2 GHANGPUGHANG GUI 24:3 - Cho Bible Common Language 2016

³ Shin cu Bawipa ah thumkhän ungka lawk ci, Judah chang gui amät ungka aktäm nak gui ah kyak ci, cun cu Ghangpughang Manasseh naw a shetkat nak avan ah phäh ah kyak ci,

2 GHANGPUGHANG GUI 24:3 Referans Kwoze

2 GHANGPUGHANG GUI 18:25

Nami khopäng cu Bawipa ah bawm nak kä om sei kei naw tu ne ka m’di ciah nami ngai ne ma? Kei naw tu ne ka m’di vai ah Bawipa amät naw na m’thein ci nei.

MIKHAH 2:10

Tho ne hteit vä, shin ung phyawn nak vai kä om ba ci nei. Shin ah hmun cu nak katnak naw ng’yiin sak ne di sak ci nei.

AMOS 3:6

Mang gaw ung chang gui kä ami kyih vai ung, ng’tuknak phyungpuuk a u naw tum man ne ang? Bawipa naw kä a tüih law ung leigai cu mang gaw ah khan ah gawk lawk khai aw?

ISAIAH 45:7

Kei naw akdei la a hmüp cu ka tüisho ci, Hriham la leigai cu ka law püi ci. Kei, Bawipa naw shin gui avan cu ka bik ci.

2 SHONTÄP NAK 25:16

Amaziah naw ng’thu ba pah ne, “Keimi naw nang cu ghangpughang na m’cäi m’ä khai ah kami ning tha ne ang? Kä chiu ba ne om ä, kä cung ka ning ngawn lawk khai nei!” cik ci. Prophet naw shin ah pyen neta, kä chiu ba ne om ci. “Tuhbäi kei naw ka hmat ci, Khanpughi naw nang ning m’di khai ah k’bäi pyi ci, a i ah kyasei ci ung nang naw shin gui bi ne, kei ah m’cäi ä nak a i ah kä na ngaih ah phäh ah kyak ci.”

2 SHONTÄP NAK 24:24

Sirian gakap gui cu api ah kyak ci gui, cun ung Bawipa naw Judean gakap akda cu näng sak gui ci, a i ah kyasei ci ung chang gui naw ami pupa gui ah Khanpughi Bawipa cu ami nawng ah phäh ah kyak ci. A shicha ah ghangpughang Joash cu am kyuk ah kyak ci.

JOSHUA 23:15

Ani naw shai atak päng pang ne, nangmi ung bii bik ci, cun ah kyasei ani naw shedam nak päng law püi khai.

THULÄÄN NAK 29:28

Bawipa cu mlungso ne nget law neta, ani naw adäm duh ciah amlungshe nak awn ami khaw ungka ang yung ah mawi gui ne, a khaw hei ah ghawt gui ci. Ngami cu tuhngawi a cu ah om ci gui.

THULÄÄN NAK 28:63

Bawipa naw nangmi cu nami bühmang vai ah ning pyang gui ne, nami da vai ah ning pyang gui ne a yeikyai ah mäih ah nangmi ning m’di gui ne nami khan ah dishum nak vai law püi ne, yeikyai khai. Nami khäm vai ah khaw ungka ka ning mawi ba gui khai.

PHYAWN NAK 20:5

A i ah a gup ah ma ah phi kä nami m’khukdong vai, kä nami khawihnah vai, a i ah kyasei ci ung, kei cu Bawipa, nami Khanpughi, a u awn phi kä ka ni täng ci. Kei na gen ci gui ah khan ah m’kyuk nak ka law püi ci. Ami hta ng’shon, shon thum, shon phli güt ung ka m’kyuk gui ci.

ATÜNNAK 50:20

Nangmi naw kei cu akshe ah nami na kyak nak ci, cun ung phi cun cu Khanpughi naw akni ah m’hlat ci nei, Tuh ngawi om ciah chang akda ah ghin nak vai ah bi pyi ci nei.

JEREMIAH 32:31

Shin ah mang gaw ung om ciah chang gui naw shin ani cawh ah hnüüp ge ung na m’lumg shene m’lung na sou sak ci gui. Kei naw shin cu m’di vai ah ka k’bäi ci,

JEREMIAH 52:28

Shin cu Nebukhadnezzar naw pha ne a hteh püi gui ami guk ah kyak ci: Ghangpughang ah a kyak nak akum chih nak ung 3, 023 pha ne a hteh püi ci,

EZEKIEL 24:6

Shin cu uktu Bawipa ah n’thu pyen nei: Chang ngawn nak ah mang gaw cu ng’ziin ci nei! Cun cu hnü ät phi k’tuh ne kä m’si man ah hnai kai ciah kyei k’am awn täng ci nei. K’am ungka meh cu m’ta ät kawn ah m’ta ät kä k’pawih khai ah la vä.

2 GHANGPUGHANG GUI 17:18

Bawipa cu Israel gui ah khan ah m’lungshe neta ama ungka naw maih sak gui ci, Judah uknak kho bäng k’pawih nak ci.

2 GHANGPUGHANG GUI 17:20

Bawipa naw Israel gui ami van hnungtuk püi gui ci, m’kyuk gui ne, m’ghämce ciah ga ah kut ung ap gui ne, ami van ama ung maih sak gui ci.

2 GHANGPUGHANG GUI 17:23

cun cu ak hnu ah Bawipa naw ama ungka naw ak täm gui güt acun ah bik khai ah a changshäm gui la a prophet gui ung ani naw thukbäi a pek gui pyi ah kyak ci. Cun ah kyasei Israel chang gui cu omktu ah kyak khai gui ah Assiria ah ami hteh püi gui ah kyak ci, acu ah tu ä güt om tuk ci gui.

2 GHANGPUGHANG GUI 21:16

Manasseh naw changni akda ngawn ne Jerusalem ung lam nu gui cu si awn lon sak ci; ani naw cun ah bi ne Judah chang gui cu a gup khawihnah nak ung lam shüm gui ci, Bawipa hnungtuk ne hmakat nak bi sak gui ci.

2 GHANGPUGHANG GUI 24:20

Bawipa naw Jerusalem la Judah chang gui ah khan ah ang htei ah m’lungshe neta, ani naw amät ungka naw k’täm gui ci.

EZEKIEL 22:3

Kei, uktu Bawipa naw ka pyen cu mang gaw am m’thei ä: a i ah kyasei nang naw na mät na lelawi sak ci, nang ah khin cu gawk lawk ci nei.