2 GHANGPUGHANG GUI 3:2 - Cho Bible Common Language 2016

² Ani naw Bawipa hnungtuk püi ne katnak bik ci, cun ung phi ani cu apa ah mäih, kä cung anu Jezebela ah mäih aih ah kä shekha aih ci. Baala khawihnah nak vai ah apa naw a pyan ah a gup cu ani naw phutawn ci.

2 GHANGPUGHANG GUI 3:2 Referans Kwoze

2 GHANGPUGHANG GUI 10:18

Jehu naw Samaria chang gui khü gui neta a pyen cu, Ahab ghangpughang naw Baala Khanpughi cu api ah va khawihnah ci, cun ung phi kei naw akdäm pi ah ka khawihnah khai.

1 GHANGPUGHANG GUI 21:25

(Ahab ah mäih ah Bawipa täng ah akshe bi vai ah akbe ah ng’ap cicu a u kä om ci — avan cu akchu Jezebela ah tooktam ah kyak ci.

PHYAWN NAK 23:24

Ami khanpughi gui ah ma ah kä na kawp vai, kä na khawihnah vai, ami yum nak ah mäih ah kä nami bi en tu vai. Ami khanpughi gui m’di gui ne, theing ciah ami lungktou gup gui phi nami m’shet vai.

2 GHANGPUGHANG GUI 21:20

Ani naw apa Manasseh ah mäih ah Bawipa hnungtuk püi ci;

2 GHANGPUGHANG GUI 21:6

Ani naw m’khih ne-douthak nak ah a htapa awn khawihnah ci. Ani naw cuun nak ce nak cu bilo ne, ng’cäbang ci la khoshe ah kai gui cu ng’shi k’thäh ci. Ani naw akdäm ah Bawipa cu hma ne hnungtuk püi ne, ani ah m’lung cu sheet sak ci.

2 GHANGPUGHANG GUI 9:34

mang im kyong ah lut ne, ei ei ci. Cun kawn ah ani naw, cän ah hnumi she cu la neta k’phuh vä; a i ah a kyak ung phi ani cu ghangpughang ah a hta nei” cik ci.

2 GHANGPUGHANG GUI 9:22

“Nang cu dimdeih nak awn na lawk ci ma?” cine Joram naw ng’shik ci. Jehu naw, “A i hawkcha ah dimdeih nak a om vai ang? Mikmi ung na nu Jezebela naw a tün ah cunce nak la a gup khawihnah nak cu om lä ci nei” cik ci.

1 GHANGPUGHANG GUI 21:20

Ahab naw Elijah cu hmu neta, “Ka ga aw, kei na na hmu ne ma?” cik ci. Elijah naw, “Ä, ka ning hmuk ci nei, nang cu Khanpughi täng ah akshe akbe ah bi vai ah nang ap ci nei.

1 GHANGPUGHANG GUI 16:19

Shin ah a kyak cu Bawipa hnungtuk püi ne katnak abi ah phäh ah kyak ci. Ani cu amtäm Jeroboam ah mäih ah kyak ci, ani cu amät ah hmakat nak la Israel gui katnak ung a hteh püi nak gui awn Bawipa cu m’thüi ci.

1 SAMUEL 15:19

I i ah kyasei cun cu kä na läk ang? A i ah kyasei chang ah khawh gut ne na lak ang? Acun naw Bawipa kä yei sak ci.