah ah huham cu Elisha ung gawk ci nei” cik ci gui. Ngami naw ani hteit ne hmu u ne, ama ah m’khuukdong u neta,

NG'THU K'THUUK~ 22:7

Dukhaih ci gui cu bühmang ciah changshäm ah kyak ci gui, ngui na pu ung nang cu ngui ng’pu ciah changshäm ah na kyak ci.