2 GHANGPUGHANG GUI 3:1 - Cho Bible Common Language 2016

¹ Judah ghangpughang Jehoshaphat ah uknak a kum gha-lei-cheit nak ung, Ahab ah hta Joram naw Israel ghangpughang ah kya ne, Samaria ung om ne kum ghalei goi ung uk ci.

2 GHANGPUGHANG GUI 3:1 Referans Kwoze

2 GHANGPUGHANG GUI 1:17

Bawipa naw Elijah ung a pyen ah mäih ah Ahaziah cu sik ci. Ahaziah cu a hta kä om ci, cun ah kyasei anau Joram cu ani ah hnün ung ghangpughang ah ngo ba ci. Cun cu Jehoshaphat ah hta Jehoram naw Judah ghangpughang ah kya ne, a uknak akum goi nak ung ah kyak ci.

2 GHANGPUGHANG GUI 8:16

Ahab ah hta Joram naw Israel ghangpughang ah kya ne a uk nak, akum hma nak ung, Jehoshaphat ah hta Jehoram cu Judah ghangpughang ah kya lawk ci,

1 GHANGPUGHANG GUI 22:51

Judah ghangpughang Jehoshaphat ah a uknak akum gha lei chih nak ung, Ahab ah hta Ahaziah cu Israel ghangpughang ah kya lawk ci, ani naw Samaria ung kum goi uk ci.

2 GHANGPUGHANG GUI 3:9

Cun ah kyasei Joram ghangpughang, Judah la Edom ghangpughang gui cu, pawng ne hteit ci gui. Ami hteh nak hnüüp chih law khäta tui maih sei, chang gui la ng’sela gui ami awk vai kä om ci.

2 SHONTÄP NAK 22:5

Ngami ah m’cäi läk ne Israel ghangpughang Joram awn ng’dawn ne, Siria ghangpughang Hazael cu tuk ci goi. Kilead khaw Ramoth ung ami ng’tuk nak ung Joram cu leim ci.