2 GHANGPUGHANG GUI 3:12 - Cho Bible Common Language 2016

¹² Ghangpughang Jehoshaphat naw, “Ani cu prophet akcang nei” cik ci. Cun ah kyasei ngami thum cu Elisha ah hteit ci gui.

2 GHANGPUGHANG GUI 3:12 Referans Kwoze

THU PHLAAN 3:9

Ngai vä! Keimi cu Jew chang nei cine hleei ci gui ah Satan ah chang gui cu na khaw kaa ah kawp ne ka ng’phah sak gui khai. Kei naw ka ning m’hni gui cu ami van naw hmat khai gui.

ISAIAH 60:14

Nangmi ning shedam na gui ciah ami hta gui cu law u ne, kawp u ne ami ning changsui nak m’dang khai gui nei. Acau ning päipih man ci gui ami van naw na khaw peiah law ne ning khawihnah khai gui nei. Ngami naw nang cu, ‘Bawipa ah mang Gaw’ ah ning khü khai gui nei. ‘Zion, Theingcim ciah Israel khanpughi ah mang gaw’ cik khai gui nei.

ISAIAH 49:23

Nangmi ah hmawk ah ghangpughang cu pa ah mäih ah kya ne, ghangpughangnu cu nu ah mäih ah kyak khai. Ngami naw nang ah ma ah kawp ne ning m’tamkhah khai gui; Ngami naw ami m’lung neim sak ne, ami ning changmsui nak cu m’dang khai gui. Cun kawn ah Kei, Bawipa ah ka kyak cu nang naw na hmat khai, kei naw ka m’htei vai ah na k’äih ci phung cu am’lung kä thüi khai.”

2 GHANGPUGHANG GUI 5:15

Ani cu achang gui avan awn Elisha ah law ba u neta, “Tuhbäi kei naw ka hmat pyi ci, a hei Khanpughi kä om ci, Israel Khanpughi bäng om ci nei; bawi aw ka yei aih ci nei, kei ah m’cümhnah nak gui cu na dou pe ä” cik ci.

2 GHANGPUGHANG GUI 2:21

Ani naw tui hta lawng ah hteit neta, m’shi cu tui ung lawn neta a pyen cu, “Shin cu Bawipa ah ng’thu pyen nei: Kei naw shin ah tui cu ka ng’ciim sak ci nei, cun kawn ah shin naw a u kä sih sak khai, a u ah m’gai phi kä yawih sak khai nei.”

2 GHANGPUGHANG GUI 3:11

Ghangpughang Jehoshaphat naw, “Bawipa na ng’shi k’thäh pe gui khai ah prophet tumat mat shin ung kä om ne ma?” cine ng’shik ci. Ghangpughang Joram ah gakap bawi naw, “Shaphat ah hta Elisha om ci nei. Ani cu Elijah tawi ciah kyak ci nei.”

2 GHANGPUGHANG GUI 3:13

Elisha naw Israel ghangpughang a pyen nak cu, “A i ah kei naw ka ning m’hteihtang gui vai ang? Na nupa gui ah ng’shi man ah prophet gui cu hteit ne ng’shi gui ä.” Joram naw, “Ka nei! Keimi ghangpughang thum gui Moab ghangpughang ah kut ung na ap gui cicu Bawipa ah kyak ci nei” cik ci.

JEREMIAH 37:17

Cun kawn ah Ghangpughang Zedekiah naw na la law tuneta manu im kyong ah adüm ah ana ng’shi cu, “Bawipa ah ng’thu a i baw om naw?” Kei naw, “om ci nei,” cineta ka m’khah ba cu, “Nang cu Babilonia ghangpughang am ning ap khai gui.”