2 GHANGPUGHANG GUI 3:3 - Cho Bible Common Language 2016

³ Cun ung phi ani naw ama ungka, Nebat ah hta ghangpughang Jeroboam ah mäih ah ani naw kä ng’düm ne, Israel gui cu katnak ung hteh püi gui ci.

2 GHANGPUGHANG GUI 3:3 Referans Kwoze

1 GHANGPUGHANG GUI 14:16

Bawipa naw Israel cu nawng khai, a i ah kyasei ci ung Jeroboam naw katnak bi ne Israel chang gui katnak ung a hteh püi ah hmawk ah kyak ci.

2 GHANGPUGHANG GUI 17:22

Ngami naw Jeroboam cu läk u ne, ani naw abi ah hmakat nak avan cu bi lä ci gui,

2 GHANGPUGHANG GUI 15:18

Ani naw kä a sih pha ah chuih Bawipa hnungtuk ne katnak bik ci, amät naw katnak bi ne Israel gui katnak ung, kä a sih pha ah chuih hteh püi gui ciah Nebat ah hta Ghangpughang Jeroboam cu ani naw läk ci.

2 GHANGPUGHANG GUI 15:9

Ani phi a phäi gui ah mäih ah Bawipa hnung tuk püi ne katnak bik ci. Ani naw Nebat ah hta Jeroboam shekat nak bi ne Israel gui katnak ung a hteh püi nak gui cu läk ci.

2 GHANGPUGHANG GUI 14:24

Ani cu Bawipa hnungtuk ne katnak bik ci, ani naw Nebat ah hta aläk ah ghangpughang Jeroboam, Israel gui katnak ung hteh püi gui ciah akshe abi gui cu theibang ci.

2 GHANGPUGHANG GUI 13:11

Ani naw phi katnak bi ne Bawipa hnung tuk püi ne Israel gui katnak ung hteh püi gui ciah ghangpughang Jeroboam cu akshe läk ciah kyak ci.

2 GHANGPUGHANG GUI 13:6

Cun ung phi ghangpughang Jeroboam naw Israel gui a hteh püi nak gui ah katnak cu ngami naw kä ng’hla ta phak ci gui, k’täi ne hma lä ci gui; khanpughinu Asherah ah a gup phi Samaria ung om lä ci.

2 GHANGPUGHANG GUI 13:2

Ama ungka ghangpughang Jeroboam ah mäih ah ani naw Bawipa hnungtuk püi ne katnak bi ne; Israel gui cu katnak ah hteh püi gui ci, ani cu a katnak ungka kä ng’yu ba phung ci.

1 GHANGPUGHANG GUI 16:31

Ani cu ghangpughang Jeroboam ah mäih ah katnak abi awn kä ng’büh ne; ang ghit ah hteit ne, Sidon ghangpughang Ethbaala ah hta Jezebela cu chu na ne Baala khawihnah ci.

1 GHANGPUGHANG GUI 15:34

Ama ung ghangpughang Jeroboam ah mäm ah ani naw katnak bi ne Bawipa cu hnungtuk püi ne, Israel gui cun phi katnak ung hteh püi gui ci.

1 GHANGPUGHANG GUI 15:26

Ani cu apa ah mäih ah Bawipa cu hnungtuk püi ne katnak bi ne Israel chang gui phi katnak ung hteh püi gui ci.

1 GHANGPUGHANG GUI 14:9

Nang naw na ma ung uk man ci gui ah däm pi khai ah katnak na bik ci nei. Nang naw a gup gui, amüi mah gui khawihnah vai ah pyang ne, na hnungtuk püi ne, na na m’lungshe sak ci nei.

1 GHANGPUGHANG GUI 13:33

Israel ghangpughang Jeroboam cu tu ä akshe abi nak ungka naw kä ng’hlat law ba ci, ani naw k’täi ne amät ah cawh ah sonkiang ung bii bik khai gui ah taigü gui cu kyongkhui düt ungka ghü gui ci. Ani naw taigü ah kya hlük ci phung phyuh theh nak pek ci.

2 GHANGPUGHANG GUI 17:21

Bawipa naw Israel ungka Judah ah akpai gui kawn ah, Israel gui naw Nebat ah hta Jeroboam cu ami ghangpughang ah tha ci gui. Jeroboam naw Bawipa cu nawng sak gui ne, kyih vai ah katnak ung luh sak gui ci.

2 GHANGPUGHANG GUI 17:23

cun cu ak hnu ah Bawipa naw ama ungka naw ak täm gui güt acun ah bik khai ah a changshäm gui la a prophet gui ung ani naw thukbäi a pek gui pyi ah kyak ci. Cun ah kyasei Israel chang gui cu omktu ah kyak khai gui ah Assiria ah ami hteh püi gui ah kyak ci, acu ah tu ä güt om tuk ci gui.

2 GHANGPUGHANG GUI 21:16

Manasseh naw changni akda ngawn ne Jerusalem ung lam nu gui cu si awn lon sak ci; ani naw cun ah bi ne Judah chang gui cu a gup khawihnah nak ung lam shüm gui ci, Bawipa hnungtuk ne hmakat nak bi sak gui ci.

2 GHANGPUGHANG GUI 23:15

Josiah naw Bethela ung khawihnah nak ah hmun cun phi phyek ci, cun cu Israel chang gui katnak ung hteh pui gui ciah Nebat ah hta, Ghangpughang Jeroboam naw a cawh ah kyak ci. Josiah naw sonkiang cu phu hlit ne, a cun ung lung gui cu ng’phyit khai ah m’shet ne, khui khai ah deng ci; ani naw Asherah ah müi-gup phi m’khih ci.